السلام عليكم ورحمة الله وبركاته
ما رأيكم يا جماعة فى تركيب قفص حماية فى سيارة ركوب عادية، هل فعلا سيوفر حماية فى حالة الحوادث، ويا ترى حد يعرف متوسط وزنه بيكون أد إيه، يعنى هل هيمثل حمل كبير على موتور السيارة؟
عرض للطباعة
السلام عليكم ورحمة الله وبركاته
ما رأيكم يا جماعة فى تركيب قفص حماية فى سيارة ركوب عادية، هل فعلا سيوفر حماية فى حالة الحوادث، ويا ترى حد يعرف متوسط وزنه بيكون أد إيه، يعنى هل هيمثل حمل كبير على موتور السيارة؟
انا رأى انه ملوش اى لزمة للسيارات ذات الأستخدام الطبيعى
هو مفيد فى العربيات الرياضيه
و من عيوبه لو ركبته فى عربيه للاتسخدام العادى هتاخد مساحه كبيره من المقصوره
دا غير انه غالى جدا لو نوع اصلى و نادى انك تلاقيه بيتباع فى مصر
الافضل اننا نبقى حريصين فى القياده و منمشيش بسرعه كبيره
خطر جدا انك تركب roll cage فى عربية للأستخدام اليومى !....طبعا مفيش حد هيلبس خوذة كل ميركب العربية. تخيل لو حادثة حصلت و الراس مش متغطية بحاجة....
كمان مفيش ركاب هينفع انهم يركبوا ورا فى الكنبة.
شكرا للأخوة الأفاضل الذين ساهموا بالرد، واسمحولى اتناقش معاكم:
1- أعتقد إنه حتى مع الحرص فى القيادة والالتزام بالسرعات المقررة فإن خطر الحوادث غير مستبعد، ومع افتقار معظم سيارات الركوب فى الفئة المتوسطة والأقل منها لمعظم وسائل الأمان يبقى من المنطقى محاولة تعويض هذا الأمان المفتقد.(الموضوع اللى أرسله Drift_Lover والخاص بصور حوادث من مصر كان فيه شوية صور كان فيها عربيات طلعت فوق عربيات تانية).
2-عيوب الفكرة - اللى فهمتها - هى:
صعوبة أو استحالة الحصول على واحد فى مصر. (طيب هل مش ممكن يتصنع هنا، معلش تفكير ساذج شوية)
صعوبة استخدام الكنبة الخلفية. (مالهاش حل دى فعلا).
3- العيب الذى لم أفهمه: خطورة القيادة دون خوذة (طيب ما هو دلوقتى اللى فى السيارة هيكونوا رابطين الأحزمة، يعنى مفروض نظريا إنهم مش هيصطدموا بالأعمدة لو العربية اتقلبت)
بالنسبة لنقطة رقم 3... الوضع اللى شرحتة دة مش حيحصل الا مع حزام امان زى بتاع عربيات السباق اللى بيبقى مكتف السواق تماما فى الكرسى 4 point seat belt
http://www.socalevo.net/gallery/albu...5-0544_IMG.JPG
انما حزام الامان بتاعنا دة بيسمح بحركة كبيرة للجزع و بالتالى ممكن راس الركاب تخبط فى الرول كيدج و تسبب اصابات خطيرة 3 point seat belt
http://automobiles.honda.com/images/..._belt_pret.jpg
MMamdouh
هو انت هتدخل بيها سباق فورميلا1 ولا اية مكلفة وغير كدة انت المفروض راكب عربية سيدان 5راكب مش عربية سباق
مع احترامى لرغبتك
MMamdouh
I couldn't have said it better myself
هي فكره حلوه بس صعب التنفيذ
خلاص يا جماعة المحكمة تنورت،
جزاكم الله خيرا على الإفادة، أنا كنت فاكر إن الموضوع ده ممكن يعوض نقص عوامل الأمان، لكن واضح بناء على كلامكم إنه ممكن يؤدى لنتائج عكسية. يبقى نصرف نظر عنه ونشوف حاجة تانية.
ولا صعب التنفيذ ولا حااجة في ناس كتير قوي عملنها
ودة عربية سوزوكي هاتشباااك من القاهرة
[IMG]http://www.postimage.org/Pq1BEXYS.jpg[/IMG]
ودة عربية تيجرا من المنصورة
[IMG]http://www.postimage.org/Pq1BGghA.jpg[/IMG]
يا باشا جزاك الله خيرا على المشاركة اللى ممكن تحيى الفكرة من تانى،
لكن فعلا الصور واضح فيها إن الكنبة الخلفية خرجت من الخدمة.
