ظبطت العفشة بتاعتى عند كار بويز

**HAWARY** · 10-04-2009 05:47 PM

تغيير مساعدين 150 حرااااااااااااااااااااااا ااااااااام
تغيير بوجيهات 40 ( يا ترا للواحد ولا للاربعه ) برضه حرااااااااااااااااااااااا ااااااااام
يا سيدي الفاضل مين فهمك ان الشغل النضيف لازم تكون مصنعيته غاليه ؟
يا سيدي المصنعيه المتعارف عليها في كل مجال بأختلاف تخصصه تمثل قيمة عمل صحيح وسايم .
علي فكره احنا السبب في زيادة اسعار المصنعيات بالشكل المستفز ده لما ادي مبررات للاستنزاف الاموال بالشكل ده .
ما فيش فايده :k26:

**bimmeraddict** · 10-04-2009 09:36 PM

كار بويز شغلهم نضيف أوي بس أسعارهم بجد غبية
أنا لما اشتريت مساعدين كوني من أرابكوم قالي ركبهم عند كار بويز عشان الضمان ورحت هناك وركبتهم
تخيل خد كام.اسمة مهندس سعيد
250جنيه !!!!!!!!!!!!
تاني مرة قلت أعمل فحص للعفشة عندهم عشان أتأكد أن كل حاجة تمام خد كشف 20 جنية عشان شيك على المساعدين

**aratux** · 11-04-2009 12:09 AM

المشاركة الأصلية كتبت بواسطة HAWARY

تغيير مساعدين 150 حرااااااااااااااااااااااا ااااااااام
تغيير بوجيهات 40 ( يا ترا للواحد ولا للاربعه ) برضه حرااااااااااااااااااااااا ااااااااام
يا سيدي الفاضل مين فهمك ان الشغل النضيف لازم تكون مصنعيته غاليه ؟
يا سيدي المصنعيه المتعارف عليها في كل مجال بأختلاف تخصصه تمثل قيمة عمل صحيح وسايم .
علي فكره احنا السبب في زيادة اسعار المصنعيات بالشكل المستفز ده لما ادي مبررات للاستنزاف الاموال بالشكل ده .
ما فيش فايده :k26:

متشكر جدا على نصايح حضرتك الغالية
لكن حضرتك لو دورت على موضوعاتى القديمة, هاتلاقى إنى عملت كذا موضوع أطلب إن حد يرشحلى صنايعى نضيف, و ماحدش رد علية, لغاية مالقيت موضوع كاربويز بالصدفة فى منتدى رينو

على فكرة, أنا تعبان فى الفلوس دى, و ماحدش بيصرف علية, و أكيد بتوجعنى قوى

**aratux** · 11-04-2009 12:12 AM

المشاركة الأصلية كتبت بواسطة bimmeraddict

كار بويز شغلهم نضيف أوي بس أسعارهم بجد غبية
أنا لما اشتريت مساعدين كوني من أرابكوم قالي ركبهم عند كار بويز عشان الضمان ورحت هناك وركبتهم
تخيل خد كام.اسمة مهندس سعيد
250جنيه !!!!!!!!!!!!
تاني مرة قلت أعمل فحص للعفشة عندهم عشان أتأكد أن كل حاجة تمام خد كشف 20 جنية عشان شيك على المساعدين

هوة برضه مهندس سعيد اللى عملى الشغل فى عربيتى

و انا هأجل التعليق النهائى على شغلهم لفترة كدة.

