نصيحة

**mab** · 07-04-2009 02:42 AM

المشكلة ان فى ناس كل تركيزهم ازاى يقلل من سعر العربية المعروضة وخلاص

عشان يقول انا محدش يقدر يضحك عليا

انا شخصيا افضل ادفع الفين زيادة عن سعر السوق
بس اشترى وانا مطمن
لانى ممكن اشترى نفس العربية ونفس الموديل واقل كتير عن سعرها بس اتبهدل بيها
على ما وقفها على رجلها واعرف امشى بيها

**hoka** · 08-04-2009 04:58 AM

والله معاك حق ده من وجهة نظرى
يعنى اللى يحب يشترى اول حاجة يدور
على حد من صحابة او معارفة ملكاش يبقى لما يجى يشترى ياجد معاه كونسلتوه
ميكانيكى وعفشجى وسمكرى ويرفعها فى البنزينة علشان يبقى فى المضمون إن شاء الله

**velkouf** · 08-04-2009 03:00 PM

مشكور اخى الفاضل على هذة المعلومة
ولكن من اتصالك بصاحب السيارة ممكن تعرف اذا كان تاجر او لا من خلال الحوار
و على اى حال العربية حالة و سعر مقبول للطرفين

**algeneral** · 08-04-2009 03:07 PM

شكرا علي النصيحه

**guevar4** · 08-04-2009 03:27 PM

يا سيدى ما بين البايع والشارى يفتح الله ومش كل اللى بيبيع يبقى تاجر واللى جاى يشترى بيفهم هو بيتعامل مع تاجر والله مع ناس محترمة كل الحكاية ان الناس تنزل فى السعر وخلاص ومتشتريش بردو لازم اما تيجى تتفرج على حاجة مستعملة تشوف الناس اللى بتتعامل معاهم و تشوف حالة العربية وتقرر تستاهل التمن ده ولا لاء يا راجل ده الناس لمل بتتكلم اول سؤال يقولك اخرها كام طب انت شوفتها ولا تعرفها عشان تقيم تمنها

**ابو حسين** · 08-04-2009 11:35 PM

شكرا علي التنبيه ..

**onsi** · 12-04-2009 03:28 AM

شكرا لصاحب الموضوع بس انتى عرفت منين ان كلهم او بينهم حتى تجار ؟؟ هل جربت فعلا تتصل بحد منهم او قابلتة علشان تنشر هذة المعلومة ولا بتكلم عامة؟

**nan3000** · 12-04-2009 04:00 AM

انا معاك طبعا يا مان وفى الحقيقة بقى العربية اللقطة زى مابيقولوا مايتدللش عليها على النت لانها لازم تلاقى مشترى وفورا والكل بيفهم الا وفى حالة واحدة لو صاحبها عزيزة اوى عليه ومش مصدق انه ممكن يخسر فى تمنها فيتقل كدة لحد مايدوخ وفى الاخر يسلم ويبيع باى تمن وطبعا نصيحة تانية وبامانة لو عربيتك قعدت كتيير واتعرفت انها مابتبعاش محدش حيبص لها اصلا علشان من غير ماافكر لو هى كويسة ليه كل الوقت ده ماتباعتش.وفى الاخر لو انت مش تاجر وعايز تبيع نصيحتى روح لتاجر يمكن يخسرك شوية لكن على الاقل مش حيدوخك مع كل تجربة وانا شخصيا بعت عربيتى فى يومين فقط ومخليتش حد يتفرج عليها ولا تكتب ابدا للبيع عليها علشان اكيد حتندم من وجع الدماغ وادى العيش لخبازه .

**amr_elrashidy** · 14-04-2009 11:16 AM

المشاركة الأصلية كتبت بواسطة velkouf

مشكور اخى الفاضل على هذة المعلومة
ولكن من اتصالك بصاحب السيارة ممكن تعرف اذا كان تاجر او لا من خلال الحوار
و على اى حال العربية حالة و سعر مقبول للطرفين

لو التاجر اللى قدامك عامل فيها عبيط صدقنى صعب جدا انك تعرف انه تاجر الا بحاجات معينة..زى رخصة العربية..لو بأسمه 75% يبقى مش تاجر و 25% ممكن يبقى تاجر و بيطمن المشترى فبيجدد و ينقل الملكية بأسمه عشان اللعبة تمشى و المصاريف يضيفها على تمن البيع...احسن عربية ممكن تشتريها و انت مطمن انها من مستهلك عادى..عربية اخوك..ابوك..قريبك..صاحبك..معا رفك بوجه عام ..مش معنى كده ان 100% الباقى تجار ابدا ابدا..بس نسبة التجار فى بيع المستعمل تعدى ال 75%

**Chucky** · 14-04-2009 03:55 PM

يا باشا مش شرط كل اللى على النت يبقوا تجار...

انا مثلا لما كنت ببيع عربيتى القديمة كنت حاطت اعلانها على النت لانى مليش خلق انى انزل السوق و افضل واقف فى عز الشمس و جالى كذا زبون و فى منهم كان تجار و فى ناس كانت ناوية تشترى بس كانوا عايزين ينزله تمنها الارض

و فى النهاية بيبان من طريقة معاملة الشخص اذا كان تاجر ولا صاحب العربية الاصلى

انا عن نفسى لما باجى ابيع عربيتى بعرضها للبيع و يوم لما حد يجى يتفرج عليها افتحله العربية و اقف بعيد شوية اسيبه يقلب براحته فى الاخر اشوف رائيه ( ده لانى بكون واثق فى حالة عربيتى ) انما لو العربية متهانة او كده بتلاقى صاحبها وشه قالب ميت لون لما يلاقيك بتقلب جامد