-
يا ساده .... انتو ملخبطين جامد
بيوجد فى دوره التبريد دورتين الاولى بتعرف بالدوره القصيره وهى مرور سال التبريد داخل غرف التبريد حول جسم المحرك دون المرور فى الردياتير وتستخدم هذه الدوره فى البلاد البارده (درجة حراره المحرك اقل من صفر) وده علشان المحرك يسخن بسرعه لانه ملهاش معنى انى ابرد المحرك وهو أصلا بارد!!
الدوره الثانيه وتعرف بالدوره الطويله وهى نتيجة مرور سائل التبريد (الميه) من غرف التبريد حول المحرك الى الردياتير حتى يتم تبريدها والدوره دى بتشغل بعد ما المحرك بيصل الى درجة حراره التشغيل الطبيعيه. اللى بيحدد سريان الميه بين الدوره القصيره والدوره الطويله هو الثرموستات اللى موجود فى الرسم وعفوا الشرح المقدم مش دقيق (حكايه الضعط والترموستات غلط خالص)
أما بالنسبه عن أهميه الترموستات (اللى موجود فى الرسم لوحده) انا شايف ان فايدته هو تعجيل وصول المحرك عند درجة الحراره الطبيعيه وده مهم جدا فى البلاد البارده علشان كده بعض العربيات زى اللادا بينزل فيها وبعدين الميكانيكيه بيشيلوه وده مش غلط اوى على اساس ان الجو فى مصر حار.
الحاجه التانيه اللى بنعمل بيها كونترول على درجة حرارة المحرك هى مروحة الردياتير ودى بتشتغل طبقا لتروستات (حاجه تانيه خالص- اللى انتم قولتو عليها ساعة الحراره) موجود اسفل الردياتير وهو عبار عن ببساطه شديده جدا عن مفتاح حرارى زى اللى موجود فى سخان المياه او التلاجه (Thermo-couples) وفكرة عمله لما درجة الحراره توصل الى درجه معينه قول 90 بيقفل دائرة الكهرباء بتاعة المروحه فتشتغل والعكس صحيح وبالتالى يفضل المحرك يشتغل فى المدى المناسب حراريا. الترموستات ده لو مش راكب او شغال الموتور يقفش
ولا ايه؟؟؟؟
-
انا اتفق مع الرائ اللى فوقى بس انا سمعت راى واحد كده :
ان الثرموستات دى بتقضل قافلة الدايرة بتاع الميه بحيث تدور جوه الموتور بس و ما تروحش للردياتير وده عشان لو الميه خرجت وراحت للردياتير وسقعت ويكون الموتور موصلش لحرارة منتظمة بيبقى فرق درجات الحرارة بين جسم الموتور( مجارى المياه حوالين السلندرات ) والشميزات كبير قوى لدرجة انه ممكن يعمل شروخ او ما الا ذلك
لان جزء بيبقى سخن وجزء بارد
( زى كوباية الشاى كده لما تطق ... بتبقى سخنة وبعدين انت تسقع حته منها فجأه )
-
شكرا"يا باشا أنا كده فهمت
-
-
للرفع للإفادة ،،
حيث ان عربيتي ال 128 واثناء التوجه من المنيا الى القاهرة عبر الصحرواي الشرقي وصل مؤشر الحرارة للاحمر وكان الماء في الريداتير يتناقص بشده وكنت اركن السيارة كل 20 كيلو لمدة 10 دقائق لكي تبرد واوصل السير واتضح لي ان سبب التناقص هو تلف غطاء الريداتير القديم حيث كان غير محكم ويسرب بخار الماء المغلي للقربة دون ان يعود الماء من القربة للريداتير فيتناقص
والحمد لله غيرته ،،
-
-
-
Content Relevant URLs by
vBSEO 3.6.0 PL2