صباح الفل يا جماعة انا قلبت المنتدى على موضوع قيم لفتحة السقف ملقيتش اذاى تتعمل و عند مين و بكام و المزايا و العيوب و سعر العربية عند اعادة البيع و فى جاهز ولا كلة تفصيل ... أفيدونى أفادكم الله
عرض للطباعة
صباح الفل يا جماعة انا قلبت المنتدى على موضوع قيم لفتحة السقف ملقيتش اذاى تتعمل و عند مين و بكام و المزايا و العيوب و سعر العربية عند اعادة البيع و فى جاهز ولا كلة تفصيل ... أفيدونى أفادكم الله
عند ارابكوم دا انضف واحد و ب 3000 تقريبا
متشكر يا باشا محدش عندة اى معلومات اضافية
أنت أكيد مدورتش كويس فى موضوع عنها فى قسم الأوبل أهوه
http://www.nilemotors.net/Nile/showthread.php?t=60629
بص يا سيدى العيوب بتجيب بارومة لو متعملتش كويس
بتسقط مية فى الصالون لو متقفلتش كويس
لتفادى العيوب ممكن تتنى الحروف بتاعت السقف الى تحت الجلد و تروشها under coat أو دوكو
و ماتنساش أهم حاجة التركيب و التقفيل لازم يكون مليون فى المية
انا رائى ماتلعبش فى العربية لان سقف الفيرنا صغير وانت كدة هتضطر تشيل منة قضبان الحماية بتاعتة فبكدة هيبقى السقف عندك ضعيف جدا وبردة مش هيطلع زى الفبريكة واكيد لازم يطلع فية غلطة فخليها كدة احسن ومش فارقة كتير يعنى فتحة سقف من غيرها وكمان هاتكلفك جامد ولسة انت طبعا اكيد هتعملها كهرباء فهيبقى حوار جامد ومكلف اوى وكمان هينزلك من تمن العربية مش اقل من 7 الف جنية
انا مره كنت عند السمكري وكان في واحد معاه 505 و كان عايز يعمل فتحه سقف السمكري قال اشتري سقف استيراد فيه فتحه سقف وركبه
بس بلاش احسن
متشكر يا حماعة ليكوا كلوكو على الردود بما ان كلها سلبية فبلاش احسن !!!
وجع دماغ ومصاريف على الفاضي الصراحة ..
وكمان مش هتستخدمها كتير .
ايا كان تكلفة الموضوع
الحركة ديه هاتنزل من تمن العربية عند البيع
و عمر ما هايكون معمول مظبوط و بالتالي
بعد ما تدفع و تعمل و تبوز هاتحس انك اتعككنت و بوزت العربية
خد بالك من البارومه يا باشا زي ما الاخوه قالو
]دا غير بعد لما تظبط العمليه طبعا هتعوز ترش السقف يبقي دخلت في تكلفه تانيه خالص
بالتوفيق بلاش احسن
العملية دى مشاكلها اكتر من مزاياها
انا هأقولك عن تجربتى انا الشخصية
من 82 كان معايا جولف رابيت Gti حمراء وكان نفسى فى فتحة سقف ليها
رحت ركبتها عند واحد فى شارع متفرع من جسر السويس تحت كوبرة التجنيد وكان فى نوعين زجاج مرايا وأسود مظلل أخترت الاسود طبعا وكانت صناعه ايطالى وكانت محكمة جدا لدرجة ازهلتنى انا شخصية وكانت مدية للعربية منظر وهمممممممى لأبعد الحدود
أحلى شىء فدتنى فيه الفتحة دى فى الصيب كنت لما اركن العربية كنت افتح الفتحة دى لفوق لانها كانت بتتفتح فى 6 حركات ولما ارجع العربية الاقيها مش سخنه زى وانت قافلها وفى نفس الوقت ما حدش يقدر يدخل العربية ولا يمد ايده جوها
نسيت اقولك انها كانت ب 85 جنية ايوه ب خمسة وتمانين جنية فقط سنة 82 وفضلت معايا بدون اى تسريب تماما 14سنة لحد ما بعت العربية سنة 96 بيها
دى تجربتى والغريب ان الشركة دى بالصدفة البحتة قريبا جدا لقيتها لسة فاتحة فى نفس المكان وكنت فى مرور بين السريات من شهر لقيت فرع تانى ليها جنب المرو بس اعزرنى مش فاكر الاسم
شوف وانت رايح على الألف مسكن ما تطلعش كوبرى التجنيد خليك تحتة يمين هتلاقة اشارة وتقاطع الترام هتدخل يمين لو بصيت يمينك الناحية التانية هتلاقية وسط المحلات اللى هناك للاسف فعلا مش فاكر اسمة ممكن تعمل يو ترن وترجع تسأل عليه هناك
انا متشكر ليييييك جداا شكلى حروحلة بس قوللى هو قص فى الصاج و ركب الفتحة ب 85 جنيييية يمكن دة سنة 82 و دلوقتى اكيييد حيوقللى 3085 اكييد حقة بأمانة لو هى جامدة قوى كدة حروح اسأل
