رد مع اقتباس
ههههههههههههههههههههههههه ههههههههههههههههههههههههه ههههههه
ياعيني
بجد ربنا يعينك
موقف بايخ اوي
ولما حد بيشوف حد فموقف زي دا بيعتبره فرصة وضحيه لازم يتسلي عليها زي اخينا دا
كمل كمل
النتائج 1 إلى 10 من 51
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
**كيف تسرق سياره امام الناس كلها ***تجربه شخصيه*** -
انشر الموضوع فى : hasad">أيوة العنوان صح!
ومستغرب لغايه دلوقتى من اللى حصل!!
اللى حصل كالتالى:_
أثناء أنتظارى لشخص بمنطقه عمارات الضباط بإمتداد رمسيس والمنطقه دى للى ميعرفهاش عباره عن مجموعه عمارات ما بين قاعه المؤتمرات ومسجد ال رشدان والاوتوستراد وامتداد رمسيس فيها هيئات ومصالح حكوميه زى وزاره الماليه ومصلحه الجمارك وأمن الدوله والجيش وحاجات زى كده!
زياده على كده كل عماره فيها بواب والمنطقه مؤمنه بالتعاقد مع شركه أمن مخصصه فرد أمن لكل عماره على مدار ال 24 ساعه ومجموعه افراد لزوم النظافه وشئون البيئه زى ما بيقولوا(كير سيرفيس)...ماشى!
جيت انا وانا قاعد فى عربيتى لاقيت الأذان بيأذن قمت قفلت الزجاج والمسوجر بتاع الباب وأممنت على ابواب العربيه وطلعت على الجامع!
قوم الاقى أيه بعد ما خرجت من الصلاه؟؟؟!!!
الاقى المفاتيح بتاعه العربيه بالميداليه متعلقه فى الكونتاكت والعربيه متقفله تمام التمام!!!
يعنى للى لسه ما فهمش انا قفلت على المفاتيح جوه العربيه!!
يا نهار ابياااااااااااااااااااااا اااااااااض!!
طب هاعمل أيه دلوقتى؟؟
العربيه متقفله والمفاتيح جواها وممكن على ما اروح اجيب النسخه التانيه بتاعه المفاتيح حد يأخد باله يكسر الزجاج ويطلع بالعربيه!
خلاص أشوف حد بتاع مفاتيح فى المنطقه لانى فاكر واحد كان بيحكيلى على موقف زى كده فى اسكندريه وبتاع المفاتيح كان استاذ لدرجه انه عمله مفتاح من غير نسخه يعمل عليها...بمجرد حساسيه صوابعه مع القفل وبمسطره !
المهم رحت على بتاع الامن الخاص بالعماره اللى راكن قدامها :_
بقولك ايه يا ريس مفيش بتاع مفاتيح هنا؟
أيه مفاتييح؟
أيه يا عم وانا قولتلك حاجه عيب ولا حاجه؟بتعمل كده ليه؟!
معلش يا أستاذ أصل انا لسه جديد فى المنطقه..شوف كده ابو ياسر!
ابو ياسر ده البواب
وصفلى واحد بيعمل مفاتيح على الناصيه
رجعت لبتاع الامن وصيته على العربيه لحد ما ارجع بس وجرى على بتاع المفاتيح اللى طلع موان وميفهمش فى كوالين العربيات !!
طب انا عايز بتاع مفاتيح او ابواب عربيات!!
المحل الفلانى بتاع زجاج عربيات شوفه كده!
ياعم معلش انا عايز حد ييجى يفتحلى العربيه!!!
ايه؟؟!!!
نسيت المفاتيح جوه العربيه ومحتاج حد ييجى يفتحهالى
معلش اصلى مقدرش اسيب المحل لوحده ..طب ما تجيبها هنا
يانهار اسود على الغباء(طبعا ده فى سرى)
بقول لحضرتك العربيه مقفوله على المفتاح!!!!!!!!!
أه صح طب ثوانى....يا ابراهيييييييييييييييييييي ييم.....يا ابراهييييييييييم
روح مع الاستاذ عربيته قفل على المفتاح روح كده وهو هيعمل معاك واجب حلو!!
