هل يوجد فى الجيتا اى عيوب غير موضوع انها واطيه شويه ؟؟؟ و هل هى واطيه اوىى ؟؟ و هل فيها مشاكل ؟؟؟ و العربيات اللى بتنزل ب فاميه لازم يتثبت فى الرخصه ؟؟ و لازم ورق معين علشان يتثبت ؟؟
عرض للطباعة
هل يوجد فى الجيتا اى عيوب غير موضوع انها واطيه شويه ؟؟؟ و هل هى واطيه اوىى ؟؟ و هل فيها مشاكل ؟؟؟ و العربيات اللى بتنزل ب فاميه لازم يتثبت فى الرخصه ؟؟ و لازم ورق معين علشان يتثبت ؟؟
أنا مش شايف خالص إنها واطية
أمال التويوتا واللانسر يبقة إيه؟
الفيميه لازم إثبات على الرخصة وغلاسة مفيش بعدها غلاسة
العربية مش واطية قوي
يعني ارتفاعها مناسب
امال تقول على السيفيك ايه !؟!!اقتباس:
أمال التويوتا واللانسر يبقة إيه؟
الفيميه : - بيكون مثبوت في الافراج الجمركي تقريبا او بيييجي مع العربية ورقه لمخاطبة ادارة المرور باثبات الزجاج الفيميه على الرخصة
انا بتهيألى اللانسر عاليه يعنى :d و بعدين هو الافراج الجمركى اكيد فيه حاجه للمرور علشان الفاميه ؟؟؟ حد جربها يعنى ؟؟؟ و بعدين ايه مشاكل او عيوب العربيه ؟؟؟ اكيد يا باشمهندس اسامه جاالك جيتا كتيير و عارف مشاكلها او عيوبها ؟؟؟؟
جربتها من شرم لقاهرة وقوفاً في أبو رديس مشوار شغل.. عربية جميلة فتيس روعة بس بتحك فالهواه بطريقة مزعجة
مش فاهم يعنى ايه ؟؟؟ عزلها للهوا مش كويس ؟؟؟
معى الجيتا بقالها سنة دلوقت و الحقيقة هى أوطى من اللانسر البومة اللى كانت معى قبلها و لذلك حكيت فى مطبين فى أول أسبوع، و لكن مع التعود على طلوع المطب بالراحة و بصورة عمودية (و ليس بالورب كما هو شائع و هذه التعليمات الموجودة فى دليل الجيتا الذى تستلمه عند شرائك العربية ينصح بطلوع المطبات بالراحة بصورة عمودية على المطب)، الحقيقى لا اتأثر دلوقتى بأى مطب حتى لو كان كالجبل (المحافظة اللتى أقيم بها شهيرة بمطباتها العالية و اللتى تقام يصورة عشوائية بصفة يومية، و رغم ذلك مع البطء فى اخذ المطب فالعربية لا تحك مطلقا).
أما عن الراحة و الرفاهية و الفخامة و الثبات ألخ ألخ ألخ فتحتاج أن تجرب و ليس بالكلام (فارقة جدا عن اللانسر رغم أنها كانت على الزيرو هى الأخرى).
على فكرة مش عارفة الكلام بتاع أنها عزلها مش كويس جاى منين العربية عزلها عن الخارج رهيب و لا تحس بالخارج مطلقا. و كذلك قرأت تعليق لأحد رواد المنتدى أن صوت الموتور عالى و تسمعه و أنت بالكابينة و مش عارفه الكلام ده أستقوه من أى مصدر فعزل العربية رائع و أعتقد أن هذه الأراء لمن جرب العربية فى مشوار واحد أو سمع عنها فقط هى من قبيل المثل الشائع ما لقوش فى الورد عيب الا انه أحمر الخدين). العربية هى رقم واحد فى العربيات الأوروبية فى أصعب أسواق العالم فى أمريكا و لذلك اقيم مصنعها الرئيسى فى المكسيك لكى يكون أقرب ما يمكن من السوق الرئيسى للجيتا (فهى مصنوعة خصيصا للولايات المتحدة الأمريكية اصعب سوق فى العالم و مع ذلك فهى بالمرتبة الأولى لأكثر السيارات الأوروبية مبيعا---فهل مثل هذه المكانة تتحقق لعربية عزلها وحش أو صوت موتورها عالى جوه كابينة الركاب؟؟)
مع تحياتى للجميع
طب ايه مشاكلها او عيوبها ؟؟؟
عيوب العربية انى ملهاش عيوب
يا با شمهندس اسااااااااامه ؟؟؟
على فكرة الراجل كان قصده بتحك في مطبات الهوا و الله اعلم ...
طب ايه مشاكلها او عيوبها يا جماعه ؟؟؟
يا جماعة ما حد يرد على الراجل.
أنا أصلي لسة جايب العربية جديد فملحئتش أعرف عنها حاجة بس لحد دلوقتي هي ماشاء الله حلوة.
