من زمان موضوع الازعاج موجود فى مصر
زى استخدام الكلاكس بطريقه مزعجه عليه مخالفه
ولو داخل على لجنه ومعلى الكاست من حقه يديك مخالفه
لكن الجديد انه يفتش على السماعات والجى ام والشاشات والكلام ده
عرض للطباعة
لا كدة بقا حراااااااااااااااااام حرام بجد ومش هاينفع كدة
كده فعلا
الحياه بقى لونها بامبى
الحمد لله الواحد معدش نفسه فى حاجه خالص خالص....خالص
طيب ممكن الواحد يمشى بكاسيت شرايك ولا سىديهات
ولا يكونو اتمنعوا وتبقى جنايه
شكرا على التنبيه أخى ... مع انك زعلتنى جامد
:k30::k30::k30::k30:
انا ح ارد على السؤال
ال جي ام يا سيدي عبارة عن جهاز صوتي الغرض منه هو ازعاج خلق الله
يعني الواحد من دول بيبقى راكب العربية اللي مساحتها لا تتعدى متر مربع و يروح مركب الجهاز المفتكس ده علشان يسمع امة العرب والعجم الاغنية العبقرية اللي هو بيسمعها .... يمكنم بيكون زهقان ومش بيحب يسمع لوحده .... فمن كرم اخلاقه يروح مسمع كل من حوله في دائرة نصف قطرهر 500 متر .....
بغض النظر هما بيحبو الاغنية البلهاء اللي مشغلها او مش بيحبو مزيكا رزع الحلل ... ده امر لا يعنية
هو بس عاوز يبقى الناس سامعينه و مش طايقين يبصو في وشه .... واكيد بيدعو عليه وعلى اليوم اللي اهله جابوله عربيه فيه
ولا يكتفى بذلك .... ال جي ام بقى يا سيدي مش بيكون حلو الا بعد نص الليل .... علشان لو حد عنده شغل الصبح واكل عيش او مدرسة او واحد مريض او واحد قاعد يذكر الله .... يقوم الافندي اللي كله زوق .... يعكنن عليه وعلى عيلته كلها بالاختراع العبقري اللي اسمه جي ام .....
يعني الباشا مش سامع الاربع سماعات بتوع العربية في مساحة متر مربع .... اصغر من القبر .... يقوم يشتري بكام الف جنيه اجهزة عشان تسمع الناس اللي حوالية .... طيب ما كان يدي كل واحد ساكن جنبه 30 جنية مثلا وهو يسمع اللي عاوزه لوحده
...
من الآخر ...... دي احدث صيحة في التخلف اللي احنا عايشين فيه .....
الناس بره بيقيسو الكلاكس بالاجهزة الحساسة قبل ما يركبوها في العربيات عشان التلوث السمعي والضوضاء ....
احنا هنا طبعا شطبنا التلوث السمعي من قاموس اللغة المصرية ....
ولما تكلم الباشا محدث النعمة يقولك دي حرية شخصية ..... طب والناس اللي انت بتقرفهم دول مالهمش حريات ..... طبعا هو مستوى ثقافته مش ح يسمح له بفهم الحريات الخاصة بالآخرين .... هو يا دوب بياخد القرشين من بابا ... ويروح يجيب سماعات علشان يقرف خلق الله ... وبابا فرحان بيه
....
والظريف انه بيبقى مش سامع حاجة في العربية اساسا من قوة الصوت .... وكمان بيبوظ الجهاز السمعي بتاعه من غير ما يشعر
حسبي الله ونعم الوكيل
انا باتمنى ان القانون الجيد فعلا يكون بيصادر الاجهزة دي ... والله يبقى فيه بادرة امل
........
آسف للاطالة .....
