ممكن خدمه من ملاك ال A4 بخصوص السماعات

**shiko85** · 13-04-2009 07:46 PM

انا سألت الوكيل على تركيب السماعات و عرفت انهم بينصحوا ان هما اللى يركبوا السماعات علشان بيتسحبلهم وصلة من الضفيره و سالت ادريان قالى انه فعلا هيسحب وصله من الضفيره
بصراحه انا متردد و بفكر الغى الفكره اصلا او اخلى التوكيل هو اللى يركبهم

**shiko85** · 13-04-2009 08:14 PM

مش هينفع أعمل لوحه خشب بدل الباغه علشان الباغه بتطلع مع فتح الشنطه و هى ممسوكه بحبل ضعيف جدا مش هايستحمل اللوحه الخشب

**shiko85** · 13-04-2009 08:26 PM

انت ممكن بتاع الكاسيت يعملك لوحة خشب و تخرم فيها براحتك و بيركب عليها موكيت اسود يعني بتتظبط و تشيل الرف اللي ورا في البيت

مش هينفع أعمل لوحه خشب بدل الباغه علشان الباغه بتطلع مع فتح الشنطه و هى ممسوكه بحبل ضعيف جدا مش هايستحمل اللوحه الخشب

**ramylanos** · 13-04-2009 09:12 PM

بلاش موضوع اللوحه الخشب ده علشان بيكسر الحرفين البلاستيك الي شايلين الرف علشان الخشب تقيل بالمقارنه بالفبره الي جايه في العربيه

انا بعد ماعملتها وقعدت بيها سنه بدأت تكسر في الحرفين الي شايلنها

رحت مرجع الفبره الاصليه ومخرم فيها ومش مهم اي حاجه ومشيت بمبدأ انا جايب عربيه استمتع بيها

وكمان انا لما ركبت السماعات لاغيت ان الفبره تتطلع مع الشنطه علشان ماتتعبش الهيدروليك بتاع الشنطه

**shiko85** · 14-04-2009 08:53 AM

المشاركة الأصلية كتبت بواسطة ramylanos

بلاش موضوع اللوحه الخشب ده علشان بيكسر الحرفين البلاستيك الي شايلين الرف علشان الخشب تقيل بالمقارنه بالفبره الي جايه في العربيه

انا بعد ماعملتها وقعدت بيها سنه بدأت تكسر في الحرفين الي شايلنها

رحت مرجع الفبره الاصليه ومخرم فيها ومش مهم اي حاجه ومشيت بمبدأ انا جايب عربيه استمتع بيها

وكمان انا لما ركبت السماعات لاغيت ان الفبره تتطلع مع الشنطه علشان ماتتعبش الهيدروليك بتاع الشنطه

طيب هو اللى ركبلك السماعات اللى ورا خد السلك من فين يعنى فى بيقولوا بيسحبوا سلك من السماعات الاماميه و فى بيقولوا من الكاسيت نفسه

**solly1979** · 14-04-2009 10:13 AM

يا جماعه سلك ايه من الدفيرة ليه هو السمعات هتاخد كهرباء
هو هيسحب سلك من الكاسيت نفسه
اى كاسيت بيطلع 4 سلوك للصوت 2 للسماعات الاماميه و 2 للخلفيه
الساماعات مالهاش دعوة بالدفيرة نهائيا بس هو هيمشى سلك جديد جنب الدفيرة مش هيجى جنبها
انا لسه مركب كاسيت جديد شغال على السماعات الاماميه بس
واتفقت مع الراجل الى ركبلى على كدة قالى سلك هيمشى من الكاسيت للسماعات الجديدة فى الابواب الخلفيه او فى الباغه بس لسه معملتش الموضوع دة مستنى اجيب سماعات نضيفه فى الابواب لانى موضوع فتح الباغه او بتاعه خشب مش داخلين دماغى ومع الوقت هيبوظوا الدنيا
والله اعلم

**ramylanos** · 14-04-2009 05:20 PM

المشاركة الأصلية كتبت بواسطة shiko85

طيب هو اللى ركبلك السماعات اللى ورا خد السلك من فين يعنى فى بيقولوا بيسحبوا سلك من السماعات الاماميه و فى بيقولوا من الكاسيت نفسه

