ارجو تقييم 127فيورا .........عشان هنزل اشتيرها 11صبح

**shakor** · 12-04-2009 05:40 AM

بعد اذنكم يا جماعه عايزكم تقيميولى سيارة127 فيورا مستعمله موتور بحاله جيدة وموديل 85وكاوتش جديد بالنتروجين وسنتر وباور وكاسيت وجنوط اصلى سى سى 1100وليها رخصه سنه وصاحبها طالب فيها 16الف وستمائه ومش راضى ينزل خالص....وعشان انا محتاج عربيه اليومين دول ضرورى هتفرج عليها بكرة ويمكن اشتريها عاوز اعرف سعرها تعمل كام ؟ وهل الموديل دى ايطالى ولا ايه وقطع غيارها متوفرة ورخيصه ...............ياريت متتاخروش فى الرد وربنا يجازيكوا خير على مساعدتكم .

**shakor** · 12-04-2009 05:51 AM

22عضو يا جماعه ومحدش عايز يرد ليه بس ...............يا جماعه بعد اذنكوا مش عايز اتدبس وانتوا موجودين معاى دة حتى ما يصحش من فضللكم الوقت بيجرى وناقص كام ساعه ع الصبح يطلع واشوف العربيه وسؤالى ليكوا لو هى بالمواصفات ديه كتير عليها المبلغ دة ولا ايه ..........................

**Terrible_DaRsH** · 12-04-2009 05:56 AM

بسم الله .

اولا تاكد من حكاية باور دى .

ثانيا موديل 85 بانظف حالاته تعمل 14 الف .

ثالثا قطع الغيار متوفرة و رخيصة .

رابعا فتش على البارومة و الشاسيه .

و ربنا يوفق .

كمان انت عامل الموضوع الفجر ونازل كمان كام ساعة وعايز رد سريع :)

**eg_falcon** · 12-04-2009 12:29 PM

المشاركة الأصلية كتبت بواسطة Terrible_DaRsH

بسم الله .

اولا تاكد من حكاية باور دى .

ثانيا موديل 85 بانظف حالاته تعمل 14 الف .

ثالثا قطع الغيار متوفرة و رخيصة .

رابعا فتش على البارومة و الشاسيه .

و ربنا يوفق .

كمان انت عامل الموضوع الفجر ونازل كمان كام ساعة وعايز رد سريع :)

فعلا اعتقد 16 كتير شوية و بعدين بور في الفيورا مش عارف شكلها حاجة ماهاش لازمة كبيرة و ربنا يلهمك الصواب