1500 بنزين.. انا معتقدش ان الماتريكس نزلت بنزين 1500 سى سى.

المنتشرة فى اوروبا و 1500 سى سى هى ديزل اسمه CRDi يعنى Common Rail Direct Injection و دى خاصه بحقن الديزل.

طيب حضرتك حطيت بنزين؟؟؟ هتعرف لما تيجى تفول هتلاقيها عايزه سولار (جاز) مش بنزين.

و انا مستنى اعرف ايه الاخبار.. و العربية مش هتحتاج منك حاجه بس قولنا هى عامله كام كيلو.. انا معايا ماتريكس 2007 عامله 58000 كم و الحمد لله زى الفل و مش بعملها اى صيانه.

بس الاحسن تفحص الكاوتش و تعرف حالته ايه و تراجع على زيت الفرامل و مياه التبريد و زيت الباور و تربط عفشة لو محتاجه و شد فرامل يد لو احتاجت (معتقدش طبعا هتحتاج).. و شوف سير الكاتينة لو عايز يتغير (على حسب عدد الكيلومترات) و سير التكييف و طبعا فلتر الهواء (ممكن يحتاج تغيير) و فلتر البنزين (سواء ديزل او بنزين) و البوجيهات (لو بنزين). و طبعا تفحص حالة تيل الفرامل و الطنابير و فى حاجات ممكن تلاحظها اثناء السير.
فحص الزيت و اذا كان محتاج يتغير مع الفلتر.

ربنا يباركلك فيها,, بجد عربية جامدة (((دبااااااااااااااااااااا ااااابه))).