تقيم للجيتا 2009 ؟؟

**Ahmad Allawy** · 21-02-2009 02:59 PM

المشاركة الأصلية كتبت بواسطة Ahmed Samy

:: الســيارات الأوروبــيــة :: > فــــولكـــس > تقيم للجيتا 2009 ؟؟

هو ده الموضوع اللي أنا فيه و لا انا تهت ؟؟؟

لا يا سمسم.. النمرة غلط..

**ahmed1611** · 23-02-2009 12:48 AM

المشاركة الأصلية كتبت بواسطة Ahmed Samy

hanady
ربنا يبارك لحضرتك في العربية و الحمد لله انك مستريحة فيها لأنها عربية جميلة فعلا

venus-doom

اتفاقي معاك الى حد بعيـــــــــــــــــــــد في الحكم على الجيتا

و أحب أضيف رأيي لأني باركب الاتنين (A5 و جيتا)
مش بتوعي طبعا ...بس واحدة بتاعة حمايا و التانية بتاعة صاحبي أخويا يعني الاتنين بتوعي في الأخر و أنا اللي باصلحهم لو حصل فيهم حاجة
طبعا دي ملاحظات شخصية ...

1 - الشكل
طبعا أذواق ولو ان واجهة الجيتا متكلفة أكتر على الأقل و تحمل علامة الصانع الأقوى

2 - الاتساع
الأوكتافيا أوسع حاجة بسيطة ..تلاحظها في مساحة الرأس للركاب الخلفيين ..الجيتا ضيقة في النقطة دي

3 - الاعتمادية
و أنا أقصد بيها هنا تعدد و مرونة الاستخدام ...الأوكتافيا تكسب بسبب شنطتها الواسعة و ارتفاعها عن الأرض (ممكن تحمل فيها كتييير)

4 - الارتفاع
الجيتا من أوطى السيارات في السوق المصري ..تالت ورا و تحك في مطب عالي ...و عمري ماركبت ورا ولا حد ركب معايا فيها ورا الا وحكينا (بس على فكرة مع التعود ربنا بيسهل و الدنيا بتمشي تمام)

5 - السحب
فارق ضئيل جدا لصالح الجيتا لن تلحظه الا عند قيادة السيارتين بشكل متوالي السبب هو تصميم الجيتا و هناك مقولة (لم أجد لها اثباتا ولا نفيا) تقول ان الفرق في عدد الصبابات في الموتور هو السبب 8 في اسكودا و 16 في الجيتا أي ان الجيتا تحمل جيلا أحدث من نفس المحرك بس مش مقتنع لأن ده كان هايعمل فرق ملحوظ .

6 - العفشة :
خشونة ملحوظة و مزعجة للبعض فى الأوكتافيا ..ارهاق على الطرق الطويلة و لكن في المكابل احساس بقوة التعليق و ان العربية تفوت في الحديد الحقيقة.

أما الجيتا فهي أقل خشونة بالطبع و ان كانت لا تصل أبدا للسيارات اليابانية
في نقطة كمان ..الجيتا اللي رينجاتها 17" و LOW PROFILE TIRE بترجعنا لمشكلة الخشونة و تعب الظهر في السفر الطويل ..

7 - عزل المقصورة :
العزل في اسكودا فاااشل صوت العفشة و الموتور شديد الوضوح و صوت الهوا في الجسم على السرعات العالية مزعج أيضا (طبعا مش مزعج زي اللانسر يعني).

الجيتا العزل أفضل كثيييرا في نقطة صوت الهوا ..تقريبا غير موجود بالمرة
أما صوت الموتور فهو واااضح تماما كأنها في حجرك زي الأوكتافيا
صوت العفشة أقل وضوحا

8 - الثبات ..
حدث ولا حرج السيارتين يتمتعان بثبات رائع في أسوأ الظروف الجوية و حتى سرعة 160 - 170
بعد هذه السرعة تجد الجيتا أكثر طمأنة بسبب ارتفاعها القليل

9 - حساس الركن
في الأوكتافيا تظهر درجات الرادار على شاشة الكاسيت لتعلمك بمدى قرب الحاجز مع الصفارة طبعا بس الميزة هي انها بتعرفك هو يمين و لا شمال و قرب أكتر من اليمين ولا من الشمال .

