المشكلة إنك لما بتدور على الغالى بتلاقى المضروب يعنى لو كنت من الأول رحت جبت بوجيهات ب 25جنيه وغيرتها أول بأول يعنى كل 10000 مثلا هيكون أحسن..
المشكلة إنك لما بتدور على الغالى بتلاقى المضروب يعنى لو كنت من الأول رحت جبت بوجيهات ب 25جنيه وغيرتها أول بأول يعنى كل 10000 مثلا هيكون أحسن..
الفكرة مش إني أكون عارف إنه مضروب واشتريه لأن ساعتها دي حتكون حاجة بمزاجي
الفكرة إن ده جشع وسرقة وخيانة أمانة وأسوء صفات ممكن تكون في أي بني آدم قبل ما يكون تاجر..
أنهي دين يقول كده؟
أنهي شرع يقول كده؟
أنهي قانون يقول كده؟
كفاية غش، أروحنا مش ببلاش
كفاية غش فلوسنا مبنلاقيهاش في الهواء ولا على الرصيف
بنتعب وبيطلع عنا علشان نجيب الفلوس الي تعيشنا بالعافية وكمان يجيي مصاصين دماء يخدوا دمنا....كفاية بقى حرام بجد
تروح تجيب فلتر زيت يقولك أصلي وهو مضروب ويبوز سبيكة العربية
تجيب فلتر بنزين يقولك أصلي يطلع مضروب ويحرق طرمبة البنزين
تجيب بوجيهات تيل فرامل كبالن.........................
القائمة كبيرة وطويلة
لو كانت ثقافة الشعب مبنية على الأصلي بس وعلشان كده التجار بيغشوا كنا نقول ماشي
بس الجزء الأعظم بيشتري البديل يبقى متضحكش عليا بقى كفاية بجد
تيل الفرامل ده واقف جملة على التاجر بـ 25 جنيه (التيل الآتي المضروب)
بيضة المقص بتاعة الجولف 4 المضروبة تمنها 65 جنيه
طقم سيور كاتينة (16 صباب) في علبة أصلي ومكتوب علية صناعة ألمانيا بـ 90 جنيه
يا جماعة إصحوا بجد، إلي بتدفعوه قليل انهاردة حيخليكوا تعيطوا بدل الدموع دم بكرة...
أشرف الشهابي مش صاحبي ولا حبيبي ولا أي حاجة.... دا راجل محترم جداً وباخد رأيه في كل حاجة متعلقة بشغلي في العربيات أو أي حاجة باجبها لعربيتي....
الراجل أول مرة أسقط موتور في العربية قالي حرام تدفع فلوس علشان تزود العربية 25 حصان مش حتاخدهم علشان ظروف التشغيل الغير مناسبة، هو خسران إيه مكان يقولي سقط وخلاص بس نصحني
من فضلكم أرجوكم بجد كل واحد عنده أي معلومة عن محل أو قطعة غيار مضروبة يشارك....
شارك علشان فلوسك مش رخيصة
شارك علشان تعبك مش رخيص عليك
شارك علشان نغير الصورة وتساعد نفسك وغيرك وتاخد ثواب
شارك لأن ثقافة الفهلوة استفحلت في المجتمع المريض ده
شارك علشان نحط نقطة نهاية علشان نحط خط رجعة علشان نعرف إحنا نتحكم في السوق ومنسبش السوق يتحكم فينا
الموضوع مش علشان أصحاب الفولكس، الموضوع للجميع
من فضلكم كفاية سلبية، فلوسك الي ضايعة في الهواء ربنا حيسألك عليها، إبنك أولى بيها بيتكم محتاجها، صحتك عايزها سفرك سعادتك أمان مستقبلك حاجات كتير أوي ممكن تستغلها فيها
آسف لأني طولت عليكم بس بجد محروق
الواحد بيكره العربية بسسب قطع الغيار وساعات بيفكر يجيب عربية جيدة أول بأول..
انت الموضع حصل معاك ولا مع حد من أصحابك
الموضوع محصلش معايا لأني بتعامل مع واحد بس في قطع الغيار ولما بحب اجيب حاجة كبيرة بجيبها عن طريق إيطاليا وبرضو بتبقى أصلي
الفكرة إن حرام ننام على ودانا وغيرنا بينهش في لحمنا
حرام أنا اتعب واعرق وابعد عن بيتي وولادي وغيري ياخد مجهودي
سؤال بسيط...
انت بتلاقي الفلوس في الهواء ولا حد بديهالك ولا بتطلع عينك علبال متجبها؟
أكيد آخر اختيار، يبقى مش حرام حد ياخد مجهودك ويخطف سعادتك ومش بعيد تكون الفلوس دي بتشتري بيها حاجة تقضي على عربيتك ولا قدر الله تعرض حياتك أو حياة أقرب الناس ليك للخطر؟؟؟
لو أنا غلطان..قولي وانا مستعد اعتذر للناس الي شاركوا واحد واحد ومتكلمش تاني
بس لو أنا صح...يبقى غير حساس الحرارة أبوس إيدك وقولي النتيجة إيه :36_3_10[1]:
حبيب قلبى والله أنا جبتو بس مش فاضى أغيرو والله المهم بس أنا عايزك تقراء الموضوع الى كتبته وقولى رأيك أيه فى الحوار دا هو الموضوع أسمو حاجه غريبه وعجيبه
هو لو حسبناها براحه هنلاقى نفسنا بندفع ثمن الأصلى فى المضروب على مراحل فى حين ان لو جبنا الأصلى من الأول هنريح دماغنا وهنوفر فلوس كمان بس بصراحه مش هكدب عليك فى حاجات مابنقدرش نجيبها أورجينال زى مثلا موضوع المساعدين مكدبش عليك مش هقدر أدفع 3000 جنيه فى الطقم
على فكر ه كوفاب حلو ركبتو مريح العربيه ولونى أنا عارف أ، الأصلى هيبقى أحسن
يا محمد أنا مبتكلمش على مساعدين
أنا بتكلم على حاجات تانية تودي الناس سكة الي يروح ميرجعش
طيب مانا قولتلك قبل كده اني جبت كبالن داخلية أصلي ودفعت مبلغ محترو على الرغم من إني جبت قبلهم 4 اجواز استيراد معاشوش بالرغم من إنهم أصلي!!!
الشهابى .... الشهابى ... الشهابى
يا جماعة ده مش اعلان لكن زى ما عاوزينا نقول على التجار اللى بيغشونا لاوم نذكر التجار الثقة اللى تشترى منهم الحاجة و انت مغمض و ماتسألش عن اى حاجة فيها
ياريت نعمل جروب ونعلن عن اى محل بيبيع قطع غيار مضروبة