التوقيع
واحد ساكن جنب عربية فيها جي إخص .... قصدي جي إم
على فكرة مش كل الى بيركبو جى ام بيركبوه علشان يمشو يسمعو البشر
وبعدين مش من حق الى فى الكمين انه ياخد حاجة من العربية يديك مخالفة اوكية
وبعدين انا نفسى أفهم حاجة ليه العربيات الملاكى هيا الى لازم يطبق عليها كل حاجة ؟؟؟
عندك مثلا ً المكروباصات الى فى الجيزة تبص جواها تلاقى فيها عدة صوت بثمن المكروباص ومحدش بيفكر يقولو بم
والموتسيكلات والفسيب وغيره تلاقى كلو ماشى معلى الصوت وبراحتهم أشمعنا احنا يا ملاكى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
المفروض ان دور الشرطة عموما سواء المرور او النجده او الشرطة ليس فقط ضبط المجرمين ...
المفروض ان لهم دور اكبر من كدة ... هو حماية القانون والانضباط في المجتمع
لما واحد يبقى بيسبب ازعاج للناس ... سواء بجهاز في عربيته ... او سماعات في فرح ... او كلاكس ... او حتى بصرخ ويغني في الشارع بصوته ...
المفروض ان حد يمنعه .... اللي هما الشرطة ..... والشرطة المختصة بالسيارات ... هما المرور
ده اللي احنا فيه ده مش موجود في مجاهل افريقيا .... ده العيل اللي عنده 14 سنة بيركب فزبا و يحط فيها جهاز صوته يصحي الاموات .... وعادي جدا .....
يبقى لما الاقي بادرة امل ان فيه حد بدأ يحاسب الناس على الاجهزة المزعجة دي بأي طريقة .... المفروض اكون مبسوط ... وعقبال باقي الاجهزة الامنية ما تطبق الانضباط فيما يخصها
.....
الغريب ... ان السيارة اتحولت في السنوات الاخيرة من وسيلة انتقال بها بعض الرفاهية ... الي وسيلة تفاخر وغطرسة ... ثم الي ملهى ليلي متحرك
دى الحقيقة اللى مش قادرين كلنا نعترف بيهااقتباس:
الغريب ... ان السيارة اتحولت في السنوات الاخيرة من وسيلة انتقال بها بعض الرفاهية ... الي وسيلة تفاخر وغطرسة ... ثم الي ملهى ليلي متحرك
تسلم ايدك
فى الزقازيق
تم سحب رخة سيارة امامى بسبب ال جى ام
و ممكن لانى كان معلى الصوت ===مش اكتر
و دا كان الخميس الماضى
طيب انا مش مركب جي إم و مكتفي بسماعات العربية اللي جت معاها بس عايز أعرف هل فيه أغاني معينة ممنوعة ؟ بعني هل لو شغلت "زحمة يا دنيا زحمة" مثلاَ يفتكروا إني بلمح إنهم مش شايفين شغلهم و تتعملي قضية أمن دولة ؟ و شكراَ .
أنا طبعا ً مؤيد لخطوة منع الجي الأم طبعا ً لأن أنا شايف إنه ملوش أي وظيفة مفيدة في مجال السيارات
المفروض إن السماعات في العربية عشان تسمع وانت سايق مش عشان تسمع الناس
لكن بالنسبة لموضوع الجنوط والطارة الاسبور دي حرية شخصية ولو الموضوع ده اتطبق يبقى مجرد جريمة أخرى من جرائم الحرية ، عشان يخلوا الناس تنفجر
بعد كده تقف في الكمين تلاقي الأمين راسه جوا العربية ... بيبص على نصك التحتاني - استر يا رب - :ask:
مخالفة 2000 جنيه ... انت مش عارف إن البناطيل الجينز ممنوعة عشان مش مريحة في السواقة :E_braces[1]:
اظن ان ده كلام مبالغ فيه لان مفيش بيه نص قانوني يعني الكلاكس ليه نص لكن حاجة زي كدا ملهاش نص و لا انتم رأيكم ايه و الي بيحصل معاه كدا يا تري كتبله في الوصل ايه ؟
ده اسمه تخلف و غباء و نصبعلني كمان....
محدش ليه حاجه عندي ...اركب جي ام ولا حتا اركب عشره...
و اللي بيقول انها تستحق انها تتسحب...
يبقي ممكن اقولكوا اي حاجه في الدنيا لو استخدمتها غلط لازم هتكون مضره...