10 - الشنطة :
أوكتافيا

إشي خيال يا ناس

11 - قوة الجسم الخارجي
وده بيبان في الخطات الصغيرة جو البلد
الأوكتافيا عربة مدرعة

فعلا وخصوصا الاكصدام الخلفى اللي ممكن يخرشم

أي عدوان من الخلف
صاجها ناشف قوي الحقيقة
بس انا ما جربتش الجيتا في أي خبطة لحد دلوقتي ..ربنا يستر

أحب أضيف تعليق صغير على حتة الأصل و النسخة
الموضوع ده غير منطقي بالمرة
الشركة الأم زي مجموعة فولكس بتعمل مجموعة محركات و platforms و وحدات للتحكم و السيطرة و كل شركة تابعة للمجموعة (اللي منها شركة فولكس فاجن نفسها) بتاخد ما يناسب "سياسة الشركة التسويقية" و تضيف تبعا لذلك شخصيتها الخاصة
يعني مش ممكن نقول ان أودي شركة تابعة لفولكس و ان الأودي A3 نسخة من الجولف مثلا مع اشتراكهم في حاجات كثيرة مع فرق شاسع لصالح أودي .

و كذلك التوليدو و البورا ...السيارتان كانتا نسخة من بعض مع فروق جميلة في السيات زي المكيف الأوتو و المرايات الضم و مرأة التعتيم و لم تكن هذه الكماليات متاحة في بورا التي أيضا اكتسحت التوليدو (ومازالت حتى في المستعمل) بسبب فكرة الأم و التقليد مع ان اللي يركب توليدو ...يحس بطعم أحلى كتير من البورا الكئيبة و هما مشتركين في نفس المحرك و platform مع فروق طفيفة في التعليق لصالح التوليدو ....

و أخيرا

أحب أقول كلمة لصديقي islamaboelnaga

المقارنات العقلية بين العربيتين دول مش هاتوصلك لحاجة صدقني
هاتفضل تلف وتلف حوالين نفسك
اركب دي و دي و اللي تدخل قلبك دووووس فيها
والله كله عمل المقارنات دي و في الأخر ركب اللي عجبته و خلاص
و اللي راكب دي بيبص على التانية

و اللي راكب التانية بيبص على دي

لحد دلوقتي

صباح الخير جميعا

استاذ ياباشا وتقييم مخدرم وتوضيح هايل مع اني اختلف معك
في اختيارك للعربيه وانا بقول ان جيتا دائما رقم )vw)1 )

شكرا يا بشا على التقييم الجيد دا الله يبارك لك

**Ahmed Samy** · 23-02-2009 03:25 AM

المشاركة الأصلية كتبت بواسطة ahmed1611

استاذ ياباشا وتقييم مخدرم وتوضيح هايل مع اني اختلف معك
في اختيارك للعربيه وانا بقول ان جيتا دائما رقم )vw)1 )

شكرا يا بشا على التقييم الجيد دا الله يبارك لك

شكرا
أسعدني تعليقك و الاختلاف سر الحياة وهو حد يقدر يعيب في الجيتا !!

**ahmed1611** · 23-02-2009 03:15 PM

بما اني في قسم لتقييم الجيتا!!!!\\\\\\\\\\\\\\\\\\\\\\\ايه الفرق بين الخليجي و الوكيل ؟وايه الاحسن؟

**KHALED AYMAN** · 23-02-2009 05:58 PM

المشاركة الأصلية كتبت بواسطة ahmed1611

بما اني في قسم لتقييم الجيتا!!!!\\\\\\\\\\\\\\\\\\\\\\\ايه الفرق بين الخليجي و الوكيل ؟وايه الاحسن؟

الاختلافات مش كبيره و الى انا فاكره منها :
1-الخليجى بتكون اوطى بحاجه بسيطه يعنى 2 او 3 سم .
2-الخليجى بتكون جنوط 17 فى الموديل الكامل اعتقد المصرى لا .
3-الخليجى بدون ضمان و لما بتعمل الصيانه بتدفع مصنعيه على عكس عربيات الوكيل.
4-اهم حاجه و هى ان الخليجى بتكون ارخص من المصرى .
ده الى انا فاكره حاليا و لو افتكرت حاجه هقولك و طبعا هنا الرجاله عارفين كل حاجه عن العربيه خليجى و مصرى و موزمبيقى كمان هههه هم هيفيدوك احسن منى .

