صالون العربية بيمتلي لوحده بدون سبب الحقوني ارجوكم انا لسا مامشيتش 10000 كم

**anticariogen** · 08-04-2009 02:46 AM

مساء الخير عليكم
انا عربيتي مالحقتش امشي عليها 10000كم
وبتتملي مية من جوة خصوصا تحت الدرج كانت اول تتملي لما اشغل التكييف دلوقتي بدون ماشغله
وكمان قوة تبريد التكييف قلت
مستني مساعدتكم بلييييييييييييييييييييييي ييز

**Kareem Khattab** · 08-04-2009 05:29 AM

اعمل صيانه للتكييف و دورة التبريد اكيد فيه مشكله و يستحسن تكون في التوكيل

**mohamedway** · 08-04-2009 11:37 AM

هل الميه ده لونها أخضر؟؟؟؟؟......... و هل بتكون سخنه؟؟؟؟؟؟؟؟ و هل مياه تبريد الموتور بتنقص؟؟؟؟؟؟؟؟؟؟؟؟؟ ولا الموضع مختلف و ده بيحصل بعد غسيل العربيه مثلا و الميه بتكون عاديه؟؟؟؟؟؟؟؟

الإحتمال الأول خطير لو سربنتينه التكييف الساخن مخرومه أو فيها تسريب لأنها هتتسب فى ضياع ميه تبريد الموتور و سخونته و لاقدر الله العربيه تجيب وش سلندر.

الإحتمال التانى ان الميه بتخش من مكان ما أثناء الغسيل و بتتجمع فى حته معينه أو لو الكلام ده مع التكييف فقط ممكن يكون صرف المياه المتكثفه على الكويل مسدود لأى سبب و ده بسيطه بس انت بتقول ان ده بيحصل من غير تشغيل تكييف دلوقتى؟؟؟؟!!!!!!!

نصيحه اهتم بالموضوع و وديها التوكيل يشوفوها لازم.............

**Dr.SherifMansy** · 08-04-2009 12:04 PM

اول مرة اسمع بالحكاية دي
اعرف ان ممكن ماسورة الفايص بتاعة المكيف تتسد فتعمل كده ، و لكن من غير مكيف كمان بتحصل ؟؟ غريبة
هل بتغسلها كل يوم و الميه ما بتتنشفش كويس ، يعنى اللى بيغسلها بيغرقها
ممكن يكون ده السبب لكن مش المفروض يحصل حتى لو غسلتها كل ساعة
فعلا لازم تروح التوكيل و ماتسكتش على الموضوع ده و ربنا معاك

**anticariogen** · 08-04-2009 06:14 PM

المشاركة الأصلية كتبت بواسطة mohamedway

هل الميه ده لونها أخضر؟؟؟؟؟......... و هل بتكون سخنه؟؟؟؟؟؟؟؟ و هل مياه تبريد الموتور بتنقص؟؟؟؟؟؟؟؟؟؟؟؟؟ ولا الموضع مختلف و ده بيحصل بعد غسيل العربيه مثلا و الميه بتكون عاديه؟؟؟؟؟؟؟؟

الإحتمال الأول خطير لو سربنتينه التكييف الساخن مخرومه أو فيها تسريب لأنها هتتسب فى ضياع ميه تبريد الموتور و سخونته و لاقدر الله العربيه تجيب وش سلندر.

الإحتمال التانى ان الميه بتخش من مكان ما أثناء الغسيل و بتتجمع فى حته معينه أو لو الكلام ده مع التكييف فقط ممكن يكون صرف المياه المتكثفه على الكويل مسدود لأى سبب و ده بسيطه بس انت بتقول ان ده بيحصل من غير تشغيل تكييف دلوقتى؟؟؟؟!!!!!!!

نصيحه اهتم بالموضوع و وديها التوكيل يشوفوها لازم.............

المية ساقعة
انا قصدي من غير تكييف يعني لو شغلته ورحت مشوار وركنتها ورجعت تاني الاقي المية اتجمعت
الموضوع بدي كان مايتجمعش الا والتكييف شغال خصوصا اول ما الشتاء خلص بدات اشغل التكييف واخفف قوة التبريد مش السرعة يعني بحطه بين الازرق والاحمر
وكانت بتسري مية بس بشوفه قبل مانزل بس بعد كذا مابشوفوش الا بعد ماركنها ساعة او 2 الاقي المية مغرقة الصالون
طيب لو مسدود حد يعرف الصرف بتاع التكييف اصلحه فين

**anticariogen** · 08-04-2009 06:20 PM

بالمناسبة العربية جبتها من الخليج ومالهاش ضمان في مصر

**مصراوي جدا** · 08-04-2009 11:40 PM

يا باشا مش مشكلة الضمان المهم انها تتعمل صح

هاتها التوكيل نكشف عليها ونقول لحضرتك محتاجة ايه وتكلفته كام وباذن الله يطلع موضوع بسيط

**mohamedway** · 09-04-2009 03:16 PM

أه فى احتمال كمان عاوز أقولك عليه و هو ان الخرطوم ما يكونش مسدود و لكنه مش راكب فى الكويل من جوه و عشان كده بدل المياه ما تطلع بره عن طريقه بتنزل جوه العربيه.