الموضوع: ظبطت العفشة بتاعتى عند كار بويز

المشاركة الأصلية كتبت بواسطة Ahmed A.Maksoud

محمد بك
برضه سعادتك كلامك منطقى........بس فى عامل أساسى مخلينى بأتعامل معاهم.......أنى من زمان بأتعامل معاهم و مستريحلهم + أنى معنديش أستعداد أروح لواحد صنايعى عادى يفتى فى حاجة فى عربيتى.....و خصوصاً ان قطع الغيار عندى مش رخيصة......لكن عندهم.....كلامهم هو اللى بيتنفذ و الصنايعية بترجعلهم فى كل كبيرة وصغيرة بدون فتى ( و ده المهم بالنسبالى ) غير برضه أنى لما بروح 90% حد من الأتنين المهندسين أصحاب الورشة بيشتغلى فى العربية بنفسه.
طيب برضه قولى بما أنك خبرة لا يستهان بها......تغيير 4 بارات دركسيون + كشف على العفشة ورا و قدام + تربيط العفشة + أخد هوا من 4 عجلات + علبة باكم
بيتكلفوا كام تقريباً ؟

انا غيرت اربع مساعدين و جوز بطاحات و جوز كوبايات و طنابير امامية و تيل ب 100 جنية... مفرقتش كتير عن 150 مع الاخذ فى الاعتبار ان ال150 لعمل تعديل مش صيانة عادية... بس 40 جنية فى البوجيهات برضة كتير و هى دى اللى كنت بعلق عليها

اكيد طبعا الثقة فى المكان و الاشخاص اللى بيشتغلوا فى العربية حاجة لا يستهان بيها خصوصا لو عربيتك مكلفة فى صيانتها او معقدة شوية و محتاجة فن فى التعامل معاها و ليك كل الحق فى الحرص على التعامل مع مكان محترم و ذو سمعة ممتازة

لكن برضة بيبقى فيه بعض الحاجات اللى مش محتاجة الحرفية دى و ممكن تعملها بنفسك او حتى تعملها عند ورشة عادية لانها لا تتطلب مهارة خاصة... يعنى انا مثلا بغير البوجيهات و الفلاتر و التيل بنفسى لانها حاجات بسيطة... لكن لما بتيجى فى طقم مساعدين او طقم دبرياج يبقى لازم حد كويس و بيفهم و امين

MMamdouh