**amf2009** · 26-02-2009 05:34 PM

السلام عليكم و رحمة الله و بركاته..

لي استفسار ..

بالنسبة للكاسيت التاتش اللي بيتركب..سعره كام و بيتركب فين..

أنا معايا جيتا كاملة خليجي 2008..هل ينفع يركب عليها؟

شكرًا مُقدمًا،

**mohamed_hamdi** · 26-02-2009 06:31 PM

المشاركة الأصلية كتبت بواسطة amf2009

السلام عليكم و رحمة الله و بركاته..

لي استفسار ..

بالنسبة للكاسيت التاتش اللي بيتركب..سعره كام و بيتركب فين..

أنا معايا جيتا كاملة خليجي 2008..هل ينفع يركب عليها؟

شكرًا مُقدمًا،

الكاسيت التاتش لا يباع بصورة منفصلة و لكن في حالة شراء الجيتا من جابر عبد الشهيد فقط يمكن دفع 2000 جنيه و تركيب الكاسيت الجديد.

**M.Mokhtar** · 01-03-2009 09:16 PM

شكرا يا احمد على الكلام الراقى ده
وفعلا انا لو هختار كنت هجيب جيتا مش فكترا (عشان شايفها شبابى اكتر)

بس انا بوضح وضع الشركه ايه والازمة مش سايبه اى شركة فى حالها
كله بينهار

وطبعا مش هقول جاجوار وتاتا (شكل تاتا هتشترى كل المصانع ولا ايه؟ )

وفعلا انا اضايقت جدا ان هنادى زعلت منى مع انى مش قصدى اغلط فيها ولا فى اى حد

يارب تكون النفوس صافيه عشان نعرف نتخانق بدون خسائر

وطبعا احنا بوظنا الموضوع خالص وصاحب الموضوع هيولع فينا

ياريت نطلب من المشرف نقل المشاركات دى كلها لموضوع جديد عشان نعرف نتخانق بحريه

---------------------------------------------------------
تم نقل جميع المشاركات البعيدة عن تقييم الجيتا 2009 فى موضوع جديد على هذا الرابط

* حوارات مجموعة فولكس و أوبل و جنرال موتورز *

--------------------------------------------------------
مشرف القسم

- -- -

**Ahmosality** · 05-03-2009 05:04 PM

السلام عليكم
اشكر ااستاذ احمد على التقييم و المقارنة الممتازة
انا حبيت اقول رايي في الجيتا 2009 انا عندي العربية من 3 شهور و يمكن زيادة شوية
العربية حلوة و فخمة جدا و فيها حركات حلوة في الاوبشن بس عيوبها القاتلة بالنسبة لي :
1 - العربية يا جماعة فعلا واطيه جدا جدا انا ديما ببقا مخنوق وانا رايح البلد بتاعتنا وانا بزور اهلي الطيق كلو مطبات عالية ومتوسطة انا متزبط دايما فيها خصوصا لما ركت 3 ورا مفيش مطب محكتش فيه.
2- والنقطة دي ذكرها الاستاذ احمد وهو عزل صوت الموتور وحش جدا انا قبل ماشتري العربية كان في دماغي احلاو واهام اا هركب ومش هحس باي حاجة حولايا ولا صوت موتور ولا غيرو كله طلع وهم صوت الموتور غلس وعالي
3- العفشة ليها صوت و ناشفة شوية يمكن علشان الرينجات ال17 و الكوتش الlow profile الله اعلم
غير كده العربية ماشاء الله ممتازة واكتر حاجة تحفه وحسيت بيها بفرق عن عربيتي السابقة الشنطة واسعه جدا