ياعم عنيينا بس يلا لحسن العربيه زمنها وصلت المنصوره فى الشويه دول!!
راح واخد معاه مفك زبنسه وجى معايا!
اول مشكله انى نسيت مكان العربيه ارجعله أزاى !!!!!!!!!
المنطقه كلها اسطمبه واحده ...سألت ابراهيم كشك العيش فين ؟ قاللى انهو فيهم؟ ...
شكرااااااااا.
المهم الحمد لله وصلت للعربيه! يقوم يقوللى ايه؟؟دى العربيه من غير سقاطه!!
ياسلااااااااااااااام منا قايلك انها فيرنا واحنا جايين وانا قولتلك 128؟؟؟
منا كنت عملتها وخلصنا!!!
طب بص بقى يا اوستاذ .. مش هاينفع نعمل حاجه غير اننا نكسر الشراعه اللى فى الباب اللى ورا ونفتح العربيه واغيرهالك عندى فى المحل الاصلى بتاع العربيه دى؟
طب ماشى بس بكام يعنى ؟؟
انا بطلعه جمله ب 70 لكن عشان ظروفك وانا مقدر هحسبهولك ب60...
ستين أيه ؟؟؟البتاعه دى بستين جنيه؟؟؟؟
بقولك ايه.. خد دول ومتشكرين على تعبك .. انا هبعت اجيب النسخه التانيه من البيت انا ساكن قريب من هنا !!
الراجل لقى الشغلانه هتبوظ قللى طب فى واحد بتاع مفاتيح اسمه عم ابراهيم مش عارف ولا خليل (مش فاكر) رحله بس وقولله انا جايلك من طرف ابراهيم عشان يرضى ييجى معاك!!
ماشى متشكرين يا هندسه!
بصراحه ضربت حيص بيص !!!
خايف امشى من هنا يقوم يكسر الزجاج ويدور العربيه ويمشى وابقى قابلنى بقى!
فضلت قاعد وعملت نفسى بكلم حد فى التليفون عشان يصدق انى مستنى حد يجبلى نسخه المفتاح والحقيقه ان محدش فى البيت أصلا!!!
هاكملكم حالا!!
-
رقم العضوية : 22774
تاريخ التسجيل : 20Oct2008
المشاركات : 4,384
النوع : انثى
الاقامة : h@r@m
السيارة: Punto classic 2o11
السيارة[2]: FIAT 128
دراجة بخارية: لايوجد
الحالة :
-
لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
لن نطيَل آلمكوُث فيهآ . . !
فلمآذآ آلكدَر ؟!
وهُنآك ربّ آلبشر
إن عصينآ ستر وإن تبنآ غفر
إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
ابتسم وعيش احلى حياه
-
رقم العضوية : 2665
تاريخ التسجيل : 17Oct2007
المشاركات : 2,326
النوع : ذكر
الاقامة : cairo
السيارة: لا يوجد
السيارة[2]: 128 حمرا
دراجة بخارية: لا يوجد
الحالة :
-
ايه الحصل بعد كده يا استاذ اشرف
سبحان الله وبحمده سبحان الله العظيم
اخوكم : محمد عماد الدين
الوظيفه : محاسب
سبحانك اللهم وبحمدك ، أشهد أن لا إله إلا أنت أستغفرك وأتوب إليك
-
رقم العضوية : 34265
تاريخ التسجيل : 01Mar2009
المشاركات : 453
النوع : ذكر
الاقامة : Sharkya
السيارة: --
السيارة[2]: Peugeot 504 /1979
دراجة بخارية: لا يوجد
الحالة :
-
انا مش عارف حاسس اني ممكن انسى المفتاح في العربية
المهم كمل
-
رقم العضوية : 17601
تاريخ التسجيل : 31Aug2008
المشاركات : 6,564
النوع : ذكر
الاقامة : Certainly .. In My House !
السيارة: NA
السيارة[2]: Corolla 1.3
الحالة :
-
ربنا معاك ..