طب يا باشا انت جبتها بكام و انهى فئه و كماليتها اييه ؟؟ و ايه نظام التلين ؟؟ و لو خلصت التلين ايه اخبار سحب الوتور و العفشه ؟؟؟
المفروض الناس كلها بتقول العفشه ناعمه و العزل تماام ؟؟؟
ممتازة بس لازم تعلى شوية
بالمناسبة هو موتورها ال-١٦٠٠ كام valve؟
انتو فين يا جمااااعه ؟
طب حد يعرف اي اسعار ل اى قطع غيار ليها ؟؟؟ الاصلى طبعا و ياريت اسعار التوكيل و بره
هو فى ايه يا جماعه ؟ مفيش اى حد عرف اى حاجه عن قطع غيار الجيتا ؟؟ عموما شكرا
اللنك دا فيه شويه اسعار ممكن تنفعك>>>>>>>>>>>>>>>>>>>>>>>>>>http://www.nilemotors.net/Nile/showthread.php?t=70027
ودا كمان>>>>>>>>>>>>>>>>>http://www.nilemotors.net/Nile/showthread.php?t=49810
اي خدمه يا باشا
ود كادوو مني ليك
https://www.nilemotors.net/Nile/58814-2009.html
العربية ممتازة زي ما ناس قالت من ناحية الفخامة و الاداء و عزل الصوت الخارجي, سحب الموتور اداءه جيد
عيبها الوحيد انها واطيه مع المطبات و ده يستلزم الحرص التام عند أخد المطبات وتخدها براحه,,,,نصيحه اخويه ابعد عند الجنوط مقاس 17" كارثة في البلد المطببة دى لانه اى نقرة كبيرة شويه و اخدها علي سرعة عالية زي ما الطريق الدائري مليان بالنقر كن واثق تماما ان الكاوتش حيعمل بالونه ود معناه ياباشا انك تغير الفردة الكونتيننتال المتينة بمبلغ 1350 جنية زي ما حصل لي مرتين
عيبها الثاني و الخطير ان العربية من حلاوته شكلها بتاخد عين وحسد بطريقة بشعة ومن كل من هب ودب و حزروني اصحابي اللي جابوها و انا مش كنت مقتنع لكن اقتنعت و المشكلة اني اول ما اشترتها دبحت و انا دلوقتي ادبحت
انا الحمد لله استلمت خلاص و جنط 17 ؟؟ ايه الوضع بقا ؟
السلام عليكم انا معاية جيتا 2009 هاى لاين بقالها معاية 6 اشهر وبصراحة العربييييييييييية بمعنى الكلمة رووووووعة وهية تعتبر واطية بس مش اوى بس لو العربية مليانة بتحك فى اى مطب لازم تاخدة براحة جدا جدا وبالجنب اتمنى انى قد اكون افدتك
ايه اخبار العفشة عشان واحد معاه جيتا و قالى ابعد عنها عشان عفشتها اى كلام و بذات الى قاعد فى الكنبة و انا كنت ناوى اشتريها ف ياريت الى معاه بقولى اخبار العفشة ايه ( بذات العفشة الخلفية )
و على فكرة انا معايا كرولا 2004 هل عفشة الجيتا بنفس الكفاءة و لا اقل
الردود من فضلكم بسرعة
ربنا يباركلك فيها ويديك خيرها ويكفيك شرها
يا جماعة أنا كنت راكب واحدة هاى لاين 2009 جنط 17 مع واحد صاحبى أوزان خفيفة يعنى 75 كجم، و مفيش مطب فى مدينة نصر محكش فى العربية من تحت بطريقة غير طبيعية مش حكة بسيطة مع العلم إن المطب كنا بناخدو على الهادى جدا و جربنا ناخدو عمودى و مائل و جميع الأوضاع لكن الحكة هى هى أنا مش متخيل لو أربعة راكبين و الشنطة مليانة هيكون إيه الوضع؟
أعتقد إن الهاى لاين معملو سبورت تيوننيح يعنى المساعدين ناشفة وواطية و ده علشان السرعة و الثبات فى الملفات فعلشان كده هو واطى لكن غير كدة العربية تحفة برة وجوة.
ياباشا انا معايا العربية هاى لاين وبالجنط ال 17 وبمشى بيها عادى جدا وبنكون 2 فى العربية وما بتحكش فى مطب ولا حاجة لو احنا 3 بتبدا تحك فى مطبات مطبات انما غير كدا العربية كويسة جدا وزى الفل ومفيش فيها اى حاجة ابئة شوف عربية صاحبك جايز هى الى يكون فيها حاجة او انتم سواقتكم الى فيها حاجة بردو
الحقبقة أنا كتير ما يركب معى اربعة (الحمولة المفترضة---يعنى واحد بجانبى و 3 فى المقعد الخلفى) و العربية لا تحك ألا لو مطب زى الجبل (عالى جدا) و دخلت عليه بسرعة (لازم تدخل بالراحة جدا على مثل هذا المطب).
جايز وطى العربية بعض الشىء بيدى لها ثبات جامد فى السرعات العالية (مع وزنها الثقيل بعض الشىْ) مما يسبب الحك فى مثل هذه المطبات الشديدة العلو مع الحمولة الكبيرة (لازم تتعود على كيفية دخول هذه المطبات الغبية).جايز ده العيب الوحيد (لو هو عيب) فى الجيتا... انما العربية بصراحة فوق الرائعة.
أنما تحك فى كل المطبات كما تقول..... أكيد عربية صاحبك فيها حاجة محتاجة تشفوها.
مع تحياتى.