رش الجنوط

**zAzU** · 06-04-2009 03:22 AM

هو ينفع يا جماعه ارش الجنوط العاديه نيكل ؟ يعنى احوله من جنط عادى لجنط نيكل
و لو ينفع مين بيعمله و بكام

**speed4speed** · 06-04-2009 02:55 PM

اضم صوتى لصوتك

**zAzU** · 07-04-2009 03:35 AM

طب يرب حد يسمع صوتنا هههههههههههه

**karim_hhhhh** · 07-04-2009 04:45 AM

بس هو في سبراي نيكل كروم بيتباع ب 12 جنيه ده ممكن ترشه علي الجنوط بس مش هيديك النيكل اللي بالك فيه
فا انت ممكن تروح لواحد بتاع نيكل ينكلهولك وهيبقي جامد جدا
بس معرفش بكام هو ممكن يدخل في حدود 50 جنيه للفردة الواحده

**theking_med** · 07-04-2009 04:20 PM

انا كان عندي جنوط ونكلتهم وجماد جدا دلوقتي الجنط الواحد ب 50 جنيه انا عملت ال 4 ب 150 جنيه وغير كده اني هوا بيزل التجريحات الي في الي جنط لو كان فيه خدوشات يعني بصراحه جامد جدا الكلام ده عملتوا من سنه في اسيوط اكيد هتلاقي في القاهره وبيختلف على حسب الجروحات الي فيه او انت عاوز تنكلوا كلوا او جزء منوا

**HERO_MTN** · 07-04-2009 04:25 PM

طيب ياريت صورة يا باشا

**SmartMega** · 07-04-2009 04:32 PM

الحوار ده لو تم يبقي جامد جدا يارجاله
علي كده الواحد ممكن يجيب جنط مستعمل وينكله
او لو لاقدر الله واحد عنده جنط وواخد خبطه وملحوم ممكن ينكله بعد كده

**theking_med** · 07-04-2009 04:54 PM

المشاركة الأصلية كتبت بواسطة HERO_MTN

طيب ياريت صورة يا باشا

للأسف معنديش صور ليهم

ومقدرش اجيب صور في الوقت الراهن لأني كانوا راكبين على كاوتشات كبيره من ورا ومن قدام اصغر منها وكانوا راكبين في نيسان صني ولما جبت العربيه الجديده متسوبيشي لانسر وركبتهم لقيت انهم بيحكوا من ورا في صاج العربيه في اي مطب حتى ولو كان خفيف بدون اي ركاب من ورا او شنط مما خلاني افكهم واحطهم على جمب لمعرفة حل في الموضوع

هما انا لما نكلتهم رجعوا احسن من الاول بكتير جدا جدا ولكن مش هيكونوا في جودة الجنوط الي جايه متنكله طبيعي فيه فرق شاسع يمكن عشان الايد العامله المصريه يعني مش هيدوك المعان الفعال انك تبص فيهم تلاقي وشك زي الجنوط التانيه ولكن احسن من الاول بكتير

انا بعد ما نكلتهم نصحوني اني ادلخلهم فرن "فرن لدهان السيارات" ب 50 جنيه تاني يعني الحسبه ب 200 جنيه كلها وبصراحه جامدين

وفي اقرب فرصه هبقى اوريكم الصور

**zAzU** · 07-04-2009 07:33 PM

يعنى مش بتبقى زى الجنوط اللى جايه نيكل اصلا؟؟ و انا فى المنصوره مش عارف يتعملوا عند مين و هو الجنط اصلا سليم مفيش فيه خدوش ولا حاجه انا بس عايزه يبقى نيكل هيبقى حلو يعنى ولا بلاش؟؟؟

**theking_med** · 07-04-2009 08:16 PM

انا اصلا كان الجنط عندي مهري من كتر الخبطات فيه في الرصيف فا كنت عاوز اعمل الخدوش ديه بس لقيت عندوا اني هوا بينكل فنكلتوا بص يا زعيم هوا هيكون حلو بس زي ما قولتلك على حسب شكل الجنط الي عندك يعني لو اتعمل نيكل بيبقى حلو ولالا هوا على العموم الراجل وراني هوا بعمل ايه هوا بحطوا على جهاز كده "بينظفوا" زي جاهز بوش لتلميع السيارات وبعدين عندوا حوض فيه وصلات كده وفيه الماده ديه بيسقطوا فيه ويطلعوا تاني انا مش عارف اوصف تمام بس انت اكيد لو نزلت الحرفين في القاهره هتلاقي الموضوع ده

الموضوع: رش الجنوط

LinkBack

أدوات الموضوع

عرض

رش الجنوط - انشر الموضوع فى :

-

-

-

-

-

المواضيع المتشابهه

الجنوط

لخبراء الجنوط ارجو تسعير الجنوط دي.16 و14 بالكاوتش بتاعهم

وزن الجنوط

قفل الجنوط

هل فى فرق بين الجنوط الاسبور و الجنوط الحديد العادية للانوس ؟

الكلمات الدلالية لهذا الموضوع

المفضلات

المفضلات

ضوابط المشاركة