الحمد لله انها جت سليمه...ازيكم ياشباب
تجربه علي السريع حبيت احكيلكم عليها
امبارح بعد مارجعت من الشغل ركنت العربية ( تويوتا ياريس اسود ) امام البيت وعلشان انا كنت ناوي انزل علي طول سبت العربيه مكشوفه من غير غطاء ويدوب غبت فوق ربع ساعه ونزلت لقيت الصاعقه واحد ابن تييت يظهر معجبوش شكل العربية راح بمسمار علي ما اظن عملي اربع دواير من الحجم الكبير علي الاربع ابواب تصورو علي البيبان كلهم كل باب عليه اربع دواير فنان ابن ستين المهم طبعا مش هتتخيلوا حجم العكننه والله جالي صداع
المهم علي طول رحت غسلت العربيه في المغسله وطبعا الدواير بانت اكثر لما اتغسلت
ورحت لواحد بوهيجي بتاع دوكو معرفه قالي ولا تزعل هضيعهملك قلتله ازاي انا مش عاوز احط بويه علي العربيه قالي لا روح هات كيس قطن وعلبه كمبون وعلبه بولش روحت جبتله الطلبات دي ب 8 جنيه وقالي سيبلي العربيه بصراحه انا خفت ليعمل حاجه وبعدين نزعل من بعض قلتله لا انا قاعد معاك المهم كان الكلام ده الساعه 3 العصر مسك الكمبون ودعك بيهم الدواير وفضل يدعك بالكمبون والبلش في العربيه لغايه المغرب وبعدين جاب جاز ودعك الدواير وبعدين بلش العربيه كلها تصورو الحمد لله الدواير اختفت والعربيه رجعت زي الاول كانها طلعه من التوكيل بس قالي الموضوع ده مش هينفع يتكرر تاني وتصورو خلص العربية بعد العشاء تقريبا الساعه 8 مساء قلتله عاوز كام قالي 50 جنيه يعني القصه كلفتني 58 جنيه
والحمد لله علي كل حال
حبيت احكيلكم التجربه المره سلام:b4_388:
بس تلميع العربيه ب 20 جنيه مش 50
المفضلات