أويل سيل الكوبلن و علاقته بفك الفتيس فى البرستيج؟؟

**kareem_Ashmawy** · 14-04-2009 08:48 PM

لسه مركبنها امبارح .. فمقدرش أحكم :d
بس المفاجأة الجامدة ان الميكانيكى (هو شغال فى التوكيل)
بيحلف انهم بيركبوا الطنابير و التيل الفاليو للعملاء على انهم الأصلى
و بيحاسبوهم على الجوز بـ650 ج ( سرقة علنى يعنى)
و الى بيأكد كلامه حاجتين حخصلو معايا:
ان التيل اللى كان فيها كان تركى ( مش فاليو حتى)
و صاحبها كان بيعمل كل الصيانات فى التوكيل مش بيتعامل مع حد بره
و البوجيهات اللى كانت فيها كانت فيها كان مركبها فى التوكيل برده و لقيناها شمعة واحدة مع ان البرستيج بوجيهاتها اتنين شمعة

**bee** · 15-04-2009 01:39 PM

المشاركة الأصلية كتبت بواسطة kareem_Ashmawy

روحنا امبارح للميكانيكى الأصلى اللى بتعامل معاه فى الزاوية الحمراء
بص عليها و لقى طبة زيت الموتور من تحت مش راكبة كويس و بتسرب زيت
و الويل السيل بتاع كوبلن من الاتنين مش راكب كويس
قررط على الطبة كويس ( قعد 1/4 ساعة يربط فيها )
و عدل اويل سيل الكوبلن بالمفك كده برده و خدت منه وقت برده
و راجع على الاويل سيلز كلها و قال مفيش حاجة فيهم بتسرب
و غسل الكساحة واللى تحت كويس و قال كل يوم و انت نازل الصبح
تبص كويس تحت العربية تشوف فى زيت و لا لأ و تقيس الزيت
و نشوف لو فى تسريب نراجع على الأويل سيلز تانى
و النهاردة و لا بكرة هروح البنزينة أغسل الموتور و أغسلها من تحت عشان لو فى تسريب تانى تبان
.
.
بس المقلب بقى انه لقى التيل منسل و الطنابير اللى قدام خلصانى خالص
غيرناهم بالمرة بقى
جبنا طنابير امامى فاليو و تيل امامى فاليو برده
الطنابيرب400 ج
التيل 130 ج
من عند سيد نور فى الزاوية
.
.
و جارى متابعة العربية و شكرا جزيلا لكل من رد على الموضوع

مبروك
بس قولي الطنابير الفاليو طلعت كويسة ؟؟

**Mahmoud_405** · 15-04-2009 02:39 PM

ازيك ياكريم علي فكره البرستيج شمعه واحده بس مش شمعتين وانا متاكد من الكلام ده... والتوكيل عمره ما حيغير تيل امامي فاليو لانه معندوش يمكن ده يمون موزع معتمد... التيل هنالك ب 380 جنيه بالضريبه (السعر الاساسي 340 ) وبره انا جبته ب 285 جنيه (جمله). وعامل معايا اكتر من 20000 الف كيلو ولسه فيه كمان..

وكنت عايز اقوللك عملت ايه مع المسيري في علبه الشكمان... قالي ب 1350 جنيه وهيا في التوكيل ب 1200 ( بس مش موجوده)... فرايك استني شويه واجبها (مش معايا فلوس دلوقتي( العربيه الجديده خربت بيتي) ولا اجيب المصرب ال ب 150 جنيه ال انت قولتلي عليها... وجبتها منين ؟؟؟؟؟ وعامله معاك ايه....

**kareem_Ashmawy** · 15-04-2009 05:54 PM

ازيك ياكريم علي فكره البرستيج شمعه واحده بس مش شمعتين وانا متاكد من الكلام ده... والتوكيل عمره ما حيغير تيل امامي فاليو لانه معندوش يمكن ده يمون موزع معتمد... التيل هنالك ب 380 جنيه بالضريبه (السعر الاساسي 340 ) وبره انا جبته ب 285 جنيه (جمله). وعامل معايا اكتر من 20000 الف كيلو ولسه فيه كمان..

