الموضوع: ايهما اعلى فى الاعتماديه والعمر الافتراضى اليابانى ام الالمانى

الألماني طبعا

انا طول عمرى متاكد ان الالمانى افضل من اليابانى بصفه عامه يعنى د ى حقيقه او امر واقع والدليل ان الالمانى من زمان انما اليابانى بدا متاخر

انما عمرى مارتحت ولا حبيت عربيات زى اليابانى يعنى بجد اولويتى فى العربيه اللى هاشتريها لليابانى ويليها الكورى او الماليزى القريب فى الجوده والمواصفات والسعر من اليابانى

اليابانى تحس كده انه بيدلعك بمعنى اصح بياخدك على حجره محدش معاه بيتعب فى حاجه طول مانت بتراعيها تشيلك على راسها اعتماديه جباره من تجارب راءعه من التمانينات لحد دلوقتى تكنولوجى معقوله مش بتخلى العربيه معقده ومش اى حد يشتغل فيها ولو حصل حاجه الواحد يحط ايده على قلبه وهو رايح التوكيل وعارف انه هيتقلب فيه فى الفلوس وحتى لو مش بيتحافظ عليها ماشاء الله بتلاقيها حمار شغل ومش بتشتكى

عربيات شغاله من التمانينات وقمه الاداء العالى والاستحمال فى اقصى ظروف التشغيل والدليل اجواء الخليج القاسيه جدا والحراره والرطوبه المرتفعه واساطير زى التويوتا كرسيدا والكامرى
الاوروبى فى الخليج مش زى اليابانى تحس ان الاوروبين عندهم تناكه فى صناعتهم او نزعه قوميه مش فارقه معاهم اصلا ان عربياتهم تتباع عندنا بدليل انهم مش بيعدلوا مواصفات عربياتهم للخليج زى العربيات اليابانى اللى بيخلوا اى حد يناموا على الجنب اللى يريحهم
الخليج ليه عربياته
اوروبا ليها عربياتهم
امريكا وكندا ليهم عربياتهم
بيعملوا لكل سوق اللى يرضيه ده اللى بيعجبنى فى اليابانى
المسافات دايما ىف امريكا تلاقيها عاليه او فى الخليج العربيه تبقى 400 الف كم او 500 الف كم ومن غير عمره ومش بتسخن فى الحر واحسن تكييف

الميكروباص التويوتا من التمانينات شغاله زى الفل ودلوقتى مفيش غيرها ومحركات الديزل ايسوزو فى العربيات الدبابه النقل والنص نقل والمينى باص
العربيات 4*4 اليابانى بقت منافس قوى جدا للامريكى ومفضل عليه زى اللاندكروزر والباجيرو والباثفيندر والارمادا والتويوتا الهاى لوكس

كون ان الالمانى من زمان وسابق اليابانى بكتير ودى حقيقه فعلا ده مايفرقش معايا انا اللى يفرق معايا ان الاقى عربيه محترمه اداء عالى اوبشن كويسه جوده عاليه قطع غيار باسعار معقوله ومنتشره وصيانتها مش صعبه والاقى اللى بيفهم فيها مش قصدى الميكانيكى انما مثلا صيانه او اصلاح عطل لتويوتا كورولا او لانسر مش هيبقى زى فولكس باسات او اوبل فكترا حتى لو فى التوكيل سواء مستوى صيانه او المبلغ المدفوع