انا كنت لسه قاعد فى المنطقة دى حالا :)
-
رقم العضوية : 231
تاريخ التسجيل : 26Apr2007
المشاركات : 255
النوع : ذكر
الاقامة : cairo
السيارة: Nissan sunny 2008
السيارة[2]: Nissan tiida 2013
دراجة بخارية: لا
الحالة :
-
طب و ايه؟؟
-
رقم العضوية : 30602
تاريخ التسجيل : 20Jan2009
المشاركات : 2,691
النوع : ذكر
الاقامة : Mansoura
السيارة: PeUgeot 504 GL
السيارة[2]: Fiat 128 - Fiat 132 - Lanose - Toyota Camry
دراجة بخارية: No
الحالة :
-
في انتظار التكملة....
اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ
-
رقم العضوية : 31375
تاريخ التسجيل : 27Jan2009
المشاركات : 329
الحالة :
-
حصلت معايا مره بس كان فى واحد بتاع مفاتيح فاهم وخلصلى الموضوع على طول
النفس تجزع ان تكون فقيرة والفقر خيرا من غنا يطغيها
وغنى النفوس هو القناعه فإن أبت فجميع ما فى الارض لا يكفيها
-
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
-
المهم
شويه وقولت توكل على الله وشوف الراجل اللى قال عليه بتاع الزجاج !
وبعد دوخه وصلت المحل لاقيته قافل ولقيت شويه شباب واقفين !
يا شباب محدش يعرف بتاع المفاتيح ده هايفتح أمتى؟
ياعم ده مجنون بيفتح ساعه ويقفل ساعتين.
ربنا يطمنك ..طب حد معاه تليفونه؟؟
لأ
طب فى حد تانى فى المنطقه؟
لأ برضه هو انت عايزه ليه؟
قلتلهم عالحكايه بسلامه نيه!!
لقيتهم بيشتغلونى وهيتسلوا عليا !
شكرا يا رجاله مصر ربنا يخليكوا ليها!(مصر طبعا...وربنا عالم بللى فضميرى!)
رجعت على العربيه ومش لاقى اى حل!!!!!!!!!
لدرجه انى فكرت انى أكسر الشراعه وابقى اروح عند اى حد واركب غيرها!
وبعدين ربنا هدانى لمنظر شوفته قبل كده ..كان سواق عندنا فى الشركه نسى المفاتيح جوه العربيه راح خلع الخوصه (الاصطوفه بتاعه الزجاج وجاب مسطره حديد طويله وحته سلك ناشف وقعد يحركهم لغايه ما رفع الصقاطه وفتح الباب!
قلت خلاص أعمل زيه!
رحت جايب السلك اللى بيتعمل زى شياله لجردل البويه بتبقى ناشفه او سلك صلب زى ما بيسموه!
وببص لاقيت بتاع الامن الاولانى أتغير وواحد تانى اللى واقف !
ماشى يعنى لو العربيه اتسرقت ملهاش ديه!
قمت فكيت الحليه او الاصطوفه بتاعه الباب وقعدت أبص مش فاهم حاجه وطبعا بدأت أدخل السلك واحركه ومش قادر برضه اوصل لحاجه!
الغريب بقه واللى كل الرغى ده عشان اوصله :-
الناس رايحه جايه محدش قاللى بتعمل ايه !!!كلوا بيفضل يبص بإستغراب وواستنكار وشجب وإدانه لسرقه السياره لكن كله ملوش دعوه!!
كله تصرفه بيقول وانا مالى ياعم ده بيسرق العربيه فى عز الضهر انا عارف ده يكون شارب حاجه ولا يضربنى بحاجه !!!!
بتاع الامن فضل يبص من بعيد لبعيد وكل ما عينى تيجى فى عنيه يبص الناحيه التانيه!!!!!!!
اللى بجد طلع رجوله وكفأه واحد شكله بواب وقف وجه قدامى ويبصلى بصه انت بتعمل ايه؟؟
قمت رديت عليه ببصه أمشى من قدامى لأخرب بيتك!!!
قام واخد بعضه وماشى !!!(ياخساره على الرجاله)
واللى زاد وغطى عربيه اتارى عدت قلت بس ليلتنا سودا دانا على بال مأثبت انها عربيتى هايكون الكلبشات اتحطت فى ايديا!!!
