+1111111
معلش هى القافية حكمت :verygood:
غالبا ان شاء الله العيب من طلمبة البنزين بتقطع فى الحر او لما بتسخن
الموبينه على حد علمى نوعين
واحد لما تعطل توقف العربيه مره واحده
والنوع التانى بتعمل زى ما ساعتك بتقول بالظبط
وده لأنها بتسخن جدا
ممكن تجرب الموضوع ده بنفسك لما العربيه تعملها تانى معاك افتح الكبوت وحط ايدك بحزر عليها ولو لاقتها سخنه وعلشان التاكيد حط فوطه مبلوله مياه عليها لمد 5 دقائق وبعدها امشى لو العربيه تمام لازم تغير المبينه علطول علشان متهملهاش معاك واقف خالص وانت على الطريق وخصوصا انك من سكان القاهره الجديده
يااخ خالد
لما العربيه تقف منك فى الطريق - افتح غطاء تنك البنزين واسمع هل يوجد صوت شفط هواء لداخل التنك ام لا واذا كان فيه صوت - يبقى الفايظ بتاع التنك مسدود ولما بتمشى شويه بالعربيه ويتم سحب البنزين من التنك ولا يتم التعويض مكانه بالهواء ولذلك يحدث انخفاض فى الضغط داخل التنك و بالتالى لاتستطيع الطلمبه ان تسحب البنزين - جرب وطمينى
السلام عليكم اولا
بص ياسيدي انا جارك ساكن جنب الشويفات روح غير فلتر الهوا ممكن يكون احتمال كبير جدا هواللي عامل المشاكل دي وفي الاول وفي الاخر الله اعلم
وكنت عايز اعرف انت الفتيس عادة ولا اتوماتيك
انا مع الرأى السائد وهو البوبينا
طرمبة البنزين
ماتمشيش من شارع التسعين...
هو ده فعلا احسن حل
افصل الكابل بتاع حساس الشكمان اللي امام الموتور و جرب لو لاقيت استهلاك البنزين زاد شوية و مقطعتش دا معناه ان الحساس دا عايز يتغير و نصيحه غيره في التوكيل علشان محدش يلعبلك في العربية
شكرا للجميع ، وآسف في التأخير ، وإليكم الآتي بعد الأخذ بنصائح السادة الأعضاء :
1) غيرت فلتر الهواء بواحد جديد .
2) غيرت فلتر البنزين .
3) بقالها فترة ما عملتش الموضوع ده قلت الحمد لله المشكلة اتحلت ، ولكن !
4) النهارده كنت بأوصل قريبي إلى إنبي في آخر عباس العقاد وانا راجع وأيضاً وفي نفس ذات المكان في شارع التسعين وانا راجع التجمع عملت نفس التقطيع لما آجي أكبس بنزين قمت بعمل الآتي :
أ) جبت فوطة مبلولة علشان أحطها على البوبينة أبردها أخذا بنصيخة الأستاذ أيمن وكانت المفاجأة لم أجد البوبينة ، أو بالأصح لم أعرف مكانها ، أنا أعرف إن الاسبراتير بيبقى واصل له 5 كبلات (أسلاك) 4 رايحين للبوجيهات والخامس بيبقي واصل بالبوبينة ، لقيت الاسبراتير ( وهو الكتروني ) واصل له 4 كابلات فقط ومافيش سلك خامس ، أدور على البوبينة يمين شمال مش لاقيها ؟؟!!
ب) لاحظت حاجة وهي في هذه الحالة أولا الحرارة عند النصف مافيش سخونة ، لما آجي أشغل ألاقي أمبير RPM بيعلى قوي وصوت الموتور كذلك ثم ينزل ويبقى عادي بعد كده ، يعني تحس إن في كبس بنزين زيادة لوحدها ، أطفي وأشغل تاني تعمل نفس الحكاية بس الصةت بيكون أهدى شوية من المرة الأولى ، ولما أمشي تسحب وتجري زه الفل الموضوع ده حصل النهارده .
5) للأسف ما فتحتش تنك البنزين للأخذ بنصيحة الأستاذ /عماد هارون ، لأني ما كنتش قريت نصيحته بعد ، بس اعتقد انها صحيحة لأني بأحس إن كبس البنزين عالي قوي فالعربية بتتخنق ، ولما أطفي وأشغل مرتين بدون الضغط على دواسة البنزين ضغط البنزين بيقل شوية والعربية بترتاح وبتمشي كويس جدا .
6) بالنسبة لنصيحة الأستاذ عصام فريد أعتقد حساس الشكمان لو فيه حاجة كانت لمبة الـ Check نورت علطول ، لكن اللمبة مت نورتش مع العلم إنها شغالة لما بافتح الكونتاكت .
7) بالنسبة لنصيحة الدكتور/ محمد مدكور ، لامفر يا دكتور من المشي في شارع التسعين لأن هو ده الطريق الوحيد إلى المنزل !!!
8) مع العلم إني كنت في أجازة شم النسيم في الاسكندرية رحت وجيت زي الفل حتى المحور كان يوم الاثنين واقف خالص في الرجوع 10كم خدناهم في 3 ساعات ولم تقطع السيارة وكانت شغالة كويس جدا ، طرمبة البنزين لو كان فيها حاجة كانت عملتها في مشوار اسكندرية رايح جاي السحب كويس ومافيش حاجة خالص.
9) الموضوع متعب شوية والكهربائية والميكانيكية إيدك منهم والأرض ولا الهوا ، لأن لما بأروحله بتكون العربية كويسة وبيقولولي العربية زي الفل ، غير اللي بيبقى عايز يشتغلنى طبعا زي ما انتم عارفين ، كشفت على العربية بالسكانر في التوكيل وخد 80 جنيه ، ومافيش نتيجة العربية كويسة .
10) الموضوع ده لما الجو بيكون حر فقط الصيف داخل وربنا يستر ، انا حاسس إن الموضوع بسيط بس نحط ايدينا على المشكلة ، إذا عرف السبب بطل العجب !!والله أعلم
ممكن تجرب تسلك الريداتير وتشوف بعد كدة