بولو هاتش باك (أسباني) X تيدا هاتش باك (ياباني) ... أيهما أختار .. ولماذا ..؟؟

**maluka** · 16-04-2009 01:41 AM

اشكر الجميع على الاراء و الإضافات الرائعه_
وانا فعلا كنت قد قررت عمل الأتي :
تيدا هاتش باك اتوماتيك فل ابشن ب119 الف _ الون احمر والفرش اسود وهركبلها كشافات ضباب _
هجيبها من السبع الي في شارع الحريه_ هناك واحد اسمه احمد طه قالي ممكن يخفضلي في السعر _ مش عارف اتفاوض على كام؟ _
هل من نصائح مهمه بخصوص عمليه الشراء؟
وشكرا لكم مره اخرى _

**abou_ruqi** · 16-04-2009 12:50 PM

المشاركة الأصلية كتبت بواسطة maluka

اشكر الجميع على الاراء و الإضافات الرائعه_
وانا فعلا كنت قد قررت عمل الأتي :
تيدا هاتش باك اتوماتيك فل ابشن ب119 الف _ الون احمر والفرش اسود وهركبلها كشافات ضباب _
هجيبها من السبع الي في شارع الحريه_ هناك واحد اسمه احمد طه قالي ممكن يخفضلي في السعر _ مش عارف اتفاوض على كام؟ _
هل من نصائح مهمه بخصوص عمليه الشراء؟
وشكرا لكم مره اخرى _

لو مش حتفرق معاك الـ ٨ آلاف هات "الفول اوبشنز البلس" حتفرق كتير قوي في الاوبشنز

**tata12001** · 16-04-2009 01:19 PM

ياباشا إن شاء الله ربنا يوفقك للي في الخير، وإن شاء الله تبئة سعيد بيها ويديك خرها ويكفيك شرها.
بس إبئة قولنا رأيك إن شاء الله بعد ما تجبه.

**maluka** · 16-04-2009 05:14 PM

المشاركة الأصلية كتبت بواسطة abou_ruqi

لو مش حتفرق معاك الـ ٨ آلاف هات "الفول اوبشنز البلس" حتفرق كتير قوي في الاوبشنز

الصراحة ياباشا انا مش محتاج من الفل ابشن غير الفوج لايت .. وده الي هركبه لوحده .. انما 6 سي دي و جنوط والكلام الباقي رفاهية بالنسبة لعائلة ..

المشاركة الأصلية كتبت بواسطة tata12001

ياباشا إن شاء الله ربنا يوفقك للي في الخير، وإن شاء الله تبئة سعيد بيها ويديك خرها ويكفيك شرها.
بس إبئة قولنا رأيك إن شاء الله بعد ما تجبه.

أشكرك يا زوق على كلامك الجميل ده .. وإن شاء الله اول لما أجيبها هعمل تقرير و أشرح كل حاجة ايجابية او سلبية ..

ادعيلي بس مأغيرش رأيي أكتر من كده .. احسن ده انا شوفت عربيات كتير قوي لحد اما استقريت على دي ..

شوفت اول حاجة ال أفيو هاتش باك 5 .. بس صغيرة .. متور لانوس .. والناس بتقول بتزود بنزين لوحدها .. وعزمها ضعيف جدا بالنسبة للتيدا
وشوفت السوزوكي سويفت .. بس قطع الغيار نار .. وصغيرة ..
وكمان المازدا 2 .. تحفة فنية بس السيد الوالد معترض على المازدا .. انتهى الكلام؟
لسه بقه من يومين الجماعة شافوا الهوندا سيتي الجديدة .. وهيموتوا عليها -وانا كمان الصراحة-.. كل حاجة فيها جامده .. بس التيدا أعلى سنتي ونص .. ربنا يستر ..