حملة كفاية غش - دليل لقطع الغيار المزيفة وبتتباع عند مين
السلام عليكم ورحمة الله وبركاته،
معلش يا جماعة أنا مش حقترح عليكم موضع لأ أنا حبتدي موضوع وطبعاً بطلب منكم كلكم المشاركة الفعالة لوضع حد للتسيب والتزييف الي ملئ الدنيا وبقينا فعلاً نقول على المضروب أصلي والأصلي مضروب..
حبتدي انهاردة بالبوجيهات...
أرجوكم إحذروا... بوجيهات فولكس الأصلية تصنيع Ngk أو بوجيهات Ngk كلها كعب البوجيه لونه ألومنيوم
المضروب بنفس التفاصيل بنفس العلبة والطباعة بس لون كعب البوجيه نحاسي
أي كعب بوجيه نحاسي اللون إعرف وانت مغمض انه مضروب
طيب طقم البوجيهات المضروب بيوقف على التاجر بكام؟ ثمنه 20 جنيه!!!!
والبهاوات بيبعوه بـ 150 جنيه
حديثاً قامت شركة Ngk بتغيير لون علبة البوجيهات والتصميم الخارجي لمكافحة التزييف... مع نشر بعض من المواصفات التي توضح الأصلي من المضروب
وهي على سبيل المثال لا الحصر
1. وجود مادة تشبه البودر عند التقاء الجسم السيراميكي للبوجيه مع كعب البوجيه المعدني (البوجيه الأصلي فيه المادة دي) والمادة دي عاملة زي الدقيق كده او الجبس وهي وظيفتها زي الجوان العازل للاحتكاك بين السيراميك والمعدن. البوجيه المضروب مفيهوش المادة دي.. وإخوانا الي بيحيبوا يتفزلكوا لما بيشوفوا المادة دي بيقولوا البوجيه واخد رطوبة!!!!
2. لو كعب البوجيه الأصلي فضر ألمونيوم
3. البوجيه المضروب أقصر
وحاجات تانية كتير
ياريت يا جماعة أي حد بيشتري ويلاحظ حاجة من الحاجات دي يقول على طول على اسم التاجر علشان نعمل حملة ضخمة عليهم ونكشف الزييف الي ملئ الدنيا
يلا نغير الزييف ونعدل الدنيا - كفاية غش