عايز اشترى ميزان منزلى ديجيتال
السلام عليكم , من فترة عملت موضوع بخصوص اجهزة قياس السكر فى الدم و لله الحمد كل اللى عنده معلومة من اعضاء المنتدى الكرام لم يبخل على بها و بالفعل اشتريت جهاز فرى استايل و شغال ميه ميه , و ده اللى خلانى اعمل الموضوع ده للاستفادة بخبرات اعضاء المنتدى الكرام و خاصة الصيادلة و الخبراء فى الاجهزة و المستلزمات الطبية , الحكاية انى من ساعة ما اتجوزت من خمس سنين و انا وزنى فى تزايد مستمر , قبل الجواز كان وزنى و لمدة 10 سنين ثابت عند 64 كيلو و لكن و اعتبارا من الزواج اخذ فى الزيادة الى ان فوجئت مؤخرا انى كسرت حاجز التسعين :_Alshmokh11:, و عليه فقد قررت شراء ميزان ديجيتال منزلى فى البيت لمتابعة الوزن مع عمل ريجيم قاسى , لذا فالرجاء من الزملاء الافاضل افادتى بمعلومات حول الانواع و الاسعار و اى نصيحة تتراءى اليهم , و مشكوريييييين مقدما.