عرض للطباعة
وانا راجع من السفر النهارده لقيت العربيه حصل فيها حاجه غريبه جدا ألا وهى أن عداد الكيلومتر يصفر لوحدو والساع تعمل ريست على الساعه 12 ولمبه البطريه ترعش طبعا كل دا حصل فى أقل من الثانيه وحصلت معايا مرتين تعتقدو دا ممكن يكون أيه لحسن أنا الموضوع دا جنينى هل ممكن يكون شحن زياده من الدينمو ولا نتيجه ضعف كتاوت الدينمو
ممكن سلك البطارية يكون مش راكب كويس وبيتهز
اولا انت هتكشف على الكتاوت عند اى كهربائى
ثانيا انت عتغير الاطاشات وثمنهم حوالى 5 جنية كدة يعنى
لو ماتعرفهمش ةدول الى هما بيبقو على البطارية الى متوصلين بالموجب والسالب بتوعها
دى حتى تبقى عيبه فى حقى ياراجل أنى مكنش رأعرف الحاجات البسيطه الى بتتكلم عليها دى ياراجلاقتباس:
المشاركة الأصلية كتبت بواسطة Fadi Ezzat
وطبعا مشكور جدا لردك
الموضوع دا خطير جدا و ميتسكتش عليه لان ممكن يكون عندك قفلة او سلك ملمس او ارضى بيهرب شوف كهربائى كويس يكشفلك على الكلام دا علشان ميحصلش لا قدر الله حاجة وحشة
http://www.postimage.org/aV1H243S.jpg
أكيد سلك مهرب..
حمد الله على السلامه ياراجل قلقتنا عليك
السلام عليكم يا محمد باشا
ان شاء الله خير ولا تقلق ولكن يجب انك تاخد قرار سريع في الموضوع ده .
انا حصلي نفس اللي حصل معاك مرة برده الأسبوع الماضي وسببه ان فيه اي توصيلة أرضي في دفيرة كهرباء السيارة بتعلق لأن اي وصلة أرضي سواء في جسم المحرك أو في الدينامو أو في كابل الأرضي للبطارية أو حتي لو فكيت وش مفاتيح التكييف اللي في التابلوه ومش متربط عليه كويس هتلاقي المشكلة دي تظهر لأني جربتها بنفسي والعربية واقفة وسبب ذلك أن كنترول السيارة واخد اشارات مختلفة ومسيطر علي كل أجزاء ومكونات السيارة وبالتالي كل الحاجات دي الأرضي بتاعها واصل تولي ورا بعضها أو ممكن نقول معظمها وعند حدوث خلل في أي وصلة تؤدي الي وقوع أرضي كل إشارات الكنترول وكذلك سقوط الجهد علي كنترول السيارة وبالتالي ضياع كل الداتا اللي مسجلها زي الساعة وعداد الكيلومتر الصغير وكده يعني .