لا ياباشا البرستيج شمعتين..و ده كلام التوكيل اللى هنا فى الهرم و صلاح بيجو و الميكانيكى اللى بتعامل معاه و هو شغال فى التوكيل برده
.
.
كمان يا حودة عمره ما هيقولك انو عنده فاليو..هو هيقول دايما
ان عنده الاصلى و يستفيد من فرق الفلوس
( دا اذا كلام الميكانيكى انهم بيركبو الفاليو صح اساسا)
كمان انا بتكلم على غمرة معرفش باقى مراكز الخدمة ايه نظامها

وكنت عايز اقوللك عملت ايه مع المسيري في علبه الشكمان... قالي ب 1350 جنيه وهيا في التوكيل ب 1200 ( بس مش موجوده)... فرايك استني شويه واجبها (مش معايا فلوس دلوقتي( العربيه الجديده خربت بيتي) ولا اجيب المصرب ال ب 150 جنيه ال انت قولتلي عليها... وجبتها منين ؟؟؟؟؟ وعامله معاك ايه....

طيب ما تسأل عليها الاول فى اوتو سيرفس انا فاكر من سنة و شوية كانت عنده ب 750 ج
العلبة المصرى اللى انا جبتها كانت تقريبا ب150 من عند بتاع الشكمانات
وروحنا جبنا من المسيرى فلانشة و لا حاجة كده للشكمان بتاعت البرستيج مش ال1600 كانت برده ب 150ج

بس الحق يتقال الصوت قل كتير عن الاول بس مش زى ما انا عايز و بعدها بفترة صغيرة بقيت سامع صوت تنفيس هوا من الشكمان مش عارف بقى العلبة طلعت اى كلام و لا لبست بيها مطب جامد فباظت و لا ايه مش عارف
وكسلت اروح اكشف عليها تانى بس بصراحة الصوت عنتدى مش عاجبنى
كونت عاملها عند بتاع شكمانات فى الزاوية قريب من توكيل غمرة برده
والف مبروك مرة تانية على العربية الجديدة

**Mahmoud_405** · 15-04-2009 06:54 PM

لا ياباشا البرستيج شمعتين..و ده كلام التوكيل اللى هنا فى الهرم و صلاح بيجو و الميكانيكى اللى بتعامل معاه و هو شغال فى التوكيل برده

مكتوب في المانيوال بتاع العربيه موديل البوجيهات ولو دخلت علي النت حتلقيه واحد شمعه RC9YCC Champion وشكركات البوجيهات بتوصي واحد او 2 شمعه بس ال standard واحد شمعه.

بالنسبه لعلبه الشكمان
وهي العلبه المصري نفس الشكل ةالحجم بتاع العلبه الاصلي اصل انا جايب علبه استيراد بتاعت سوبارو مش بتاعت بيحو بس اصغر واتخن منها فمش داخله كويس فس المجري بتاعها و واطيه وعلي طول بتحك لو معايا واحد بس ورا(المشكله الاساسيه عندي) لو المشكله دي مش عندك يبقي تمام ممكن اشتريها... بس ياريت تعرفلي منين؟؟؟؟؟؟؟

والف شكر ياكريم.

بالنسبه لواير الدبرياج بتاع البرستيج مختلف عن ال 1600 انا متاكد لان لما طلبت من خالي واير الكيك داون كان جبلي واير الدبرياج بداله ولما روحت لصلاح بيجو قالي ده واير الدبرياج بتاع البرستيج(طويل قوي)مش الكيك داون واعتقد حيفرق معاك في السحب لو ركبته

**kareem_Ashmawy** · 15-04-2009 08:36 PM

اه يا باشا نفس المقاس بالضبط..وركبت على طول من غير اى حاجة
هى تقريبا مخصوصة للبرستيج..و مش بتحك معايا حتى لو معايا اربعة الا لو مطب من بتوع الاهالى دول اللى بيحكوا فيها الاتوبيسات
.
.
زى ما قولتلك كنت جايبها من واحد بتاع شكمانات فى الزاوية
شوف هتروح امتى و هبعتلك فايل على جوجل ايرث
او جرب اسأل حد بتاع شكمانات عندك ممكن تلاقيها بدل المشوار
بس بتشترى معاه قطعة كده كنا جايبنها من عند المسيرى ب 150 ج
.
.
اما افضى بقى هشوف حكاية الدبرياج دى
بس هى الفكرة انى جبت واير البرستيج و مركبش عندى
و غيرته ببتاع ال1600 وركب!!!!
وده اللى قالقنى