السلام عليكم ورحمه الله وبركاته حبيت اكتب تقريرى عن البيرسونا والعيوب اللى واجهتنا فيها
1-صوت كركرة فى الموتور
2-الشنطه بتفتح لوحدها
3-عيب فى العوامه وده طبعا اثر على المؤشر وبقى يعلق
وقالوا هايبعتوا يجبولنا عوامه والى الان ماحدش اتصل بينا
4- بتاكل بنزين والمهندس قال ان الحل ان ماتزدش السرعه عن 90
وهى ماتاكلش بنزين
عيوب فى التقفيل زى فروقات فى الباب الخلفى
تزييق فى الدركسيون

العربيه على فكره ياجماعه مختلفه عن الجين تو ومشاكلها كتير
والدى عمل خناقه كبيره فى التوكيل هناك وبقوا يهدوة وقالهم مش هادفع حاجه تانى
العربيه لسه جديده وللعلم وبدون ذكر اسامى المهندسين هناك كلهم بيثبتوا
يعنى كلام وخلاص والدى راح 3 مرات وكل مره يدفعوة فلوس ويقولوا مصنعيه
والدى زعق وثار وقالهم انا بقدم شكوى فى المهندس فلان
وبعد ماهدوة شويه قالوله ممكن تتنازل عن الشكوى طبعا هو اتنازل
التوكيل فعلا بمعنى الكلمه غير ناجح واحنا دلوقتى منتظرين يجيبوالنا عوامه جديده
والدى بيقول ان البيرسونا كانت مليه التوكيل وفيها عيوب
ايا كانت العيوب صغيره بس العربيه لسه جديده المفروض ماتنزلش بعيوب
والنقطه التانيه والمهمه ان التوكيل سىء للغايه يعنى تروح بمشكله ترجع بمشكله تانيه جديده بجد مافيش حل الا اننا مانصلحش فى التوكيل تانى