الموضوع: التكييف مش بيشتغل

يا استاذ سمير انا نزلت النهاردة زى ما وعدت حضرتك و فتحت علبة الفيوزات اللى قدام البطارية و غيرت الكتاوت اللى حضرتك قولت عليه مع كتاوت الكلاكس و برضه التكييف ما اشتغلش و حطيت بتاع التكييف فى مكان الكلاكس الكلاكس برده شغال اذن الكتاوت سليم و الحمد لله بس بصراحة قعدت ادور على الفيوز و اقرا على غطاء العلبة مالقيتش اى فيوز و لا احمر ولا غيره بيدل على انه بتاع التكييف و الغريبة كمان انى لقيت فى علبة الفيوزات اماكن كتير فاضية و ان شاء الله بكرة حاحاول اصور العلبة من الداخل على حالها و اوريها لحضرتك علشان حتى اعرف الاماكن الفاضية دى كلها بتاعت ايه و ليها لازمة تركب ولا لا بس اكيد ليها لازمة طبعا والا الخواجة ما كانش عملها مش كدة ولا ايه بس التكييف كان بيشتغل و الله الصيف اللى فات و كان بيسقع ثلج بس الكلام ده اول ما بشحنه و بعد اسبوعين ترجع ريمة لعادتها القديمة المهم ربنا يسهل و بعد ما اصور علبة الفيوزات لحضرتك يعدلها ربنا وواحدة واحدة مع حضرتك و نعرف العيب منين و ميرسى جدا لسيادتك و معلش يا اخونا الكبير افتح صدرك لينا و استحملنا للاخر و اسف على الاطالة و شكرا