بارك الله لك , ربنا يديلك خيرها ويقيك من شرها,
التقييم هايل وموضوعى ,وكنت عاوز رأيك بصراحه فى البريليانس!!!!!
عرض للطباعة
بارك الله لك , ربنا يديلك خيرها ويقيك من شرها,
التقييم هايل وموضوعى ,وكنت عاوز رأيك بصراحه فى البريليانس!!!!!
ما شاء الله العربية ممتازة بس سعرها غالى
الف مبروك عليك العربية
بالنسبه للاخ اللى كانت عربيته بتسخن .. جرب تستعمل ( مياه خضراء )
انا عندى فى العربيه والحراره مظبوطه والحمد لله عمرها ماسخنت خالص فى اى وقت
الله يبارك فيكو يا جماعه بجد انا متشكر ليكو اوى
العربيه الحمد لله كويسه معايا جدا وبحب سواقتها جدا وانشاء الله هظبطها شويه كده على خفيف
كل اللى بيزعلنى شوارع اسكندريه المعفنه اللى بتموت العفشه بتكسرها
ماينفعش امشى 5 دقايق على بعض من غير حفره او نقره او حته نازله فى الطريق اوبلاعه او تكسير
صعبان عليا عفشه العربيه عشان عاجبانى انها مكتومه وناعمه الحمد لله
عاملين عندنا تسلق الجبال فى الشوارع والله مطبات لما بطلع عليها بيبقى وش العربيه على فووق كده وانا شايف السماااا
والعربيات ال 127 لما تطلع بترجع تانى على ورا
:d وقبل المطب العالى الارض محفوره ونازله وبعده حفر تانيه !
العربيه لذيذه معايا الحمد لله فى المناورات ... مش قصدى غرز لا قصدى مناورات بين البلاعات
عموما سور انى خرجت عن الموضوع بس انا كنت متضايق من الحوار ده وقلت اتكلم وخلاص
وشكرا لكل اللى قالولى مبروووووك انا بجد كنت عايز انزل موضوع بجد ومترتب بس لقيت ان موضوع توفير البنزين فى الجيتز ال 1600 الصراحه مش موحود فقولت هتكلم عن جيتز 1300 وهو موديل نادر نوعا ما مش منتشر فهيفتكرونى بغيظهم :p عشان كده مانزلتش :)
السلام عليكم ,
هو فى جيتز 1600 و 1300 حاليا
أصل انا بفكر أجيب العربية دى لانها جميلة ما شاء الله
شكرا علي الموضوع الرائع
thanks
all getzawiah are always welcome
كل سنة وانت طيب يا memes
انا فعلا بفكرا اجيب جيتز بس فى ناس بتزن فى دماغى علشان اجيب Gen 2 انا الصراحة محتار جدا خصوصا انى عاوز عربية اوتوماتيك ويكون سحبها كويس مع التكيف
وانا باقول شفت العربية دي فين قبل كدة...
عرفتها من صور الكورنيش... :-)
بس معرفتناش بنفسك
هى الصور مش ظاهرة ليه؟؟؟؟
ماشاء الله
تقيم اكثر من ممتاز عن العربيه :verygood:
العربيه دى احسن عربيه فى هيونداى بس للاسف مش واخده حقها
خالص من ناحيه الشهره ذى بقيت عربيات هيونداى :shine[1]:
متشكره جدا على الموضوع الرائع :B4_388:
ربنا يباركلك فى العربيه و يبعد عنك شرها
الصور مش باينة عندى؟؟
الجيتز محترمة جدا عن تجربة شخصية وافضل من الفيرنا من حيث الثبات والاستهلاك والتقفيل ولكن عيبها الوحيد ان جميع قطع الغيار غير متوفرة الا لدى غبور وباسعار مبالغ فيها جدا ولايوجد لها قطع غيار استعمال خارج او حتى جديدة الا فى التوكيل لذلك انصح من يريد شرائها بضرورة التامين عليها وشكرا
حلوة اوي صورة سلمى وهي قاعدة في شنطة العربية
هو فى من الجيتز 1300cc انا عرفت انه موديل 2003 2004 2005 كلهم 1100 انت بتقول عربيتك 1300 ممكن اتاكد من من الموضوع ده
عندى سؤال
هو صحيح الجيتز مش هتنزل تانى علشان التوكيل هينزل i20 كبديل للجيتز
بجد الموضوع جامد جدا و انتا انسان محترم جدا أه نسيت اعرفك بنفسى انا مينا من القاهرة و بحب الجتز جدااااااااااااااااااااااا اااااااااااااااااااااااا و الحمدللله حجزت واحدة أوتوماتيك بس هى حاجة واحدة بس الى خنانى :
حكاية الشنطة الى بالمفتاح بس ديه
أرجووك هل يوجد حل؟
و كمان كان عندى أستفسار :1- ماهو الاوتوموتف 2- الاسبويلر بكام و منين 3-ايه تظبيطاط تانى ممكن تتعمل فى العربية و مطلعهاش برة الضمان
الف شكر على التقييم والصور ده اول مرة اقرؤه , كان نفسى اعرف معلومات عنها
أنا سمعت عن حاجة كدة :ma(30): أن الكوتش بتاع فتحة السقف مع الوقت بينشف و يشقق و مش أمان و مع المطرة يدخل مياة معلش لو تعرف حاجة عن الموضوع دة ممكن تفيدنى :shyy:
thanks alot
هي حلوة لأنها بتدخل هوا من غير مايبقى خابط في وشك زي الشباك. و بتبقى حلوة كمان في الشتا لما الدنيا بتبقى ساقعة الصبح بتدخل شوية شمس حلوين.
