الموضوع: ظبطت العفشة بتاعتى عند كار بويز

محمد باشا

أنا معلش معرفتش أكلم خالد المرة اللى فاتت زى ما و عدتك بس بعد لما شفت مشاركاتك دلوقتى كنت مضايق منهم جداً مع أنى بقالى مش أقل من 5 سنين بتعامل معاهم...

المهم أنا كلمت خالد و لما سألته عليك قالى أنك كنت هناك النهاردة الضهر.....أنا حبيت بس أوضح شوية حاجات أعتقد أنها محتاجة توضيح.

هما ليهم أعتراض على أن ظبط الزايا متعملش صح وبالتالى هو اللى مأثر علي عومان العربية و خصوصاً الزوايا الخلفية لأن المقصات الخلفية فى اللانسر ليها رجلاش بيفتح ويقفل و بالتالى لو مش مظبوط يبقى العجل مش هيكون مظبوط........و برضه اللى فهمته أن حضرتك ظبط زوايا قدام بس....يعنى ورا كما هى.....كل اللى عملوه أنهم فكوا المساعدين الخلفى القديمة و ركبوا بدالهم و قالى كمان أن النوع اللى أنت جايبه نوع كويس جداً.
يبقى الموضوع بسيط و و اقف على ظبط زوايا بس.....أيه رأيك تسمع كلامهم و تشوف اللى هيحصل أيه.......و أنا لو مكانك هروح لواحد من اللى خالد قالك عليهم سواء الأسكندرانى أو رابسو عشان ميبقاش ليه حجة تانى لو العربية فيها حاجة.
و أعذرنى لو قولتلك أنه مش مطالب أنه يبعت معاك حد عشان أنت مش عارف مكان الراجل اللى وصفه.......معتقدش أنه ممكن يخلى حد يسيب شغله عشان يوصلك.

أن والله مش بدافع عنه ولا حاجة أنا بس كل غرضى أنك تكون راضى عن عربيتك بعد ما دفعت فلوس فى تصليحها عشان تكون مبسوط......و من ثقتى فى شغلهم أنصحك بظبط زوايا عند واحد من اللى قالك عليهم.......لأنها حصلت معايا كتير أنى أروح أظبط زوايا و متتظبطش صح و أحس أنى رميت فلوس التصليح فى الأرض.

و مرة من ضمن المرات دى كانت فى بريدجستون ( بس فى العبور الحق يتقال )
المهم من كل الكلام ده أنك تروح تظبط زوايا تانى و لو محتاج منى مساعدة فى أى حاجة قولى.

يا باشا مفيش مشاكل أن شاء الله

طيب أنا هحاول أكلمه تانى النهاردة أو بكرة و ارتب معاه أنك تروح لبتاع الزوايا تانى و هديله رقمك عشان يرد.....و هحاول أجى معاك لو خلال الكام يوم الأجازة اللى جايين دول.....يعنى لو أنا فاضى يوم السبت مثلاً يكون مناسب ليك ؟

و كده كده أبعتلى رقمك على الخاص.