الموضوع: 90 الف لية وصينى حرااااااااااااااااااااام

المشاركة الأصلية كتبت بواسطة KHALED AYMAN

يا باشا واضح ان كلامى زعلك ....
انا بعتذر عن اى كلمه قلتها زعلتك سواء كانت صح او غلط !!!
و بعدين المفروض لو حضرتك شايف معلوماتى غلط تصححهالى ...
احنا هنا اخوات و بنتعلم من بعض ....
و انا فاهم ان حضرتك مش عاجبك كلامى ...
بس انا قولت رأيى ...
و يا ريت حضرتك تقولى رأيك لان انا معنديش مشكله انك تصححلى معلومه و استفيد بيها !!
على فكره انا ذكرت فى كلامى ان البريليانس افضل عربيه صينى فى مصر ..
لكن مثلا الجالينا مش معقول اقارنها بالاوكتافيا !!!


ارجو انك ترد عليا حتى لو مش هتناقشنى ..
قولى انك مش زعلان

انا مش زعلان من حد انا اصلى بتضايق لما اشوف العربية بيتكلموا عنها الناس بطريقة متساوية مع جميع العربيات الصينى الاخرى الفاشلة
انا يا سيدى حكيلك القصة من الاول
انا كان معايا لانوس وكانت 2005 العربية قعدت معايا من اخر 2005 لغاية شهر واحد 2009 وعملت بيها 50000كم
حضرتك انا غيرتلها كل حاجة تقريبا (عفشة كاملة - ماستر فرامل عمومى وطنابير وديسكات ) يعنى من الاخر كل حاجة اتغيرت ماعدا الشاسية والموتور
يعنى كرهتنى فى نفسى
بعد كدة قررت انى اجيب عربية جديدة
كنت بقارن بين العربيات وعن تجربة مش عن سمع لأنى بصراحة ما بحبش خالص انى اسمع كلام غيرى الا اما اجرب بنفسى
لاقيت قدامى نيو اكسنت والريو والفيرنا والبريلينس
بصراحة لاقيت ان النيو اكسنت والفيرنا والجيتز (مواتير تحفة سريعة جدا )لكن الثبات مش حلو وكمان ما فيش عوامل امان جيدة زى الفرامل والايرباج
والريو نفس النظام
قلت اما اجيب البريلينس (ومع العلم انى كنت خايف بردة )
والحمد لله ربنا كرمنى وجيبتها والحمد لله لاقيت العربية ثباتها تحفة فى الملفات الجامدة ومحدش كمان بيحس بالسرعة وأنا بجرى بيها
والعربية انقذتنى من الموت اكتر من مرة داه طبعا بعد ستر ربنا
يعنى موقف مثلا حصلى ان وانا ماشى فى شارع احمد عصمت عين شمس لاقيت فى تقاطع طلع منه موتوسكل ووقف قدامى والمسافة بينى وبينه ماتجيش 2 متر وأنا على سرعة 80 كم\س الحمد لله فرملت جامد وكمان عرفت اهرب منه وأنا دايس فرامل ديه ميزة ال abs يعنى انا يوميها لو مكانتش معايا البريلينس كان زمانى شيلتهم وموت واحد
كمان موقف وانا راجع من الكلية فى طريق مصر الاسماعيلية وكنت بجرى جامد وفجأه لاقيت الى قدامى هدا جامد وأنا ماكنتش واخد بالى فا فرملت جامد الحمد لله ربنا ستر ووقفت العربية وكان ورايا اوبترا وجين 2
والله هما الاتنين وقفوا فى الطريق بالعرض من قوة الفرامل وانا الحمد لله العربية وقفت عندى بالطول يعنى ماتحركتش لا يمين والاشمال وداه علشان عندى الebd الى هوا وظيفتة توزيع ضغط الفرامل
وكذا مرة ادخل فى الصحراء بالعربية واطلع الحمد لله بسلام
حضرتك انا مهما اتكلمت مش هقدر احكيلك المواقف الى قابلتنى والعربية انقذتنى فيهم داه طبعا بعد ستر ربنا
بس الى اقدر اقولهولك
انى مارمتش فلوسى فى الارض لانها عربية:
1-ثبات ممتاز
2-فرامل ممتازة
3-موتور جيد
4-وكيل محترم جدا

وكمان انا لاحظت حاجة غريبة ان لما اكون واقف بركن العربية واجيب الدركسيون من اليمين الى الشمال اللاقى العربية بتتحرك معايا وهيا واقفة انزل اطمن فى ايه اللاقى ان العجل لما بيلف بيعمل زاوية ميل كبيرة زى المرسيدس علشان يديلك زاوية اكبر فى الملفات وداه احترمته اوى يعنى فعلا زى ما قيلين سيستم بورش يعنى مش كدابيين

معلش طولت عليك شوية
وأنا ما بزعلش من حد انا بس بتضايق لما بشوف ان العربية مش واخده حقها

المشاركة الأصلية كتبت بواسطة mahamedaraby

عربيه تحفه وكل حاجه وانضف من الصينى وكمان تتقارن بالكورى

بس سياسه تسعير مش معقوله حد درس تسويق هو اللى حط الاسعار دى يعنى من يعنى اللى هيشترى جالينا 167 الف وهتعدى عليه التويوتا ادفاندس بكل الكماليات اللى فيها او الهوندا بفتحه السقف والجنوط ولا الفيكترا وكل الحاجات دى

ده لو نزل بيها السوق بعد سنه ولا حاجه والله هيلاقى الناس يتكلم معاه فى80 او 90 الف يعنى موت وخراب ديار

انا هنا مش بكلم عن جوده عربيه او اعتماديه انا بكلم عن سياسه تسعير للعربيه

ولولا اختلاف الأذواق لخلص الرز باللبن

بصراحة كلامك سليم 100%