الموضوع: عيادة طب الأطفال

المشاركة الأصلية كتبت بواسطة derba

انا اسمى محمد يا استاذ ميدو
المهم انت تابع مع دكتور انف واذن كويس لان الحاله تعتبر حاله انف واذن مش حاله اطفال
موضوع اللحميه بيتعملها عمليه
موضع المايه ورا الاذن اعتقد انه التهاب عادى وبتمشى على مضاادات حيويه قويه
موضوع الكورتيزون ده بلاشه فى السن ده
انت واضح انك فى قطر مش فى مصر
حاول تتابع مع دكتور انف واذن كويس او استنى لما تيجى مصر بالسلامه
والف سلامه على عروستنا

الف شكر لك يا دكتور. انا فعلا عايش في قطر وامبارح خدتها وديتها لدكتور في مستشفي خاص وقالي اننا لازم نعملها عملية اللوز واللحمية لان دول هما السبب في وجود المياة خلف طبلة الاذن. الدكتور خوفني جدا وقالي بلاش تستني لحد ما تنزل مصر لان التاخير هايخلي المياة الموجودة تتصمغ وتبقي صعب اخراجها من الاذن مما يشكل سلبياً علي السمع وانا دلوقتي باجري في كل اتجاة عشان احل المشكلة دي. تفتكر ان التاخير فعلا لة اثار سلبية يعني احنا نازلين مصر اجازة في شهر 7 بس قالي الوقت طويل جداً

ايها الاطباء الاعزاء احب ان اتقدم بكل الشكر والتقدير لهذا العرض الجميل.
الذي يدل على انكم فعلاً ملائكة محبة لفعل الخير وإفاده كل الناس بخبرتكم وعلمكم.
مهما قولت لن اوفي حقكم في التعبير عن مدى امتنناني لكم... فهذا العرض المجاني الذي لن يجلب لكم اي ربح سيكون هو السبب في اسعاد حياه اسرة باكملها ويمكن ان يكون السبب في انقاذ حياه احبائنا الصغار.

سؤالي هو : هل يوجد معدل معين لعدد ساعات نوم الاطفال - ومعدل لكمية الاكل - زياده الوزن - زياده الطول
هل يوجد جدول معين يمكن الرجوع إليه لمعرفة هل نمو طفلي طبيعي ام لا...
ماذا يحدث ان تغييرت هذه المعدلات وهل سيكون لها تأذير سلبي... هل يمكن تطبيق هذه المعدلات على كل الاطفال ام لكل طفل معدله الخاص.

مرة اخرى تقبوا مني جزيل الشكر وفائق الاحترام

المشاركة الأصلية كتبت بواسطة Mido80

الف شكر لك يا دكتور. انا فعلا عايش في قطر وامبارح خدتها وديتها لدكتور في مستشفي خاص وقالي اننا لازم نعملها عملية اللوز واللحمية لان دول هما السبب في وجود المياة خلف طبلة الاذن. الدكتور خوفني جدا وقالي بلاش تستني لحد ما تنزل مصر لان التاخير هايخلي المياة الموجودة تتصمغ وتبقي صعب اخراجها من الاذن مما يشكل سلبياً علي السمع وانا دلوقتي باجري في كل اتجاة عشان احل المشكلة دي. تفتكر ان التاخير فعلا لة اثار سلبية يعني احنا نازلين مصر اجازة في شهر 7 بس قالي الوقت طويل جداً

العفو يا استاذ ميدو
اولا موضوع اللوز ده جديد وده الى بيبان بالكشف
بص يا استاذ ميدو ؟ لو تقدر تحدد وتقولى موضوع اللوز ده بيجيلها كام مره يبقى كويس ؟
اغلب الدكاتره بتنصح بعملها اذا زاد عدد مرات حدوث الالتهاب فى اللوز عن 5 او 6 مرات فى السنه لانه ممكن يسبب مشاكل تانيه كثره الالتهاب
موضوع التاخير ما اقدرش افيد حضرتك فيه لانه على حسب الحاله عامله ازاى ؟
لو تقدر تنزلها مصر وتتصرف يبقى احسن
انا انصحك بالدكتور محمد رشاد غينم عندنا هنا فى المنصوره سلمه بنتك ومالكش دعوه باى حاجه
و طمنى انا متابع حاله امورتنا و ان شاء الله تبقى تمام

المشاركة الأصلية كتبت بواسطة rafysamy

ايها الاطباء الاعزاء احب ان اتقدم بكل الشكر والتقدير لهذا العرض الجميل.
الذي يدل على انكم فعلاً ملائكة محبة لفعل الخير وإفاده كل الناس بخبرتكم وعلمكم.
مهما قولت لن اوفي حقكم في التعبير عن مدى امتنناني لكم... فهذا العرض المجاني الذي لن يجلب لكم اي ربح سيكون هو السبب في اسعاد حياه اسرة باكملها ويمكن ان يكون السبب في انقاذ حياه احبائنا الصغار.

