اقتباس المشاركة الأصلية كتبت بواسطة madyyuri مشاهدة المشاركة
اللهم لا تؤاخذنا بما فعل السفهاء منا
يعني ال17 مليون دول..
يأكلوا كام واحد جائع
يكسو كام واحد عريان
يحصنوا كام شاب وفتاه
و....

حسبي الله ونعم الوكيل
طبعآ انا مش مختلف معاك...
بس تخيل اننا هنا في مصر عملنا زي السعوديه. وحصلنا من لوحات المرور المبالغ دي (يعني ماتطلعش للرتب والمحاسب)
مش علشان ضابط امن دوله يبقي رقمك 111
ولا محافظ تبقي عربيتك رقمها 1
ولا مدير أمن تبقي 10001

لو اللوحات دي اتعرضضت في المزاد العلني (وياما في ناس في مصر غاويه فشخره كدابه)

يبقي الشعب أولي بالملايين دي ولا لأ.
ياسيدي بلاش يقللوا الضرايب. ولا مصاريف الترخيص ولا حتي تسجيل العربيه اللي تجاوز الالف جنيه... ولا حتي يرفعوا الجمارك عن العربيات...

ابسط حاجه يحسنوا الخدمات.
نمشي علي طرق نظيفه تنفع يتمشي عليها.
مش طريق ميت غمر بنها اللي بيرصفوه بقي لهم 3 سنين...
ولا الطرق اللي يادوب بالعافيه تمشي عربيتين لازقين في بعض وعاملينها اتجاهين.
ولا الاناره اللي مش موجوده. ولا خدمات الاسعاف اللي بين الواحده والتانيه 100 كم دي لو وجدت.
ولا بنزين 80 اللي مش موجود.
ولا رسوم النظافه اللي مش عارف طلعت لنا منين.
ولا فواتير التليفونات...

لا حول ولا قوة الا بالله.