رحله الى سوق السيارات الجمعه9\4\2009

**faron525** · 11-04-2009 06:07 PM

بجد تجار السيارات المستعملة دول معظمهم نصابين وبياعين كلام وبالذات في سوق الجمعة

**memobeeh** · 11-04-2009 07:11 PM

والله عندكم حق..للأسف لم يعد مكان في هذا البلد سوى للنصابين والحثالة الذين يبخسون الناس أشياءهم ولو كالوا على الناس يستوفون اما اذا كالوهم أو وزنهوهم ينقصون..ربنا يرحمنا جميعا

**medhatamr** · 11-04-2009 08:47 PM

ادعى معانا ويخرج للنور قرار فتح الاستيراد للمستعمل 3 سنوات للقضأ على الاحتكار و شوف وقتها الاسعار هتنزل 50% على الاقل فى سوق السيارات المستعملة والجديدة.

**kayson** · 12-04-2009 10:55 AM

انا كمان كنت فى السوق الى اصبح مقبرة للسيارات و كل الالى شوفتوا نظيف محافظة الدقهلية و كل السوء اصبح تجار الا واحد او اثنين و فى تجار بينزلوا اعلانات على النت بصور العربيات فى موقع 000 000 ودول انا شوفتهم فى السوق احذر السوق الا لو كان معاك صانيعى تعرفة و تكون متاكد منه للانه ممكن تاجر يحاول يغويه و يولبسك فى الحائط وده كان هيحصلى لولا الصنايعى الى معايا معرفة جامدة احذروا من السوق الى اصبح تجار من المحافظات.

**eg_falcon** · 12-04-2009 11:46 AM

المشاركة الأصلية كتبت بواسطة medhatamr

ادعى معانا ويخرج للنور قرار فتح الاستيراد للمستعمل 3 سنوات للقضأ على الاحتكار و شوف وقتها الاسعار هتنزل 50% على الاقل فى سوق السيارات المستعملة والجديدة.

عفوا ايه حكاية القرار دا انا اول مرة اسمعه من حضرتك لو حد عنده فكرة يا ريت يفيدنا

**Drift_Lover** · 12-04-2009 08:27 PM

المشاركة الأصلية كتبت بواسطة نور القمر

انا كمان لسه راجعه من هناك وملقتش حاجة كويسه
والكويس رافعين سعره كأنها اسعار سنه فاتت
وكان ابن عمي هناك واشرى لانوس 1 بصراحة سكة وتقرف ومغلوب فيها والمصيبة الاكبر انها من تاجر و4 توكيلات
مش فاهمة اللي كانوا معاه ازاي وافقوه عليها

على سبيل المثال للتضارب اكسيل م 97 راشة الحوض مع تاجر يقول 40 الف
اكسنت 2000 راشه الحوض 33 الف

عربيات اكسيل كذا واحدة دوكو وسمكرة بشع اي حد مش بيفهم في العربيات هاتلفت نظره انها وحشة كلهم فوق ال 35
معرفش التجار دول فاكرين الناس هبل ولا ايه
مفيش حركة بيع ولا شراء نهائي

للاسف العربيات اللي عجبتني كانت مشكلتي معاها يا اما في اللون او من محافظة بعيدة

وياتري اشتراها علي كام يا نور... ؟؟

**نور القمر** · 12-04-2009 08:46 PM

المشاركة الأصلية كتبت بواسطة Drift_Lover

وياتري اشتراها علي كام يا نور... ؟؟

موديل 2000 على 40 الف
وراشة جزء من الحوض يمين السواق والفرش الداخلي مش نضيف
هي بس مرشوشة من برة وشكلها كويس

**Drift_Lover** · 12-04-2009 08:49 PM

لانوس 1
راشه جزء من الحوض.
فيها 4 توكيلات.
والفرش الداخلي مش نضيف (الحاله العامه مش أد كده )

و 40 الف...
طبعآ كتير جدآ علي انها راشه جوا..

شكرآ علي المتابعه يا نور