سؤالي هو : هل يوجد معدل معين لعدد ساعات نوم الاطفال - ومعدل لكمية الاكل - زياده الوزن - زياده الطول
هل يوجد جدول معين يمكن الرجوع إليه لمعرفة هل نمو طفلي طبيعي ام لا...
ماذا يحدث ان تغييرت هذه المعدلات وهل سيكون لها تأذير سلبي... هل يمكن تطبيق هذه المعدلات على كل الاطفال ام لكل طفل معدله الخاص.

مرة اخرى تقبوا مني جزيل الشكر وفائق الاحترام

شكرا يا استاذنا ده واجبنا وواجب كل واحد يقدر يفيد التانى
بالنسبه لاسئله حضرتك
موضوع النوم اقراه بالتفصيل فى اللينك ده هيفيدك جداا
http://www.sleepsa.com/child.html
بالنسبه لموضوع الوزن والطول دى تعتبر حسابات طبيه و مرتبطه بحااجات كتيره زى اكل الطفل و الوراثه وحاجات كتير
بس ببساطه اهم حاجه طبعا ملاحظه حضرتك لنمو الطفل
وفيه مجموعه معادلات ممكن تطبقها
العنصرين دول الوزن والطول هم كل حاجه فى موضوع نمو اى طفل
لانه اى خلل فيهم معناه انه فيه مشكله
فاذا كان الخلل فى وزن الطفل فقط فمعناه انه الطفل فيه مشكله حديثه فى صوره عدوى او التهابات الحاجات السريعه دى
لكن اى خلل فى طول الطفل فقط معناه انه الطفل ده غالبا عنده مشاكل اكبر و معاه من مده
انا مش عايز اخش فى تفاصيل بس عشان ما اعقدش الدنيا
بس هقول على الخلاصه الى ممكن تنفع اى حد عادى
بالنسبه للوزن
عند الولاده = 3 ل 3.5 كيلو
بيقل الطفل فى الوزن بطريقه طبيعيه فى اول 3 ايام وبعدين بيرجع للوزن ده تانى بعد 10 ايام
فى اول 4 شهور بيزيد 3/4 كيلو كل شهر يعنى ضعف وزنه يعنى 6 كيلو مثلا
تانى 4 شهور = بيزيد 1/2 كيلو كل شهر
تالت 4 شهور = بيزيد 1/4 كيلو كل شهر
وبكده يبقى فى اول سنه وصل لتلات امثال وزنه يعن حوالى 9 كيلو
بعد سنه تحسبها من المعادله دى
سنه مضروب فى 2 + 8
يعنى لو الولد عنده 3 سنين يبقى المفروض وزنه 3 فى 2 =6
6+8 = 14 كيلو
لو اقل او ازيد يبقى فيه مشكله
بعد 7 سنين المعادله دى
السن فى 3
طبعا فيه شارتز وجداول عند الدكاتره بيبصوا فيها بيشوفوا الرينجات الى فيها الطفل ده فى الصح ولا لا
بس دى المعادلات الى تقدر تساعدك

بالنسبه للطول
عند الولادة = 50 سم
اول 6 شهور بيزيد 2.5 سم كل شهر
وبيوصل فى اول سنه ل طول 75 سم
سنتين = 85
3 = 95
4 سنين = 100 سم
بعد 4 سنين بتتحسب من المعادله دى
السن فى 5 + 80

بس هى دى القصه
يارب اكون قدرت افيد حضرتك واهلا وسهلا بيك

ان شاء الله يا استاذ احمد
وابقى طمنا عليه والف سلامه عليه

الف شكر لهذه المعلومات المفيده الجميلة دي
وطبعاً بالمعدلات دي ممكن الواحد يعمل جدول بناء عليها ويتابع النمو..

لو سمحتلي عندي استفسار تاني
انا ابني عمرة اربع شهور بالنشبة لمعدل نومه بناء على كلام حضرتك فهو طبيعي
بس من كام يوم ابتدى يرجع مرة كل يوم.. لازم يرجع مرة كل يوم وتقريباً في نفس المعاد (الفجر)
ولاحظت كمان ان في قشط مع التكريع.. ده غير ان القشط ساعات بيبقى لبن سايل مش مجبن..!!
وكمان لون البراظ اخضر وسايل نسبياً... انا لسة مرحتش للدكتور بتاعة بس احب اعرف تحليل حضرتك ..

حاجة تانية الدكتور بتاعة نصحنا اننا نبتدي نديلة سيريلاك من دلوقتي.. وفعلاً انا ابتديت اديلة ( نص معلقة سيريلاك / 2.5 معلقة مياه ) بكمل الوجبة بالابتاميل1..... هل ده صح..
الادوية اللي بياخدها هي ( موتيليام 3سم قبل الرضاعة - ماي سيوت بابي 2.5 سم قيب الرضاعة ) 3 مرات في اليوم
وعند اللزوم بياخد ( دايجيستين 3سم بعد الرضاعة - لما القشط بيزيد ) + ( سايميثيكون للمساعده على الهضم )
هل الادوية دي كتير - ولا كويسة ..؟؟؟

وتفضل مني جزيل الشكر والاحترام