باركوووووووووولي جبت سفنتينا

**نور العمر** · 07-04-2009 10:26 PM

أخيراً ... بقيت من مالكي السيارات
وجبت اول عربية في حياتي
سفنتينا.......... حذروا فذروا تبقى مييييييييييييييين
من غير فوازير ................فيورا موديل 87
بس العين فرمت الحديد
وحبيبية قلبي سفنتينا راحت تتصلح بعد خمس أيام بس
بكلمكوا وهي وحشاني مووووووووووووووت
إدعولي ترجعلي بالسلامة
بقيت فياتووية :k4:

وحشتوني جداً
حبيت أشاركوا الحدث العظيم إللي انتظرتوا شهور وبسبب انتظاروا اتعرفت عليكوا يا نايل موتورز

شكراً نايل موتورز

نور العمر ... سفنتينا

**wesam_salom** · 07-04-2009 10:31 PM

الف مبروووووووك

وتتربى فى عزك ان شاء الله

اهم حاجه تاكليها كويس (بنزين 80)

وتغيريلها (الفرش طبعا)

وتنيميها فى حته دفا(جراج)

ونحب نشكرها طبعا على انها شرفتنا بمعرفتك

**نور القمر** · 07-04-2009 11:10 PM

الف مبروك يا نور تتربى في عزك
بس انتي زعلتيها منك ولا ايه
من خامس يوم كدة راحت تتصلح
امال هتعملي ايه فيها بعد 5 شهور
عموما نحن السابقون وانتم اللاحقون
احسن حاجة تبدي حياتك مع فيورا بنت حلال اوي وحمالة آسية وبعدين لما تتمكني غيريها بالاحسن ان شاء الله
الف مبروك يا جميل

**ahmed_esmail** · 07-04-2009 11:14 PM

الف مبروك بس ممكن تحكيلى
ازاى اتعرفتى عليها يا ترى من المنتدى ولا من بره
وياترى تكلفه وصولها لمنزلكم كام ههههههههههه

**SHNORY** · 07-04-2009 11:37 PM

الف مبروووووووووك يا نور علي العربيه الجديده
واضح انها من فرحتها بيكي ضربت شقلباظ بس جه معاها غلط
عقبال الزيرو باذن الله
ومتمشيش بيها اكتر من 140 علشان ثباتها بيقل بعد كده
صحيح انا قصدي 140 كيلوا مسافه مش سرعه ههههههههههههه
علشان متفهمينيش غلط