محتارة قوى يا جماعة بين البريليانس frv و الأكسنت و مش عارفة أعمل ايه خاصة الاتنين كل الناس بتشكر فيهم جامد .
عرض للطباعة
محتارة قوى يا جماعة بين البريليانس frv و الأكسنت و مش عارفة أعمل ايه خاصة الاتنين كل الناس بتشكر فيهم جامد .
لو مكانك الاكسنت طبعا...
عربيه بقالها كثير جدا فى مصر و ماركه مشهوره جدا عالميا...العربيه حلو و كويسه جداااا...
البريليانس لسه جديده محدش عارف عنها حاجه اوى ...
راى الاكسنت احسن
ال frv شكلها لذيذ و روشة قوي
بس ما أقدرش احكم من ناحية الأداء و القوة
بس حتى من الصالون الداخلي البريليانس اجمل
و ربنا يوفقك للاحسن ان شاء الله
أنا من رأى النيو أكسنت عشان بقالها فترة أطول وماركة مضمونة اكتر ده غير ان ال frv لسه نازل منها الاتوماتيك قريب يعنى لسه بتتجرب
طبعا نيو اكسنت - ابعدى عن الصينى وغنى له - فرق جامد بين اى عربية هيونداى وعربية صينى مهما كانت فئتها
النيو اكسنت لا تقارن بأى عربيه صينى
النيو اكسنت طبعا
بصي هو الناس كلها خايفة من الصيني و من حقهم لانه دخل دخله وحشة اوي للسوق العالمي بس اللى اقدر اقلهولك ان البريليانس من العربيات النضيفة جدا جدا و هي انضف العربيات الصيني و انا كنت بفكر فيها و سألت فعلا عنها كتير بس محدش اداني عقاد نافع عنها, بس عرفت انها تقفيل صيني مش تقفيل البافارية فا قلقت شوية و صرفت نظر عنها و جبت بونتو كلاسيك 1.2 سي سي
عموما انتي ليكي الحرية الشخصية لان البريليانس منافس قوي للسيارات الكورية و لو قلت عليه وحش ابقى ظلمته
و ربنا يوفقك للي فيه الخير
انا ناس قرايبى حاجزين ال frv
هى عربيه تحفه
بس محدش لسه عارف عنها حاجة
ال frv شكلها حلو و امكانياتها المكتوبة فى الكتالوج و خدى بالك من كلمة ( المكتوبة ) حلوة جدا و فيها عوامل امان مش موجودة فى النيو اكسنت .
لكن محدش هيقدر يقولك اعتماديتها و اداؤها على المدى البعيد و استحمالها للطرق المكسرة بتاعتنا شكلة اية - حتى لو حد معاة العربية فعلا لانها معداش عليها اكتر من 6 شهور او اقل فى مصر .
يعنى السؤال هل عندك استعداد للمخاطرة او المغامرة ؟ لو الاجابة بنعم هاتى الfrv
لو عايزة تبقى فى الامان هاتى النيو اكسنت و عامة هى احسن من ال frv فى كل شىء باستثناء حاجتين الشكل و عوامل الامان .
انا رأيى الشخصى النيو اكسنت افضل و ارخص كمان ب 5000 جنية
الfrv مبالغ فى سعرها جدا و لو مش فارق معايا موضوع الصناعة الصينية كنت هجيب البولو السيدان و فيها كل امكانيات الfrv و اغلى 3500 بس
الاكسنت طبعا و بدون تفكير لنفس الأسباب اللي اتقالت في اول رد علي رسالتك اكيد الهيونداي اكسنت شكلا و موضوعا