مشكله فى السي 180 موديل 99

**totty** · 08-04-2009 05:58 AM

السلام عليكم و رحمة الله و بركاته
يا جماعه من فضلكم انا عندى عربيه سى 180 موديل 99 فيها مشكله بسيطه بس انا تعبان منها اوى المشكله تتلخص فى الزجاج الامامى الخاص بالسائق لما تيجى تنزل الزجاج ينزل على مراحل مش زى بقيه العربيه يعنى لما تيجى تدوس على الزرار بتاع الزجاج ينزل حوالى 5 سم ثم يسكت حوالى3 ثوانى و ينزل 5 سم تانى ....و هكذا انما بقية العربيه زى الفل روحت للزعيم بتاع شبرا علشان هو عنده مهندس شغال فى التوكيل عملى تشيك اب كامل على الكومبيوتر بس ما قراش حاجه لما روحت لواحد تانى قالى ان المشكله فى الكونترول بتاع الزجاج حليته و اديته لواحد مهندس صاحبى عمل لى عليه تشيك لقاه سليم مافيهوش اى حاجه المشكله انه ساعات بيعمل كده وساعات بيشتغل زى القرد و ساعات بيجننى و يفصل خالص انا زهقت ......قولولى اعمل ايه

**Fadi Ezzat** · 09-04-2009 10:05 PM

طيب ماتشوف المكنة بتاعة الازاز

**Fadi Ezzat** · 10-04-2009 11:28 PM

طيب هاقولك على حاجة طقت فى دماغى شوف الجلد الى بيبقى حوالين الازاز ممكن يكون نشف لو لقيتة ناشف اوى اكيد هيبقى ناشف اوى من تحت
ودى مشكلة طبعا عمر ما المبيوتر يقراها
ويارب تتطلع هيا

**farahat** · 18-04-2009 10:20 PM

ممكن يكون موتور الزجاج نفسه هو إلي فيه المشكلة ، يا إما يكون فيه حاجة مهزوزة سواء في الفيشة بتاعة توصيله بالكنترول ، حول تراجع توصيلات الموتور و كمان الموتور نفسه شوف بيسخن أثناء تطليع الزجاج ولا لأ و لو بيتفك هل فيه شاربون تالف أو حاجة متأكلة ؟