محتارة بين النيو أكسنت و الfrv

**dony_mdandesh** · 11-04-2009 07:40 PM

محتارة قوى يا جماعة بين البريليانس frv و الأكسنت و مش عارفة أعمل ايه خاصة الاتنين كل الناس بتشكر فيهم جامد .

**Hossam.Hamdy** · 11-04-2009 08:52 PM

لو مكانك الاكسنت طبعا...
عربيه بقالها كثير جدا فى مصر و ماركه مشهوره جدا عالميا...العربيه حلو و كويسه جداااا...
البريليانس لسه جديده محدش عارف عنها حاجه اوى ...
راى الاكسنت احسن

**amr22_00** · 11-04-2009 09:45 PM

ال frv شكلها لذيذ و روشة قوي
بس ما أقدرش احكم من ناحية الأداء و القوة
بس حتى من الصالون الداخلي البريليانس اجمل
و ربنا يوفقك للاحسن ان شاء الله

**alysaber** · 12-04-2009 01:14 AM

أنا من رأى النيو أكسنت عشان بقالها فترة أطول وماركة مضمونة اكتر ده غير ان ال frv لسه نازل منها الاتوماتيك قريب يعنى لسه بتتجرب

**ADELHASANALSHAAIRYN6** · 12-04-2009 12:26 PM

طبعا نيو اكسنت - ابعدى عن الصينى وغنى له - فرق جامد بين اى عربية هيونداى وعربية صينى مهما كانت فئتها

**MEMES** · 12-04-2009 12:42 PM

النيو اكسنت لا تقارن بأى عربيه صينى
النيو اكسنت طبعا

**SharpArrow** · 12-04-2009 04:35 PM

بصي هو الناس كلها خايفة من الصيني و من حقهم لانه دخل دخله وحشة اوي للسوق العالمي بس اللى اقدر اقلهولك ان البريليانس من العربيات النضيفة جدا جدا و هي انضف العربيات الصيني و انا كنت بفكر فيها و سألت فعلا عنها كتير بس محدش اداني عقاد نافع عنها, بس عرفت انها تقفيل صيني مش تقفيل البافارية فا قلقت شوية و صرفت نظر عنها و جبت بونتو كلاسيك 1.2 سي سي
عموما انتي ليكي الحرية الشخصية لان البريليانس منافس قوي للسيارات الكورية و لو قلت عليه وحش ابقى ظلمته
و ربنا يوفقك للي فيه الخير

**M.Mokhtar** · 12-04-2009 04:55 PM

انا ناس قرايبى حاجزين ال frv
هى عربيه تحفه
بس محدش لسه عارف عنها حاجة

**ezzatfox** · 12-04-2009 06:16 PM

ال frv شكلها حلو و امكانياتها المكتوبة فى الكتالوج و خدى بالك من كلمة ( المكتوبة ) حلوة جدا و فيها عوامل امان مش موجودة فى النيو اكسنت .
لكن محدش هيقدر يقولك اعتماديتها و اداؤها على المدى البعيد و استحمالها للطرق المكسرة بتاعتنا شكلة اية - حتى لو حد معاة العربية فعلا لانها معداش عليها اكتر من 6 شهور او اقل فى مصر .
يعنى السؤال هل عندك استعداد للمخاطرة او المغامرة ؟ لو الاجابة بنعم هاتى الfrv
لو عايزة تبقى فى الامان هاتى النيو اكسنت و عامة هى احسن من ال frv فى كل شىء باستثناء حاجتين الشكل و عوامل الامان .
انا رأيى الشخصى النيو اكسنت افضل و ارخص كمان ب 5000 جنية
الfrv مبالغ فى سعرها جدا و لو مش فارق معايا موضوع الصناعة الصينية كنت هجيب البولو السيدان و فيها كل امكانيات الfrv و اغلى 3500 بس