كنت كتبت موضوع قبل كدة بسأل فيه عن الريو
بصراحة العربية عجباني
الحمد لله اشترتها امبارح
موديل 2003
1300 سي سي
اللون ازرق
فوول (وليس فول) اوبشن تكيف سنتر باور
حالة العربية فوق الممتازة رشه النص التحتاني نضافة بس
السعر 40 الف
عرض للطباعة
كنت كتبت موضوع قبل كدة بسأل فيه عن الريو
بصراحة العربية عجباني
الحمد لله اشترتها امبارح
موديل 2003
1300 سي سي
اللون ازرق
فوول (وليس فول) اوبشن تكيف سنتر باور
حالة العربية فوق الممتازة رشه النص التحتاني نضافة بس
السعر 40 الف
الف مبروك يا عم وربنا يديك خيرها ويكفيك شرها
ويا ترى تقييمك اية للعربية
وبرضة اية اخبار قطع الغيار متوافرة ولا لا واسعارها اية
الف مبروك على العربية، ربنا يحفظها لك ويبارك لك فيها إن شاء الله.
وعقبالك يا wsh1985
الله يبارك فيكو
عقبال عندكو
اي حاجة هتحصل في العربية هبلغكم علي طوول
الف مبروك
ياريتك تعملنا تقييم عن العربية عشان تفيد الناس كلها و شكرا مقدما
Congratulations!May God bless and keep it
الف مبروك يا باشا. الريو عربية اكتر من ممتازة فعلا واقبصادية الي حد كبير
حافظ عليها وربنا يباركلك فيها
الف مبروك يا باشا. الريو عربية جميلة
الله يبارك فيكو جميعا
انا روحت غيرتلها طقم سيور وفلاتر وبوجيهات وكمان قاعدة موتور
كل قطع الغيار متوفرة واسعارها معقولة
في محل في الحرفيين اسمه الاستاذ عندة كل قطع الغيار بتاعتها اصلية ومختومة بختم كيا
واي حد عنده استفسار انا في الخدمة
ايه ياريس مش ناوى تعملنا تقييم شامل للعربية عشان نعرف العربية عامله ايه
ألف مبروك يا أ / لورد
يديك خيرها و يكفيك شرها ...
قولوا أمين.
الفففففف مبروووووك يا باشا و ربنا يباركلك فيها ان شاء الله.... بجد عربية محترمة جداا جداا عن تجربة
والله ياباشا انا مش عارف اعمل تقييم شامل بس اللي عايز يسال عن اي حاجة انا موجوداقتباس:
ايه ياريس مش ناوى تعملنا تقييم شامل للعربية عشان نعرف العربية عامله ايه
الله يبارك فيك أميناقتباس:
ألف مبروك يا أ / لورد
يديك خيرها و يكفيك شرها ...
قولوا أمين.
الله يبارك فيك فعلا عربية ممتازةاقتباس:
الفففففف مبروووووك يا باشا و ربنا يباركلك فيها ان شاء الله.... بجد عربية محترمة جداا جداا عن تجربة
طيب انا حسألك شوية اسئلة عن العربية و اتمنى مكنش بطول عليك
اولا عفشتها اخبارها ايه خفيفة ولا مريحة ولا بتدبدب و ناشفة
موتورها صوته هادى ولا عالى و مع السرعات فوق ال100 صوته عالى ولا مريح
تكييفها لما بيشتغل كذا واحد قال انها بتموت وصوتها بيعلى
فراملها اخبارها ايه
الثبات فى الملفات و على الطرق المكسرة و على السرعات العالية خفيفة ولا تقيلة على السكة
الفتيس اخباره ايه نقلاته سلسه وهل بعيدة عن بعضها ولا الحارات صغيرة
استهلاك البنزين
الوسع الداخلى للصالون و الشنطة
هل فى مشاكل قابلتك او اى حاجه انت مش راضى عنها
اعتقد دى كل الاسئلة اللى ممكن تعمل تقييم صغير عن العربية
وياريت اسعار قطع الغيار اللي حضرتك تعرفها بالمرة
علي سبيل المثال
جوز كبالن تايوانى ب 220 جنيه
جوز كبالن ياباني ب 490 جنيه
جوز كبالن صيني ب 150 جنيه
طقم دبرياج كامل كورى (ديسك واسطوانة و بلية ب 350 جنيه)
فلتر زيت كوري ب 18 جينيه
فلتر بنزين ب 65 جنيه
فلتر هواء ب 25 جنيه
سير كاتينه ب 60 جنيه
من فضلك فين الحرفيين او توضيح المكان واسم المحل لانى عندى برده عندى ريو 2003 واشترتها مستعمله بس لسه مغيرتش اى حاجه فيها لان صاحب العربيه كان مسافر دايما ومبيستخدمهاش كتير لما بينزل مصر
مبرووووك عليك يا باشا و يارب يديك خيرها و يبعد عنك شرها ..
