انا أحترت خالص

**اسامة عبد العزيز جابر** · 14-09-2007 11:42 PM

كل عام وأنتم بخير
المهم يا جماعة أنا أحترت فى شراء عربية أنا بأشتغل حاليا فى جدة وعاوز أجيب عربية للأسرة فى مصر (طبعا حأستخدمها فى أجازتى أن شاء الله) بصراحة عاوز عربية جديدة أوتوماتيك full option 1600 CC وكنت رسيت خلاص على الجيتز ولكن لما سألت عنها وجدتها من غير air bags ولا ABS (ومش حأكدب عليكم وأنا بعيد الواحد بيبقى قلقان على اهلة فبأحاول أضمن سلامتهم بكل السبل وربنا يحفظهم ويحفظمكم) اللى خلانى الأول أختار الجيتز هو سعرها 78000 لأنى ماكنتش عاوز أزود عن 80000 ولكن واضح انى سوف أضطر ازود لحد 90000 ففكرت تانى فى الجين 2 عاوز مشورتكم وجزاكم الله خيرا بخصوص الجين 2 أو أى بدائل تانية
متطلباتى فى العربية:
1- automatic
2- 1600cc
3- عائلية متوسطة الحجم
4- أستعمالها فى 95% من الوقت سوف يكون داخل المدينة (الزقازيق) يعنى تقريبا 5000-6000 كيلو فى السنة

**محمدايهاب** · 14-09-2007 11:52 PM

نيسان صني فيها air bag واحدة تمنها 91 ألف
و المانويل فيها الأيرباج كمان ب86

**Ahmed Hassan** · 14-09-2007 11:56 PM

المشاركة الأصلية كتبت بواسطة محمدايهاب

نيسان صني فيها air bag واحدة تمنها 91 ألف
و المانويل فيها الأيرباج كمان ب86

النيسان الصني كويسه بس مفيش فيها ABS و لا حتى في الـ SUPER SALOON اللي هوه اعلى موديل فيها

**Ahmed Anwer** · 15-09-2007 12:00 AM

السيريون ب 80000 و فيها Air Bag و فيه ABS
بس 1300CC معتقدش هيفرق عشان هيا صغيرة بالعكس هتبقي موفرة

**Ahmed Hassan** · 15-09-2007 12:19 AM

المشاركة الأصلية كتبت بواسطة Ahmed Anwer

السيريون ب 80000 و فيها Air Bag و فيه ABS
بس 1300CC معتقدش هيفرق عشان هيا صغيرة بالعكس هتبقي موفرة

فعلا عربيه محترمه... بس لو عندك استعداد تدفع 80000 ادفع 85500 و هات اعلى موديل فيها لأن اعتقد ان هوه ده بس اللي فيه ABS ده بالأضافه للجنوط السبور و السبويلر و اهم حاجه الكاسيت الأصلي المدمج في التابلوه و اللي من غيره التابلوه شكله مش ظريف

**أبو عبدالله** · 15-09-2007 12:46 AM

هو فعلا الـ ABS , EBD مش موجدين الا في الموديل اللي بــ 85 الف
اما الأير باجز موجوده في كله

ولكن نصيحه ومكسب لك هات الكامله لأن فرق الخمسة الاف دول بتاخد بهم سبويلر وار بي ام والـ ABS , EBD والجنوط والسي دي الأصلي بتاع السياره

**eng/muhamad** · 15-09-2007 12:56 AM

خليك فى الجين 2 عربيه ممتازه

**fahd_628** · 15-09-2007 01:04 AM

خليك فعلا فى الجين 2 عربية 100 100

و فيها ABS و EBD و شنطتها واسعة جدا ( نفس شنطة الواجا الكلام دة من الفيديو بتاع الشركة ) و كمان 2 ايرباج و صاج محمل و ثبات 100 100 ( و دة حاجة مهمة جدا جدا بالنسبة للأمان ) و موتور ممتاز

توكل على الله و هات جين 2

**hazem_khidr** · 15-09-2007 05:49 AM

الجين 2 عربيه كويسه بشهاده كل اللي ركبوها و بما انها عربيه عائليه حتنفعك اوي.
يا اما كده يا اما تجيب ياريس عربيه برضه ياباني و كويسه لكن 1300 سي سي بس سحبها معقول جدا و قوه موتورها 96 حصان!!!!!و عن تجربه عربيه ممتازه داخل المدينه و خارجها و فيها ايرباج و abs و متهيالي طول ما انت جوه البلد لا حتحتاج الاير باج و لا حاجه من دي و ربنا يبعدنا جميعا عن الحوادث و ساعه القدر لا بتفرق بقي اير باج ولا حزام ولا اي شئ من هذا القبيل صدقني.
اما بالنسبه للسيريون ف ما تنفعش عربيه عائليه نهائي في رأيي يعني هيا عربيه صغيره كده ممكن تمشي عربيه بناتي و سعرها مغالي فيها علي حجمها حتي التابلوه بتاعها مافيهوش RBM و الكامل منها ال RBM متعلق علي التابلوه كده شبه المنبه بتاع البيت!!!!!!
خليك في الجين 2 و الياريس و اللانسر الشكل القديم.