ولا حتى بصوللى!!!العسكرى اللى سايق عينه على العربيه اللى جيه من الناحيه التانيه والامين اللى قدام بياخد سيجاره من اللى ورا ومنهمكين فى الرغى!!!!!!!!!!!!!!
يا نهار اسود يعنى كل اللى مطلوب منك عشان تسرق عربيه شويه قلب جامد ومنظر يخوف يعنى مثلا تطول دقنك وتلبس لبس مبهدل وتتكلم زى اللمبى هتلاقى الناس كلها بتبعد عنك عشان خايفه منك!!!
انا مشفتش فى حياتى السلبيه المصريه متجسده زى ما شفت فى الموقف ده!!!!!!!!!!!
معلش انا طولت أوى أوى أوى !
فى النهايه وبعد أن ضاقف فلما استحكمت حلقاتها فرجت وكنت أظنها لا تفرج!
البنت اللى واقفه فى كشك العيش اللى راكن جنبه اتاريها متابعه القصه من اولها وراحت شافت واحد معدى ندهت عليه ولمحته بيبصلى وهى بتكلمه وطبعا انا كنت عرقان وجايب ميه من كل حته والشمس عملت معايا واجب تمام
أتارى الراجل ده سواق فى شركه سياحه فى المنطقه وجانى وقاللى عنك انت بقه سيبنى أجرب أنا وقال بسم الله ولقيته بيفتح الباب !!!!!!!11
شد ايه بالسلكه عمل ايه؟؟؟!!!! معرفش!!!
طبعا دعيتله وشكرته وعرضت عليه فلوس رفض!!
والله لسه الدنيا فيها خير واللى يستعين بربنا ويتوكل عليه ينجده من غير ما يبقى عامل حسابه وعن طريق حد لا يعرفه ولا شلفه قبل كده!!!!!!!!
الحمد لله!
تحياتى
أشرف فتحى
-
رقم العضوية : 2665
تاريخ التسجيل : 17Oct2007
المشاركات : 2,326
النوع : ذكر
الاقامة : cairo
السيارة: لا يوجد
السيارة[2]: 128 حمرا
دراجة بخارية: لا يوجد
الحالة :
-
hasad">طب الحمد الله بس الكلام ده لو في حته شعبي شويه مش كنت تلاقي السلبيه دى بس المشكله لوحد كان جد باله مش كنت تلاقي العربيه
سبحان الله وبحمده سبحان الله العظيم
اخوكم : محمد عماد الدين
الوظيفه : محاسب
سبحانك اللهم وبحمدك ، أشهد أن لا إله إلا أنت أستغفرك وأتوب إليك
المواضيع المتشابهه
-
تجربه شخصيه مع سي دي اللوجان
بواسطة ch_mahm2024 في المنتدى قسم خاص بالسيارة لـــوجـــــانمشاركات: 7آخر مشاركة: 08-12-2010, 10:05 AM -
حد يعرف(عن تجربه شخصيه)....ميكانيكى يكون فاااااهم
بواسطة ashraf_5971 في المنتدى دايــو+شيفرولية لانوسمشاركات: 10آخر مشاركة: 03-07-2010, 10:41 AM -
كيا سيراتو الجديده ( تجربه شخصيه )
بواسطة dmx6_6 في المنتدى كـــــيامشاركات: 20آخر مشاركة: 11-04-2010, 07:53 PM -
زيارتى لتوكيل جيلى .... تجربه شخصيه
بواسطة MegaDeth في المنتدى الصيــــــنى العـــــــاممشاركات: 23آخر مشاركة: 07-10-2009, 02:46 PM -
جيلى mk2 و الـ ck 2 الـ2008 تجربه شخصيه محدوده
بواسطة mexmarine في المنتدى الصيــــــنى العـــــــاممشاركات: 27آخر مشاركة: 28-09-2009, 04:11 PM
الكلمات الدلالية لهذا الموضوع
ضوابط المشاركة
Content Relevant URLs by vBSEO 3.6.0 PL2
المفضلات