معلش طولت عليك في الكلام لكن اعلم ان منظومة عمل السيارات الحديثة كلها هي منظومة موحدة الكترونيا وكهربيا واي خلل في اي جزء منها كان صغير او كبير بيؤدي الي خلل وسقوط المنظومة بأكملها ويارب أكون أفدت بشيء لإخواني اللي مش عارف ارد اي حاجه ليهم
وشكرا
ويارب أكون أفدت بشيء لإخواني اللي مش عارف ارد اي حاجه ليهم
أنت نورت المحكمه يايهاب هو فى حاجه ممكن تتقال تانى بعد الأفاده الكبيره دى
وعيب يارجل الى انت بتقولو دا أحنا أخوات وربنا يديم المعروف والود ما بينا
أنا فعلا فى حاجات متوصله كده أنا شاكك فيها بأذن الله هروح للكهربائى بتاعى أخليه يارجعلى الموضوع دا تانى
الله يكرمك يا محمد ويجزيك وكل أخوانا في المنتدي كل الخير وياريت تبقي توافينا بالجديد عن اي موضوع دائما واحنا في الخدمة لو نقدر نقول اي حاجه
انا ياجماعه نزلت الكهربائى النهارده من الأجازه وخليتو فتح الورشه طبعا هو مايقدرش يقولى لأ لأنو حبيبى قوى وجدع قوى وأبن بلدقوى المهم فكينا البطاريه بتاعت العربيه وفك كابل الأرضى والعمومى وبداء يدور على مكان يكون مهرب كهرباء المهم مسك الكابلات دى وقعد ينضف فيهم كويس وينضف المكان الى راكب فيهم وقالى أن الأرضى كدا مفيهوش حاجه وبعدين أقفش
التفويته فى العمومى لأنى موصل عليها الزينون بتاع العربيه والكلبس بتاعها بيتحرك نظرا لعدم التقريط عليه جيدا المهم ظبط الدنيا وبص على كل ما هو مسمى بأرضى فى كل السياره حتى كابل الأرضى بتاع التابلو الموجودأسفل غطاء علبه الفيوزات وقالى عايزك تتطمن أن شاء الله مش هيبقى فى حاجه وتابع الموضوع ولو فى حاجه تعاللاي على طول على فكره ياجماعه الراجل دا مخو نضيف قوى وشغلو أنضف من موخو لو حد عايز يعرف مكانو هو موجود فى شارع ضياء الى هوأمام رويال سنتر بشارع الهرم أول ماتدخولو الشارع ده هتلاقوه على أيديكم اليمين بعد السمكرى والمطعم الورشه بتاعت الحج حمدى بس الراجل الى بكلمكو عنو أسمو راشد (راشد )أنتو بس روحولو وقلولو أحنا من طرف محمد بتاع البولو البيضاء هيعمل معاكو الصح ويارب ماتحتاجولو هو أنا بقيت رعاى كدا ليه النهارده
الحمد للة ربنا يستر طريقك !
عملت اية في الباب رديتةولا لسة؟
من زمان ياريس مقدرش أمشى بيها وشكلها وحش أتسمكرت وأترشت والحمد لله
ربنا يسترها معانا يارب
انا معايا بولو 95 وبحصل معايا الموضوع دة بس على فترات وكمان بيحصل معايا ان البطارية بتنام وسعات بدور زق ومش عارف السبب غيرت كتاوت الدينامو ومن اسبوع بعد ما دورت العربية ولاقيت نفسى قادمى وقت رحت مباطل العربية ولما جات ادور تانى العربية مش عايزة تنطق ولا الهوا بعد كدة زقت انا وصاحبى العربية دارت وقالى يمكن سلك الاقت بتاع العربية مش واصال كويس رحنا لكهربى وبص علية لاقة كويس وراكب وندور العربية بدور ومن سعتها بدور كويس مفيش اللى ممكن اعملة عشان المشكلة تروح على فكرة دى اول استخدام لية فى العربيات واول عربية براكبةاقتباس:
المشاركة الأصلية كتبت بواسطة momomero
فى انتظار ردك ولو الاسطى راشد مناسب وكويس ياريت تقاولى عنوانة كويس وخصوصا وانا ساكن فى الطوابق فيصل يعنى شارع ضياء هيكون مناسب وقريب وياريت تقولى اخبار المصنعية اية ولو حبت ازواد اضاءة تركيب الكتاوت شى صح ولا اعمل اية
معالش طولت عليك
ربنا معاك
:36_1_58[1]:
واضح ان البطاريه عندك عايزه تتغير
العنوان ورشه الأسطى حمدى أول شارع ضياء على اليمين من ناحيه شارع الهرم عند رويال سنتر عندو صنايعى أسمو راشد كويس
أخبار العداد الجميل إيه يا محمد؟
لسة برضو على الحركة النص كم بتاعته؟
على العموم ظبط ولما تحب تحط قراءة عدادك على العداد الجديد كلمني وأنا أعملهالك
والله ياباشا من ساعه ما فكيت كل سلوك الأرضى الى فى العربيه ونضفنها وركبناها تانى والحمد لله ربنا يدومها عليا نعمه معملهاش تانى ويجعل كلامى خفيف عليها