**lancerevolution** · 11-04-2009 12:37 AM

معلش 40 جندى بوجيهات غالى جدا جدا جدا و كمان المساعدين 150 جنيه غالى قوى
بس ى داهية الفلوس طول ما بالك مستريح

**Ahmed Selim** · 11-04-2009 12:53 AM

المشاركة الأصلية كتبت بواسطة HAWARY

تغيير مساعدين 150 حرااااااااااااااااااااااا ااااااااام
تغيير بوجيهات 40 ( يا ترا للواحد ولا للاربعه ) برضه حرااااااااااااااااااااااا ااااااااام
يا سيدي الفاضل مين فهمك ان الشغل النضيف لازم تكون مصنعيته غاليه ؟
يا سيدي المصنعيه المتعارف عليها في كل مجال بأختلاف تخصصه تمثل قيمة عمل صحيح وسايم .
علي فكره احنا السبب في زيادة اسعار المصنعيات بالشكل المستفز ده لما ادي مبررات للاستنزاف الاموال بالشكل ده .
ما فيش فايده :k26:

سيدى الفاضل......فى فرق بين صنايعى و مهندس

فرق فى الشغل
فرق فى الفهم لمشاكل العربيات
فرق فى طريقة معالجتها
و أكيد أكيد فرق فى الفلوس

يعنى تفرق لو أنت مدى عربيتك لواحد فاهم بس مش 100% و قابلته مشكلة و حلها أى كلام و رجعتله بعدها تانى بدل المرة 2 و 3 و 4
و واحد تانى تديله العربية و عارف أنك مش هترجعله تانى بأمر الله لأنه فاهم هو بيعمل أيه.

المشاركة الأصلية كتبت بواسطة bimmeraddict

كار بويز شغلهم نضيف أوي بس أسعارهم بجد غبية
أنا لما اشتريت مساعدين كوني من أرابكوم قالي ركبهم عند كار بويز عشان الضمان ورحت هناك وركبتهم
تخيل خد كام.اسمة مهندس سعيد
250جنيه !!!!!!!!!!!!
تاني مرة قلت أعمل فحص للعفشة عندهم عشان أتأكد أن كل حاجة تمام خد كشف 20 جنية عشان شيك على المساعدين

يا باشا ما أنت جايب مساعدين كونى مش أقل من 3 أو 4 ألاف جنيه
تحب تروح لواحد يبوظهملك ؟؟؟؟
لو مساعد واحد باظ و أنت مركبهم برة أرابكوم مش هيرجعهولك

المشاركة الأصلية كتبت بواسطة aratux

هوة برضه مهندس سعيد اللى عملى الشغل فى عربيتى

و انا هأجل التعليق النهائى على شغلهم لفترة كدة.

أنت مطمنطنيش يا باشا !!!!

المشاركة الأصلية كتبت بواسطة lancerevolution

بس ى داهية الفلوس طول ما بالك مستريح

الله ينور عليك........هى دى الخلاصة.

و على فكرة أسعارهم لما بتبقى زبونهم بتقل شوية عن كده

يعنى مثلاً تغيير 4 بارات دركسيون + كشف على العفشة و تربيطها يتكلف كام فى نظركم ؟؟؟؟؟

و كمان أحياناً بروح عشان يكشفلى على المساعدين و مش بياخد فلوس

**maka** · 11-04-2009 01:40 AM

المشاركة الأصلية كتبت بواسطة mooody2007

هية الاسعار دية صحيحة ؟!!!؟
لانى جايب الفردة الكومهو ال 15r 195-50
ب 400 جم من طنطا

