تقرير بالصورAs Good As It Gets = Hyundai Getz

**Hesham A.Megid** · 16-01-2010 01:50 PM

المشاركة الأصلية كتبت بواسطة mina_24

أشكرك على أهتمامك يا باشا كدة فهمتنى

طب أنتا بتستفيد منها ولا لا يعنى هى حاجة فارقة فى العربية ولا عادى مش فرقة

هي حلوة لأنها بتدخل هوا من غير مايبقى خابط في وشك زي الشباك. و بتبقى حلوة كمان في الشتا لما الدنيا بتبقى ساقعة الصبح بتدخل شوية شمس حلوين.

و كمان لو هتجيب manual يبقى احسنلك تدفع ال الفين جنيه الزيادة عشان غير فتحت السقف, هتاخد كمان مرايات كهربة و التابلوه و الابواب من جوه فيهم plastic لونه فضي و كمان من بره المرايات و الأكر بيبقوا بنفس لون العربية.

**mina_24** · 16-01-2010 07:01 PM

شكرا يا باشا و ربنا يسهل أدعيلى

**mina_24** · 16-01-2010 07:36 PM

المشاركة الأصلية كتبت بواسطة hesham a.megid

هي حلوة لأنها بتدخل هوا من غير مايبقى خابط في وشك زي الشباك. و بتبقى حلوة كمان في الشتا لما الدنيا بتبقى ساقعة الصبح بتدخل شوية شمس حلوين.

و كمان لو هتجيب manual يبقى احسنلك تدفع ال الفين جنيه الزيادة عشان غير فتحت السقف, هتاخد كمان مرايات كهربة و التابلوه و الابواب من جوه فيهم plastic لونه فضي و كمان من بره المرايات و الأكر بيبقوا بنفس لون العربية.

طب اللون النبيتى ايه رأيك فيه هو مدى على برتقالى شويتين أنا السراحة عجبنى بس يهمنى أعرف رايك؟

**mina_24** · 17-01-2010 01:54 PM

المشاركة الأصلية كتبت بواسطة hesham a.megid

هي حلوة لأنها بتدخل هوا من غير مايبقى خابط في وشك زي الشباك. و بتبقى حلوة كمان في الشتا لما الدنيا بتبقى ساقعة الصبح بتدخل شوية شمس حلوين.

و كمان لو هتجيب manual يبقى احسنلك تدفع ال الفين جنيه الزيادة عشان غير فتحت السقف, هتاخد كمان مرايات كهربة و التابلوه و الابواب من جوه فيهم plastic لونه فضي و كمان من بره المرايات و الأكر بيبقوا بنفس لون العربية.

معلش يا باشا هى فتحة السقف اسليد يعنى بتتفتح كلها ولا بتترفع لفوق بس ؟ و ياريت توضيح بصور

**mina_24** · 20-01-2010 09:27 PM

يا جماعة انا هستلم الجتز بكرة
بجد انا بشكركم كتير لانكم ساعدتونى كتير أوى
و انا محتاج دلوقتى منكم انكم تسعدونى فى الاستيلام يعنى أيه هى الحاجات الى اخذ بالى منها عند الاستيلام؟ و بجد شكرا
و انشاء الله أقدر افيدكم بكل ما هو جديد عن جتز 2010
و لو عيزين بالصور كمان انا مستعد

**Youssef.Awad** · 20-01-2010 09:46 PM

شكرا ليك ع الشرح المبسط والانطباع الجميل
هى فعلا عربية لذيذة وتدخل القلب عالطول

لكن تغووووووووووووور من وش غبووووووووووووور

**raedegypt** · 24-02-2010 06:39 AM

الهيونداى جودة تستحق الاحترام تنافس الامريكى فى بلدة

**mohie777** · 09-03-2010 07:22 PM

شكرا على المجهود

**mada_76** · 11-03-2010 03:54 PM

السلام عليكم ورحمة الله وبركاته
انا في الحقيقة اول يوم اشوف الموقع ده النهاردة وبصراحة جامد جدا

بالنسبة للجيتز فانت معاك عربية من افضل العربيات اللى صنعتها شركة هيونداي هي والالنترا موديل 2004 او الشكل ده يعني .
الكلاك ده من اكتر من مهندس صيانة في غبور والعمال اللى في الورشة كمان .
انا معايا زيها بس اسود موديل 2007 .
انت بتتكلم على عربية عاملة 6000 كيلو
انا بقى عامل 96000 لاني ساكن في القاهرة الجديدة وشغلى في الدقي
انا متفق معاك في كل حاجة عن العربية وعلى الرغم من عدد الكيلوهات اللى انا عاملها دي بس مش حاسس ان في اي فرق حصل في العربية .
نفس صوت الموتور نفس السحب ونفس القوة الحمد لله عربية هايلة اخر حاجة .
مختلف معاك بقى في موضوع الفرامل
عيبها الوحيد الفرامل وانا لبست مرة قبل كده بسبب الفرامل .
المشكلة ان العربية دي نازلة بره مصر بفرامل abs واوبشن تاني كتيييييييير بس طبعا عندنا بيشيلوا كل الكلام ده عشان العربية سعرها يرخص ومش مهم اذا كانت الحاجات دي مهمة ولا لأ .
والعيب الرهيب اللى بيسوأ ماركة هيونداي في مصر هو توكيل غبور
اسوأ توكيل عربية في مصر واسوأ خدمة .
انا عندي صور كتير لعربيتي وهي عاملة حادثة ومفكوكة والحمد لله انا عربيتي اتخبطت مرتين بس كله كلام في الصاج واتصلحت في التوكيل وربنا مايجيب حاجة وحشة تاني للجميع .
انا بس عشان لسة اول مرة استخدم الموقع ده مش عارف انزل الصور ازاي لكن هاوصل ان شاء الله
شكرا