هو ينفع يا جماعه ارش الجنوط العاديه نيكل ؟ يعنى احوله من جنط عادى لجنط نيكل
و لو ينفع مين بيعمله و بكام
عرض للطباعة
هو ينفع يا جماعه ارش الجنوط العاديه نيكل ؟ يعنى احوله من جنط عادى لجنط نيكل
و لو ينفع مين بيعمله و بكام
اضم صوتى لصوتك
طب يرب حد يسمع صوتنا هههههههههههه
بس هو في سبراي نيكل كروم بيتباع ب 12 جنيه ده ممكن ترشه علي الجنوط بس مش هيديك النيكل اللي بالك فيه
فا انت ممكن تروح لواحد بتاع نيكل ينكلهولك وهيبقي جامد جدا
بس معرفش بكام هو ممكن يدخل في حدود 50 جنيه للفردة الواحده
انا كان عندي جنوط ونكلتهم وجماد جدا دلوقتي الجنط الواحد ب 50 جنيه انا عملت ال 4 ب 150 جنيه وغير كده اني هوا بيزل التجريحات الي في الي جنط لو كان فيه خدوشات يعني بصراحه جامد جدا الكلام ده عملتوا من سنه في اسيوط اكيد هتلاقي في القاهره وبيختلف على حسب الجروحات الي فيه او انت عاوز تنكلوا كلوا او جزء منوا
طيب ياريت صورة يا باشا
الحوار ده لو تم يبقي جامد جدا يارجاله
علي كده الواحد ممكن يجيب جنط مستعمل وينكله
او لو لاقدر الله واحد عنده جنط وواخد خبطه وملحوم ممكن ينكله بعد كده
للأسف معنديش صور ليهم
ومقدرش اجيب صور في الوقت الراهن لأني كانوا راكبين على كاوتشات كبيره من ورا ومن قدام اصغر منها وكانوا راكبين في نيسان صني ولما جبت العربيه الجديده متسوبيشي لانسر وركبتهم لقيت انهم بيحكوا من ورا في صاج العربيه في اي مطب حتى ولو كان خفيف بدون اي ركاب من ورا او شنط مما خلاني افكهم واحطهم على جمب لمعرفة حل في الموضوع :_Alshmokh11:
هما انا لما نكلتهم رجعوا احسن من الاول بكتير جدا جدا ولكن مش هيكونوا في جودة الجنوط الي جايه متنكله طبيعي فيه فرق شاسع يمكن عشان الايد العامله المصريه يعني مش هيدوك المعان الفعال انك تبص فيهم تلاقي وشك زي الجنوط التانيه ولكن احسن من الاول بكتير
انا بعد ما نكلتهم نصحوني اني ادلخلهم فرن "فرن لدهان السيارات" ب 50 جنيه تاني يعني الحسبه ب 200 جنيه كلها وبصراحه جامدين
وفي اقرب فرصه هبقى اوريكم الصور
يعنى مش بتبقى زى الجنوط اللى جايه نيكل اصلا؟؟ و انا فى المنصوره مش عارف يتعملوا عند مين و هو الجنط اصلا سليم مفيش فيه خدوش ولا حاجه انا بس عايزه يبقى نيكل هيبقى حلو يعنى ولا بلاش؟؟؟
انا اصلا كان الجنط عندي مهري من كتر الخبطات فيه في الرصيف فا كنت عاوز اعمل الخدوش ديه بس لقيت عندوا اني هوا بينكل فنكلتوا بص يا زعيم هوا هيكون حلو بس زي ما قولتلك على حسب شكل الجنط الي عندك يعني لو اتعمل نيكل بيبقى حلو ولالا هوا على العموم الراجل وراني هوا بعمل ايه هوا بحطوا على جهاز كده "بينظفوا" زي جاهز بوش لتلميع السيارات وبعدين عندوا حوض فيه وصلات كده وفيه الماده ديه بيسقطوا فيه ويطلعوا تاني انا مش عارف اوصف تمام بس انت اكيد لو نزلت الحرفين في القاهره هتلاقي الموضوع ده