الموضوع: انا عاوز واحد ابن حلال يرد عليا

المشاركة الأصلية كتبت بواسطة mohamed_3abdel3al

يا جماعة في فاميه بالريموت زي الي كان في pimp my ride و دا عند محل في اكتوبر ب 1500 جنيه و في منه كذا لون و هو عبارة عن فميه بالريموت اون و اوف لو اون تباه مفيم لو اون يبقى ازاز ابيض عادي

عايزين تفاصيل أكتر لو تسمح

بص يا باشا انا الى اعرفة ان اى عربية فيها فامية ورق ومش زجاج ملون العربية خارجة بية من المصنع يبقى من الصعب انك ترخصة او تكتبة فى الرخصة وعلى فكرة اكتر الناس الى مفيمة عربياتها من غير ولا ترخيص بس هما بيسبوها على اللة وكييف ......... يجبلة معلقة يعنى هو يستحمل اى عواقب هتحصلة اما بالنسبة للعربيات الى بتيجى من بلدها كدة فبردو لو مش زجاج ملون او مش نازلة من المصنع كدة هيتشال هيتشال الأ فى حالة الواسطة انا عربيتى كنت جايبها استعمال اوروبى وكان راكب فيها فامية اتحدى اى حد يكون مركب زية فى مصر لانة فية عاكس حرارى ومع الشمس لونة بيختلف فامية حرارى وعملت جميع المحاولات انى حتى اسيب الزجاج الخلفى على الاقل بس فشلت فى كدة وقفلوا الزجاج كلة عشان يتأكدو لن الفامية كلة مش فى العربية وفية ملحوظة وانا داخل الفحص فى ظابط رخم قالهم العربية دى متطلعش بالفامية دة ولو طلعت يبقى على جثتى شكلة كان الفامية عاجبة ومستكتر انة يكون فى عربية مواطن عادى ومفى حاجة كمان انا والدى عميد فى القوات المسلحة يعنى فى اكتر من واسطة بس مش هو الى بيسوق العربية وعربية مفيمة ولا حد بيكلمة لما بيكون فى لجنة لظروف شغلة مش اكتر ولا اقل

من الاخر ياجماعة الموضوع دة حظوظ يعنى فى ناس مفيمة وولا مرة حد قلهم اية الى انتم عملينة دة وفية واحد اول مابيفيم بيطلع على الشارع رخصة بتتسحب ومبيلحقش يتهنى بية