انا الكومهو بقالى فترة بسال عليه مش لقيه

**HAWARY** · 11-04-2009 01:54 AM

يا بشمهندس احمد
اولا :-
واضح ان معاليك مش مركز معايا , انا متكلمتش عن الصنايعيه او الصنايعي انا اتكلمت عن المصنعيه ودي بياخدها الصنايعي اللي في الحاره وبرده المهندس اللي في التوكيل .
ثانيا :-اعتقد ان الحوار كان بيتكلم عن اسعار الصيانه وواضح ان في اجماع علي ان مش من الطبيعي تغيير البوجيهات تكلفته 40 جنيه علما بأنها ممكن تتم من خلال صنايعي او مهندس فما هي الحكمه من اني ادفع المبلغ ده في حين ممكن ادفع اقل مع ثبات كفاءة الاداء .
ثالثا :-
انا ضدد الاسترخاص في صيانة العربيه او في شراء قطع الغيار , ولكن عقلاني بمعني ممكن اشتري طقم شمبر 405 يرستيج بمبلغ 1200 جنيه من عند احمد المسيري ومشتريش تقليده ب 500 جنيه . وممكن اشتري اكسدام تقليد ومشتريهوش اصلي للانه معرض للكسر في اي وقت ,,, وهكذا .
رابعا :-
انا اكن كل الاحترام لكل مراكز الصيانه مش كار بويز فقط ولكن اعترض وبشده علي الغالاه في المصنعيات ودي مش ملحوظتي وحدي بل كثير من المتعاملين .
خامسا :-
المحزن انك تلاقي واحد بيقولك بدهشه ممزوجه باعجاب ولهفه ( انا مش مصدق يا جماعه انا اشتريف رغيف عيش بيسموه عيش مصري وتمنه تحفه يادوب ب20 جنيه بس ) وتفاجىء بأن صاحب المخبز لما سمع بالحوار ده رفع سعر الرغيف تاني يوم واصبح ابو شلن ب 30 جنيه . وعجبي
سادسا :- انا مش صنايعي ولا مهندس ولا صاحب ورشه ولا شريك في سنتر .

**Ahmed Selim** · 11-04-2009 02:18 AM

يا فندم أنا ممكن أوضح لحضرتك وجهة نظرى أكتر.

هل لما تغير طقم بوجيهات عند فنى متعلم على أيد واحد فنى تانى هياخد فلوس زيه زى المهندس؟؟؟؟

أكيد لأ.....لعدة أسباب منها أن المهندس أكيد على دراية أكتر بخبايا الأمور فى العربية و كيفية عمل كل أجزائها بحكم دراسته.............متفقين ؟؟

طيب ده طقم بوجيهات مش قصة.....دا أى حد ممكن يعمله فى 10 دقايق و ميخدش غير 15 أو 20 جم بالكتير......صح ؟؟؟

طيب أيه الحال لو البوجيهات اللى طالعة فيها علامة ما بتشير الى أى خلل تانى....مش ممكن برضه الفنى ده ميفهمش الحتة دى.....بس ممكن برضه يفهمها.....ماشى الكلام

طيب قالك أن فيه عيب......تعالى بقى صلحه.....هل هيكون زى المهندس ؟؟؟

بحكم شغلى ( فى مجال الكمبيوتر ) بيبقى فيه فنيين ممكن يصلحلك جهاز و ينزلك ويندوز و يعملك اللى أنت عاوزه.....هل هيبقى زى المهندس اللى قضى 5 سنين بيدرس كل كبيرة و صغيرة فى الكمبيوتر و كيفية عمله ؟؟؟ لأ بس الفنى بيبقى عارف معظم الحاجات عشان أتقالتله بطريقة لما تعمل كذا هيحصل كذا.....طب ليه و أزاى و امتى......متلاقيش فنى يعرفها غير فى 10 % بالكتير من اللى بقابلهم.

فى حاجة كمان أنا لسه واخد بالى منها أن حضرتك من قنا ( أجدع ناس ) بس أكيد مستوى الأسعار فى القاهرة مختلف شوية عن قنا يعنى مثلاً هنا عشان تجيب رغيف عيش ينفع يتاكل مش أقل من 25 قرش....و فى و الله ب 50 قرش كمان......نفس الفكرة فى التاكسى....أنا رحت محافظات كتير فى مصر فى بحرى و قبلى كمان و كان فى معظمها بيبقى فى تسعيرة شبه موحدة للتاكسى بغض النظر عن طول المشوار داخل البلد.....السعر ده ساعتها مكنش يركبنى تاكسى فى القاهرة أكتر من 1 كيلو أو 2 كيلو لو السواق ذوق.

يا ترى وصلتلك وجهة نظرى ؟

-

الموضوع: ظبطت العفشة بتاعتى عند كار بويز

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عنوان كار بويز

العفشة بتاعتى غريبة

ظبطت العفشة عند الشيخ عادل في نصر الثورة

العفشة عبارة عن إيه و ما الفرق بين العفشة العادية و العفشة الرياضية ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة