ربنا يباركللك فيها ويديك خيرها ويكفيك شرها
عرض للطباعة
ربنا يباركللك فيها ويديك خيرها ويكفيك شرها
انا اللى بشكر حضرتك لزوقك والحمد لله ان الموضوع عجبك
وطبعا مفيش رد أقوله بعض رد صديقى tarekkasaby
بس انا للامانه عايز اقول حضرتك ان هينزل موديل جديد بنفس الحجم والمواصفات والماتور اسمه i20
http://www.postimage.org/aV20lnTS.jpg
http://www.postimage.org/Pq1_tbEi.jpg
http://www.postimage.org/aV20lxSr.jpg
انا ببعت لحضرتك الصور ديه للامانه عشان اكون صريح معاك (لان فيه زميل فى منتدى كيا شجعوه واستعجل فى شراء كيا سيراتوا الشكل القديم ولما نزل الشكل الجديد زعل جدا )
فلو حضرتك مش مستعجل وعايز تستنى فهى نزلت بره ومش عارف غبور هينزلها مصر امتى و بكام؟
لكن لو انت زى حالاتى عاشق للجيتز فاتفرج على الحقيقه وقرر(وان شاء الله مش هتندم ابدا لو اخترت الجيتز)
الجيتز عربيه فوق الممتازه وميعيبهاش نزول الi20ابد اولا لان انتاجها مش هيقف وثانيا لان ليها شخصيه مستقله واسم مستقل يعنى مش هتبقى راكب جيتز الشكل القديم لأن هو ده اخر شكل ليها
و هى بشكلها ده وجمالها ده ساحرانى وانا عن نفسى كنت عارف بالi20لكن الجيتز متربعه فى قلبى ومتغيرش رأى فيها والحمد لله اشتريتها وما شاء الله مبسوط بيها جدا
و ربنا يوفقك لكل خير
http://www.postimage.org/Pq1_AtBA.jpg
يا جماعه انا متاسف جدا لو اتاخرت فى الرد هكون مشغول لمده 48 ساعه
عفوا:shyy:
السلام عليكم و رحمه الله و بركاته
انا فعلا كنت عارف بموضوع ال اى 20 و عارف انها نزلت بره بس لشه شايف ان الجيتز عربيه ممتازه و روحت فعلا غبور فرع عمارات العبور فى القاهره و سالت على نظامها ايه و نظام القسط بس للاسف كنت بليل و مكنش فيه منها متاح اتفرج عليها من جوه و اركبها جوه بس كفايه تقرير حضرتك عنها ماشاء الله جميل و كمان و انا هناك المبيعات حاولت تف\قنعنى بالنيو اكسنت و دى كانت هناك و فتحتها و شوفتها مع انى بحب الهاتشباك بس انت عارف بقى العائله و الاحتياجات العائليه للسياره و فرقهم حولى 4500 جنيه عشان النيو اكسنت ب 77000 الف و عربيه ما شاء الله جميله و بصراحه انا احترت تانى يعنى عاطفتى و حبى للهاتشباك بيقولوا جيتس و العقل العائلى بيقول نيو اكسنت و حاولت اعمل مقارنه بالذات فى قطع الغيار و الاداء بس مش لاقى مقارنات تهدينى مين الاحسن و خصوصا انا هبيع عربيتى الحاليه عشان احطها مقدم و طبعا مش عاوز اتكلم فى بيع الا لما ارسى على حاجه و استلم بعد فتره صغيره طبعا عشان مش هينفع نقعد من غير عربيه فى البيت كتير فايه رايكم اجيبها من غبور و التسليم اكيد هيتاخر و لا اشوف معرض بس الناس مقلقانى من المعارض ايه رايك حضراتكم ؟ عشان كمان فى غبور قالى ان الشحنه لما بتخلص خصوصا فى العربيات دى عشان كورى بنستنى لما مركب تانيه تيجى و دفعه جديده توصل و بعدين نبقى نسلم و طبعا ده بياخد وقت ولا انا غلطان ؟ ياريت لو حد عنده رد على استفساراتى دى يفيدنى .
و شكرا مره تانيه لحضرتك و لكل من اهتم بكلامى و رد عليا و ربنا يباركلك فى عربيتك و يحافظلك عليها و يكفيك شرها و يعطيك خيرها ان شاء الله .