مساء الخير عليكم
انا عربيتي مالحقتش امشي عليها 10000كم
وبتتملي مية من جوة خصوصا تحت الدرج كانت اول تتملي لما اشغل التكييف دلوقتي بدون ماشغله
وكمان قوة تبريد التكييف قلت
مستني مساعدتكم بلييييييييييييييييييييييي ييز
مساء الخير عليكم
انا عربيتي مالحقتش امشي عليها 10000كم
وبتتملي مية من جوة خصوصا تحت الدرج كانت اول تتملي لما اشغل التكييف دلوقتي بدون ماشغله
وكمان قوة تبريد التكييف قلت
مستني مساعدتكم بلييييييييييييييييييييييي ييز
اعمل صيانه للتكييف و دورة التبريد اكيد فيه مشكله و يستحسن تكون في التوكيل
هل الميه ده لونها أخضر؟؟؟؟؟......... و هل بتكون سخنه؟؟؟؟؟؟؟؟ و هل مياه تبريد الموتور بتنقص؟؟؟؟؟؟؟؟؟؟؟؟؟ ولا الموضع مختلف و ده بيحصل بعد غسيل العربيه مثلا و الميه بتكون عاديه؟؟؟؟؟؟؟؟
الإحتمال الأول خطير لو سربنتينه التكييف الساخن مخرومه أو فيها تسريب لأنها هتتسب فى ضياع ميه تبريد الموتور و سخونته و لاقدر الله العربيه تجيب وش سلندر.
الإحتمال التانى ان الميه بتخش من مكان ما أثناء الغسيل و بتتجمع فى حته معينه أو لو الكلام ده مع التكييف فقط ممكن يكون صرف المياه المتكثفه على الكويل مسدود لأى سبب و ده بسيطه بس انت بتقول ان ده بيحصل من غير تشغيل تكييف دلوقتى؟؟؟؟!!!!!!!
نصيحه اهتم بالموضوع و وديها التوكيل يشوفوها لازم.............
اول مرة اسمع بالحكاية دي
اعرف ان ممكن ماسورة الفايص بتاعة المكيف تتسد فتعمل كده ، و لكن من غير مكيف كمان بتحصل ؟؟ غريبة
هل بتغسلها كل يوم و الميه ما بتتنشفش كويس ، يعنى اللى بيغسلها بيغرقها
ممكن يكون ده السبب لكن مش المفروض يحصل حتى لو غسلتها كل ساعة
فعلا لازم تروح التوكيل و ماتسكتش على الموضوع ده و ربنا معاك
شكرا على ردودكم
بجد الموضوع فعلا قالقني
المية ساقعة
انا قصدي من غير تكييف يعني لو شغلته ورحت مشوار وركنتها ورجعت تاني الاقي المية اتجمعت
الموضوع بدي كان مايتجمعش الا والتكييف شغال خصوصا اول ما الشتاء خلص بدات اشغل التكييف واخفف قوة التبريد مش السرعة يعني بحطه بين الازرق والاحمر
وكانت بتسري مية بس بشوفه قبل مانزل بس بعد كذا مابشوفوش الا بعد ماركنها ساعة او 2 الاقي المية مغرقة الصالون
طيب لو مسدود حد يعرف الصرف بتاع التكييف اصلحه فين
بالمناسبة العربية جبتها من الخليج ومالهاش ضمان في مصر
يا باشا مش مشكلة الضمان المهم انها تتعمل صح
هاتها التوكيل نكشف عليها ونقول لحضرتك محتاجة ايه وتكلفته كام وباذن الله يطلع موضوع بسيط
من كلامك ده أؤكدلك ان صرف مياه التكييف مسدود و بسيطه الحمد لله....... بص يا سيدى......إعمل فحص سريع كده زى ما هقولك و لو ما وصلتش للعيب خلى حد بتاع تكييفات يشوفهالك أو توديها التوكيل بس مش لازم التوكيل قوى لأنها مشكله سهلاه و أى حد بتاع تكييف هيقدر يحلها بسرعه و بسهوله..........إفحص مكان خروج مياه التكييف لعل و عسى الحاجه اللى سداها تكون باينه عليها من بره و ليست جوه الكويل و مكانها داخل حوض الموتور و را الموتور علطول خارجه من ظهر التابلوه بس تحت شويه و قريبه من علبه الدركسيون.....تتبع دخول مواسير الفريون لداخل العربيه هتلاقيها تحتهم فى المنتصف و هى عباره عن خرطوم أسود صغير ملففوف لتحت.
أه فى احتمال كمان عاوز أقولك عليه و هو ان الخرطوم ما يكونش مسدود و لكنه مش راكب فى الكويل من جوه و عشان كده بدل المياه ما تطلع بره عن طريقه بتنزل جوه العربيه.