يا جماعة مستنية ردودكم الجامدة

**zalpany2000** · 08-04-2009 09:39 PM

السلام عليكم
شوفي
حضرتك المبلغ اللي معاكي و القسط ده هايبقي الموضوع صعب جدا
حتي لو هاتقسطي مستعمل
مش هاينفع
عموما للافادة
ارخص البنوك في الفايدة بنك ناصر
و ده تعاملاته نسيبا معقدة

اقتراحي
انك تزودي المقدم شوية
15 مثلا
و هايبقي القسط تقريبا 500 في الشهر

و عايز اقول لحضرتك علي حاجه كمان
العربية الجديدة مصاريفها مش كتيير
يعني ممكن يبقي معاكي 127 بتصرفي بنزين اكتر من الماروتي بالاضافة الي تكاليف الصاينة
غير اني مش باحبذ السيارة المستعملة للسيدات والانسات علشان اعطالها الكتير

تحياتي
و يا رب ما اكونش احبطتك واكون فدتك قدر المستطاع

**tmedhat** · 08-04-2009 10:09 PM

من كتر ما بحط ردود جامدة بحس ان المنتدى حيقع
عشان كدة بطلت احط ردود جامدة
انزلى اى معرض
حتلاقى عروض كتير قوى علىالماروتى
و العربية فل الفل

**lord23** · 09-04-2009 12:47 PM

بقولك ايه انتي شحططي المنتدي كله انا هجبلك من الاخر
هاتي عربية فيات 126 مستعملة موديل 96 او اعلي
علي قد فلوسك وعربية مش بطالة وحنينة وتتعلمي فيها السواقة براحتك
وبعد سنة ولا اتنين تكوني حوشتي قرشين تجيبة عربية كويسة

**lulya** · 10-04-2009 02:52 AM

المشاركة الأصلية كتبت بواسطة lord23

بقولك ايه انتي شحططي المنتدي كله انا هجبلك من الاخر

هاتي عربية فيات 126 مستعملة موديل 96 او اعلي
علي قد فلوسك وعربية مش بطالة وحنينة وتتعلمي فيها السواقة براحتك
وبعد سنة ولا اتنين تكوني حوشتي قرشين تجيبة عربية كويسة

كده برضو أنا شحططت المنتدى أنا والله لقيت النتدى متعاون جدا مع دا االى شجعنى
على العموم أنا قدامى كذا عرض كويس من أكتر من معرض ومناسب أوى للى معايا بس لسه قدامى اجراءات وعراقيل معطلانى شوية

**powerofhelll** · 10-04-2009 03:00 AM

انصحك بدل القسط ووجع الدماغ عربيه 127 او 126 تاخد وقتها و تكوني حوشتي المبلغ افضل بكتير
كان الله في العون

**lulya** · 10-04-2009 03:01 AM

المشاركة الأصلية كتبت بواسطة zalpany2000

السلام عليكم
شوفي
حضرتك المبلغ اللي معاكي و القسط ده هايبقي الموضوع صعب جدا
حتي لو هاتقسطي مستعمل
مش هاينفع
عموما للافادة
ارخص البنوك في الفايدة بنك ناصر
و ده تعاملاته نسيبا معقدة

اقتراحي
انك تزودي المقدم شوية
15 مثلا
و هايبقي القسط تقريبا 500 في الشهر

العربية الجديدة مصاريفها مش كتيير
يعني ممكن يبقي معاكي 127 بتصرفي بنزين اكتر من الماروتي بالاضافة الي تكاليف الصاينة
غير اني مش باحبذ السيارة المستعملة للسيدات والانسات علشان اعطالها الكتير

تحياتي
و يا رب ما اكونش احبطتك واكون فدتك قدر المستطاع

على فكرة
على فكرة انت ما احبطنيش خالص بالعكس أنا باشكرك لزوقك
وأنا زى ما قلت الحمد لله لقيت كام عرض كويسيين لسه بشوف أنسب حاجة فيهم وما يكونش مطلوب ضمانات كتير عشان أنا مش بشتغل
وعلى فكر أنا مصممة اجيبها زيرو عشان زى ما حضرتك قلت أعطالها كتير وأنا عايزة أركب عربية أكون مرتاحة معاها

**lulya** · 10-04-2009 03:03 AM

وبعدين يا جماعة فى حاجة مهمة أنا بسوق بقالى سنتين وزهقت وتعبت من المستعمل وحرمت أركبه

**zalpany2000** · 15-04-2009 02:12 PM

ربنا يرزقك بعربية ان شاء الله تريحك وتبقي زي الفل
كلا من الالتو او الماروتي جمال جدا جدا
كل واحدة ليها مميزات عن التانية
و لو حضرتك استقريتي علي واحده فيهم ان شاء الله هايبقي خيار موفق
تحياتي

**Negm** · 02-05-2009 12:37 PM

بصى نظام التقسيط بمصر فى الجديد لو قسط صخير يبقى مقدم كبير ولو مقدم صغير يبقى قسط كبير ولو قسط صغير ومقدم صغير يبقى عدد سنوات التقسيط تزيد وده معناه الفايد تزيد وتدفعى تمن العربيه مرتين
عمما الكل بيحسب 7.5 او 8% على المبلغ الباقى بعد المقدم والرقم اللى يطلع تضربيه فى عدد السنوات والناتج تجمعيه علىالمبغ المتبقتى وتقسيمى الرقم النهائى دهى على عددالشهور يطلع لك القسط واحسن نصيحه لو مش مستعده لعربيه حاليا اصبرى لان لها مصاريف تانيه بعد الشراء والقسط

**sab3aawy** · 03-05-2009 12:15 AM

علشان تلاقى قسط بمبلغ قريب من ده حلك الوحيد انك تجيبيها عن طريق موظف حكومة يحول لك قيمة القسط وتجيبيها من بنك ناصر، غير كدة لا توجد حلول قريبة من الأرقام اللى انتى مقدارها