السؤال دلوقتى هل الكلام ده مصنوع فى مصر (شكل المواسير غريب شوية يدى انطباع إنها جاية من برة وتم تجميعها هنا)،
حاجة كمان: هل فوائد تركيب النظام ده أكثر أم أن أخطاره أكبر؟؟
اكيد فية ناس كتير بتعملهم في الحرفيين
كده كده الراس بتتخبط فى القائم الى جنبها فى معظم الحوادث حتى مع لبس الحزام (العادى بتاعنا)
هو اساسا اسمه roll-over cage و فى برضه roll-over bar
ال cage استخداماته فى عربات السباق لحماية السائق و الملاح فى حالة ان العربيه اتقلبت
انما ال bar بيركب فى العربيات ال 4x4 كجزء من ال off-road package برضه للحمايه فى حالة استخدام العربه فى طرق غير ممهده (مفيش اسفلت بس مش فى السباقات, لازم cage فى السباقات) و المفروض يكون معاه 2 كاوتش استبن مش واحد كجزء من ال off-road package و المفروض برضه عدد طفايات الحريق متناسب مع السعة اللتريه للمحرك يعنى طفايه بودره واحده متنفعش فى شيروكى 4.0L لازم 2 طفايه الواحده 2ك و مننساش ان اى حاجه فى العربيه لازم تكون مربوطه و ثابته no loose objects علشان ساعة الحوادث بتكون هى ده الحاجات الى بتسبب اصابات الراس
و علشان كده لازم كل الى راكب يكون رابط الحزام خصوصا الركاب الى فى الكنبه ورا
و برضه مش اى حد الى يعمل ال cage او ال bar لان الحاجات دى بتكون من معدن مخصوص و ليها طرق هندسيه فى التثبيت علشان متركبش حاجه زى كده فى weak point فى العربيه
و ال cage اللى فى الصوره ده ناقص الجزء اللى بيكون داخل فى التابلوه و حولين الزجاج الامامى
يعنى يا جماعة لو حبينا نعمل تحليل لفوائد وأضرار تركيب مثل هذا القفص (من ناحية رفع درجة الأمان عند انقلاب السيارة) هل ممكن تتفوق الفوائد على الأضرار؟ أم أن خطر اصطدام رأس الركاب بأعمدة القفص يلاشى أى فائدة (مع ملاحظة أنه بدون وجود القفص فإن الانقلاب قد يؤدى لانضغاط السقف كليا أو جزئيا)، وكمان مع ملاحظة أن القفص الذى يمكن تركيبه عند سمكرى مش هيكون فى نفس كفاءة الأقفاص المصنعة خصيصا فى الخارج، الموضوع كله هيعتمد على التقديرات النظرية لأماكن تركيب الدعامات.
finally, can we find a qualified center or person that can make such rollings here in egypt...?!!
بص يا باشا اكيد اكيد لو انت ركبته هتستفاد منه و انا بشوف عريات عاملاه في مصر و فيه bmw بشوفها في الكوربه بمصر الجديده بشوفها و صاحب العربيه عامله و هو فعلا محدش ينفع يركب ورا و لكن كفايا ان لو العريه لاقدر الله اتقلبت انت ممكن تخرج سليم بس انا شايف نا اللي يركبه يبقي شاب و مش فارقه معاه الكنبه الخلفيه و يكون بتاع جري و كده لان بصراحه لو عربيتي فيها كده هجري بقلب و العربيه اللي بقولك عليها دي هو مظبطها زي عربيات السباق
ورشة الديري في البساتين بتصنع رول كيدج لكل السيارات
ٍبحان الله كنت لسا بفكر في الموضوع ده وعايز اعرف ممكن يتعمل ولا لأ بس انا شوفت واحد بتاع هوندا عامله من غير ما يشيل الكنبه اللي ورا وبصوا علي الصور اهه
http://img7.imageshack.us/img7/2220/...ddaycivic5.jpg
ودي صورة للشنطه
http://img214.imageshack.us/img214/5...ddaycivic6.jpg
بس عايزين حد يكون استاذ في الحاجات دي عشان يعرف يفيدنا اذا كانت تنفع بالطريقه زي اللي في الصور دي ولا لأ
ٍبحان الله كنت لسا بفكر في الموضوع ده وعايز اعرف ممكن يتعمل ولا لأ بس انا شوفت واحد بتاع هوندا عامله من غير ما يشيل الكنبه اللي ورا وبصوا علي الصور اهه
http://img7.imageshack.us/img7/2220/...ddaycivic5.jpg
ودي صورة للشنطه
http://img214.imageshack.us/img214/5...ddaycivic6.jpg
بس عايزين حد يكون استاذ في الحاجات دي عشان يعرف يفيدنا اذا كانت تنفع بالطريقه زي اللي في الصور دي ولا لأ