أصل بصراحة يا جماعة شفت واحد وانا فى اسكندرية بفيرنا برضة كان عاملها بس مش لفوق كشف كامل فضلت ماشى وراة عايز اوقفة و اقلبلة و ازمر افتكرنى للاسف بشد معاة !!!!!!!! و قعد طاير !!! بأمانة كسلت اكمل معاة :))))))))))))))) بس يا شباب كانت تحفة و العربية منورة من جوة كأنها كابورلية والله الواحد فعلا خايف اروح لحد حمار يبوظلى العربية خصوصا انها لسة فالضمان موديل 2008
طبعا قطع جزء مستطيل فى الصاج بس بحرفية شديدة وادهانى وقالى علشان لوغيرت رايك وحبيت تشيل السقف السمكرى يلحمهالك تانى وترجع زى الاول
وانا اديتها بدورى للى اشترى من العربية واستغرب جدا طبعا
وهى فعلا بتدى شكل تحفة للصالون وبتنورة بطريقة لذيذة جدا
انا غلطت فى الوصفة انا اسف للكل يا جماعهى هاعيدها تانى انتم عارفين الكلام ده من سنين
هتمشوا فى جسر السويس من روكسى لحد ما يكون كوبرى التجنيد مطلعه ادامكم والسنترال يمينكم مش هتطلعوا الكوبرى من تحتة هتعدوا شريط الترام وتدخلوا شمال ويكون التجنيد يمينكم هتعملوا يو ترن من عند الميدان اللى عنده مركز صيانة هايونداى هيكون المحل ده على اديكم اليمين فى محلات كتير هناك من الميدان ده لحد تحت الكوبرى وانتم راجعين تانى اسالوا لانى بصراحة نسيت الاسم ومن فضلكم اللى يروح يعرف تليفونهم علشان انا عايزة واكيد فى ناس كتير عايزينة كمان
ها ما حدش لسة راح ولا ايه
على فكرة كدا ممكن يخرجها من الضمان هيستعبطوا عشان يخرجوك بره الضمان إسأل الأول
نصيحه بلاش هتموت العربيه جامد عايز فتحه سقف هات حاجه تكون فيها فتحه السقف جاهزه
عمر اللى انت بتفكر تعمله هيكون زى فتحة السقف الفابريكة ابداً
وانا كمان ناوى اعملها وربنا يسترررررر علينا و الذ شىء اننا حنلبس جماعة مش فردى هىهىههى
طيب ياجماعة انا ساكن هناك هسئلكم النهاردة وانا راجع من الشغل و إن شاء الله هاجبلكم الأسم والتليفون والتكلفة تقريبا هتكون كام تحياتي
عديت بس نسيت النهاردة الأحد الراحة الأسبوعية ليهم وهو فعلا اسمه البرى ذى ما أ.أشرف فتحى قال عشان مفيش غيره هناك ومواعيدهم من الساعة 10:30 ص لحد 7 م وهو جمب بنزينه أويليبيا بكره اعدى ثانى إن شاء الله وأسئلكم
رحت سئلت النهاردة ياجماعة هو اللى موجود عندة حاليا فتحت سقف عادية مش كهربه وفى منها مقاسين واحدة وسط و واحدة كبيرة طبعا اللى ينفع يركب عندكم هي الوسط عشان الكبيرة دى محتاجة عربية عريضة والراجل قعد يفرجنى على شوية صور لعربيات معملها الفتحه وهيه بتفتح في 3 اتجهات حرف V والعكس ولفوق للثنين المهم السعر قال الوسط بى 340 جنية والكبيرة بى 375 جنية وبتاخد ساعتين شغل والسعر شامل كل حاجة سئلته طيب اية نظام الفتحة الكهربه قال دي بنعملها بالطلب وبتكلف 2000 جنية وبتفتح فى اتجهين V و Sliding بتزحاق لبرة ذى اللى في الهونداى الكوبية كدة فى الاخر قلتله طيب مفيش خوف من تسريب ميه وتراب والكلام دة قالى لأ كله بيكون تمام طيب عليها ضمان قالى لأ بس لو حصل وكان في تسريب وخلافة هنعملهلك.
الراجل اسمه محمد عزمي وده التليفون للى يحب يستفسر أكثر : 26372833
اى خدمة و تحت امركم
تحياتي
على فكره الصور مش مقياس انا شوفت فتحه السقف اللى عارضها راكبه على 128 ومعجبنيش شكلها وده خلانى مش ناوى اعمل فتحه سقف!
تحت امرك ياباشا الشكر لله .. بس كل الصور اللى شوفتها كانت الفتحة عادية مش كهربه والصراحة معجبتنيش قوي كانت واحدة على تاكسي رينو والثانية على أوبل أستر الشكل القديم معرفش نظام الفتحة الكهربه هيكون اية واللى ضارب في دماغة قوي يعملها يحاول يطلب من الراجل انه يشوفها راكبة على عربية معمولها وبعد كدة يقرر والصراحة انا لو مكنكم مش هعملها لانى شايف عدم اهميتها والفلوس اللى معايا اعمل اى تعديل في العربية بيهم سواء فلتر رياضي أو عفشه رياضية أو جنط وخلافة دى وجهه نظري.