بص هوه سحب من الكاسيت نفسه

بس ما تخفش خالص هوه بيعدي السلك من العتب بتاع العربيه من غير ما يفك اي حاجه غير العتبه بس يعني مالهوش دعوه بالموكيت

انا عملتوه عند المركز الياباني الي في مصر الجديده ناس ايدهم حلوه اوي

وأي استسفسار تاني انا تحت امرك

**shiko85** · 14-04-2009 05:48 PM

المشاركة الأصلية كتبت بواسطة ramylanos

بص هوه سحب من الكاسيت نفسه

بس ما تخفش خالص هوه بيعدي السلك من العتب بتاع العربيه من غير ما يفك اي حاجه غير العتبه بس يعني مالهوش دعوه بالموكيت

انا عملتوه عند المركز الياباني الي في مصر الجديده ناس ايدهم حلوه اوي

وأي استسفسار تاني انا تحت امرك

انا عندى سى دى مش كاسيت هاتفرق ؟
طيب معلش انا عايز أعرف هما فكوا الكاسيت أزاى و فكوا ايه تانى علشان يوصلوا للكاسيت ؟يعنى فك الداش بورد ؟
حضرتك عارف انها زيرو و جت بالعافيه فا معلش ياريت تستحملنى انا بجد خايف عليها و مش عايز حاجه غلط تحصل ... أكيد حضرتك فاهمنى و مقدر
و عندى سؤال تانى بالنسبه للمركز اليابانى ممكن عنوانه ولو في تليفون و اتكلفت كام و ايه هيا السماعات اللى حضرتك ركبتها ؟
معلش هاتعبك معايا بس انا والله محتار و مش عارف أعمل ايه
و 1000 1000 شكرا على مجهودك و ربنا يكرمك

**ramylanos** · 15-04-2009 03:15 AM

اولا مفيش تعب ولا حاجه انت تأمر واي حاجه في العربيه كلها اسألني وانا معاك

بص مش هتفرق كاسيت من cd

انا محددلك في الصوره دي الجزء الي هيتفك بس
ده عباره عن وش كده بيطلع وبيدخل كبس ما تقلقش
ووراه بتلاقي مسامير الكاسيت وبيطلع بكل سهوله

المركز الياباني مش معايا رقم تلفونه والله

بس انت روح عند ميدان الحجاز في مصر الجديده واسأل عليه هتلاقيه معروف(بس اسأل حد فاهم)

السماعات بص انا ركبت الي كانوا عندي في العربيه الي قبليها

وانا ارشحلك الكينود

وشوف لو عند استفسار تاني انا معاك لحد ما تزهق

**shiko85** · 15-04-2009 11:51 AM

المشاركة الأصلية كتبت بواسطة ramylanos

اولا مفيش تعب ولا حاجه انت تأمر واي حاجه في العربيه كلها اسألني وانا معاك

بص مش هتفرق كاسيت من cd

انا محددلك في الصوره دي الجزء الي هيتفك بس
ده عباره عن وش كده بيطلع وبيدخل كبس ما تقلقش
ووراه بتلاقي مسامير الكاسيت وبيطلع بكل سهوله

المركز الياباني مش معايا رقم تلفونه والله

بس انت روح عند ميدان الحجاز في مصر الجديده واسأل عليه هتلاقيه معروف(بس اسأل حد فاهم)

السماعات بص انا ركبت الي كانوا عندي في العربيه الي قبليها

وانا ارشحلك الكينود

وشوف لو عند استفسار تاني انا معاك لحد ما تزهق

يا باشا دا كتير عليا والله
ان شاء الله اروح اشترى السماعات و أعدى على المركز اليابانى و ربنا يسهل
طيب معليش (القلق رجع تانى) يعنى مفيش حاجه بيتبان بعد كده ؟ طيب الوكيل مش بيقول حاجه ولا كالعاده الحورات اللى بتخلي الواحد يحس انه عمل جريمه ؟
و ميرسى اوى على الرد و المجهود و ربنا يقدرنى على رد الجميل ده