و مستنيين صور الحلوة ..
الحرفيين دى اخر طريق جسر السويس من طريق الاسماعيلية الصحراوى...لو انت كملت طريق جسر السويس حتفضل ماشى فيه لحد ماتلاقى كوبرى الحرفيين معدى من فوق الطريق و ده تعرفه بالسؤال ..حتلف من تحته و ترجع تانى فى جسر السويس و تدخل اول يمين ده شارع جمال عبد الناصر تقريبا تانى شارع او تالت شارع يمين من جمال ده حينزلك فى قلب سوق الحرفيين
اعتقد الشكل الجديد لان الشكل القديم سعره اقل من كدا
مرسى على ردك وتوضيحك للعنوان
عربيتي ريو 1 الشكل القديم
مع ان في عربيات 2003 ريو 2 بس بصراحة مش عارف ازاي
ألف مبروك على العربية ربنا يباركلك فيها إن شاء الله
اقتباس:
انا كمان عربيتى ريو 1 (2003) اشتريتها من سنة و 3 شهور تقريبا و كانت عاملة وقتها 19 الف كيلو ودلوقتي عاملة 35 الف كيلو
يا بري ايه اخبارها معاك؟ ولو عاوز اي استشارة انت تأمر
بصراحة الموتور بيرعش وساعات تبطل مش عارف ده رشاشات ولا الانجكشن ولا ايه فلو تعرف ميكانيكي كويس يبقي موز
والله انا جبتها من سوق الجمعه انزل واتفرج يمكن تلاقي حاجة كويسةاقتباس:
انا بدور على واحدة حالته ممتازة لو تعرف اسم معرض مستعمل مضمون لاني بقلق من السوق
و جزاك الله خيرا
[QUOTE=lord23;914931]
بصراحة الموتور بيرعش وساعات تبطل مش عارف ده رشاشات ولا الانجكشن ولا ايه فلو تعرف ميكانيكي كويس يبقي موز
يا ترى هي بتبطل لما تدور التكييف والا في العادي . انت ممكن تكشف عند الميكانيكي بتاعي (وده في المريوطية - الهرم) هو فاهم في العربية كويس و شغال بالكتالوجات ممكن ادلك عليه لو قريب منك
يا جماعة انا معروض عليا عربية ريو 2004 حالتها كويسه
بس خايف من اسعار قطع الغيار فهل اسعارها معقولة زى الهيونداى مثلا ولا غالية ومش متوفرة
واى حد بيفهم فيها ولا لازم التوكيل
وشكرا....
علي سبيل المثال
جوز كبالن تايوانى ب 220 جنيه
جوز كبالن ياباني ب 490 جنيه
جوز كبالن صيني ب 150 جنيه
طقم دبرياج كامل كورى (ديسك واسطوانة و بلية ب 350 جنيه)
فلتر زيت كوري ب 18 جينيه
فلتر بنزين ب 65 جنيه
فلتر هواء ب 25 جنيه
سير كاتينه ب 60 جنيه
طقم بلي عجل امامي ياباني ب 130
والعربية ممكن اي حد شاطر يفهم فيها لانها كوري
مبروك عليك يا باشا..على فكره أنا معايا كيا ريو نفس الموديل 2003 بقالها سنه معايا وماشاء الله عليها أقتصاديه جدا فى البنزين وسحبها فوق الممتاز ده غير الأتزان بتاعها على الطريق..أنا جبت بيها 160 وكانت زى الفل على الطريق...بس بالنسبه لمحل قطع الغيار ده أنت واثق منه؟...ويا ريت لو تعرف حد فى أسكندريه بيبيع أصلى..عشان أنا من أسكندريه وبلاقى قطع الغيار بتاعتها بس مش بتكون كلها أصلى..بيكون فى حاجات وحاجات...
هى الـ 1300 انجكشن ولا كاربراتير ؟؟
واستهلاك البنزين فيها أخباره ايه جوه البلد ؟؟
طيب ايه الفرق بين الـ 1300 والـ 1500 ؟؟
مفيش حاجة قدامك حلوة زي بتاعتك كده ؟؟؟