و كمان لو هتجيب manual يبقى احسنلك تدفع ال الفين جنيه الزيادة عشان غير فتحت السقف, هتاخد كمان مرايات كهربة و التابلوه و الابواب من جوه فيهم plastic لونه فضي و كمان من بره المرايات و الأكر بيبقوا بنفس لون العربية.
شكرا يا باشا و ربنا يسهل أدعيلى
يا جماعة انا هستلم الجتز بكرة :36_1_34[1]::verygood:
بجد انا بشكركم كتير لانكم ساعدتونى كتير أوى :36_3_10[1]::ma(36):
و انا محتاج دلوقتى منكم انكم تسعدونى فى الاستيلام يعنى أيه هى الحاجات الى اخذ بالى منها عند :B4_444: الاستيلام؟ و بجد شكرا :B4_388:
و انشاء الله أقدر افيدكم بكل ما هو جديد عن جتز 2010
و لو عيزين بالصور كمان انا مستعد
شكرا ليك ع الشرح المبسط والانطباع الجميل
هى فعلا عربية لذيذة وتدخل القلب عالطول
لكن تغووووووووووووور من وش غبووووووووووووور
موضوع اكثر من راااائع
الهيونداى جودة تستحق الاحترام تنافس الامريكى فى بلدة
شكرا على المجهود
السلام عليكم ورحمة الله وبركاته
انا في الحقيقة اول يوم اشوف الموقع ده النهاردة وبصراحة جامد جدا
بالنسبة للجيتز فانت معاك عربية من افضل العربيات اللى صنعتها شركة هيونداي هي والالنترا موديل 2004 او الشكل ده يعني .
الكلاك ده من اكتر من مهندس صيانة في غبور والعمال اللى في الورشة كمان .
انا معايا زيها بس اسود موديل 2007 .
انت بتتكلم على عربية عاملة 6000 كيلو
انا بقى عامل 96000 لاني ساكن في القاهرة الجديدة وشغلى في الدقي
انا متفق معاك في كل حاجة عن العربية وعلى الرغم من عدد الكيلوهات اللى انا عاملها دي بس مش حاسس ان في اي فرق حصل في العربية .
نفس صوت الموتور نفس السحب ونفس القوة الحمد لله عربية هايلة اخر حاجة .
مختلف معاك بقى في موضوع الفرامل
عيبها الوحيد الفرامل وانا لبست مرة قبل كده بسبب الفرامل .
المشكلة ان العربية دي نازلة بره مصر بفرامل abs واوبشن تاني كتيييييييير بس طبعا عندنا بيشيلوا كل الكلام ده عشان العربية سعرها يرخص ومش مهم اذا كانت الحاجات دي مهمة ولا لأ .
والعيب الرهيب اللى بيسوأ ماركة هيونداي في مصر هو توكيل غبور
اسوأ توكيل عربية في مصر واسوأ خدمة .
انا عندي صور كتير لعربيتي وهي عاملة حادثة ومفكوكة والحمد لله انا عربيتي اتخبطت مرتين بس كله كلام في الصاج واتصلحت في التوكيل وربنا مايجيب حاجة وحشة تاني للجميع .
انا بس عشان لسة اول مرة استخدم الموقع ده مش عارف انزل الصور ازاي لكن هاوصل ان شاء الله
شكرا