شويه تقولوا الزينون بعمي الناس و شويه تقولوا علشان اللي بعلي و بيقرف الخلق...
ما هو مادام فيه بنأدمين محدثين نعمي لازم تلاقي الحاجه بيستخدمها غلط....
انا مركب جي ام و عمري ما فكرت اعلي و افتح الاربع زجاج و اعمل فيها الشاب الروش...
بسمع علي قدي و لو حبيت اعلي بقفل الزجاج...
مش كل اللي مركبينه ذي ما بتقوقولوا محدث نعمه و بيقرف الناس
و خلي حد بقي يحاول ينصب عليا و يسحبوا مني و يديلي مخالفه....
كام واحد في المليون بيبقو محترمين زي حضرتك وبيعملو كده ..؟؟؟؟؟
وايه الضمان ان اللي مركب جي ام ... ح يشغله بدون ازعاج ؟؟؟؟
ومنين بتوع المرور ح يعرفو الشخص ده بيشغل الجهاز ازاي ... على قده ولا على قد الحي كله ؟؟؟
يا راجل ده الفزبا والتوكتوك مركبين بلاوي .....
لو 1% بيستخدموه صح زيك ... و99% بيقرفو خلق الله .... يبقى ايه الحل ؟؟؟؟
ياباشا ده الجوامع بيشيلو الميكروفونات بتاعتها علشان الأذان بيزعج الناس الفجر وهما عاوزين ينامو ..... مين اولى انه يتشال .... مكرفون الجامع والا الجي ام بتاع محمود تونا اللي ساكن في العمارة اللي قدامي ؟؟؟؟؟
انت شكلك مخنوق من محمود تونا دة اوى :shine[1]:
بس بجد فعلا زى ما الاستاذ عمر قال مش كل الناس بتجيب جى ام علشان تمشى تعمل زفه بالعربية
لاء فيه ناس كتير بتجيبو علشان تقدر تسمع صوت كويس جوا العربية
وبعدين لما الأمين او غيرو لما يفك مثلا ً جى ام من العربية بتاعت اى حد هل انت فاكر انه هايلم الجى أمات ويحطها فى ميدان عام ويحرقها ؟؟؟ :3mla:
هما بيطبقوا القانون اللي علي مزاجهم لكن مش لاقيين اللي يلمهم أو يقف قدامهم
يعني لسه أمبارح أمين شرطة غبي كان عاوز يديني مخالفة علشان أستخدمت الكلاكس بشكل مستمر في شارع النزهة بس أول ماجه ناحيتي و لسه هايكتب نمرة العربية قولت له " يعني أنت سامع الكلاكس بتاعي و مش شايف التاكسي الغبي اللي قدامي اللي وقف فجأة في نص الشارع علشان يركب زبون"
علي طول راح علي التاكسي و كتب نمرته و قالي أتفضل , صدقوني دول عالم تخاف ماتختشيش
انا كان عندي زجاج البلكونات والشبابيك خشب ..... محمود تونا ده خلاني غيرته كله الي الوميتال علشان الرجة بتاعت صوت البتاع ده .....
وبعدين يحرقوها او يبيعوها ....
هما اصلا مش من سلطتهم انهم يشيلوها ... هما بيعملو مخالفة .... وانت بقى ومزاجك ... عاوز تشيلها ... عاوز تخليها و تدفع كل شوية مخالفة او رشوة للأمين عشان يطنش ..... الغاوي ينقط بطاقيته
....
اللهم إكفنا شر ازعاج ال جي امات والديفيلات والكلاكسات العالية ....
والله العظيم انا لما باتخيل الجنة ونعيمها بأقول في نفسي ... الله ..... يعني مفيش فيها الازعاج بتاع الدنيا .... اللهم اجمعنا فيها
لا يسمعون فيها لغوا ولا تأثيما إلا قيلا سلاما سلاما
على فكرة يا أستاذ aif انت ممكن تروح تعمل محضر فى (( محمود تونا )) دة انه عامل ضوضاء عندكم وياخدو تعاهد عليه انه ميعملش الضوضاء دة تانى
انت اكيد ما تعرفش محمود تونا .... واكيد ماتعرفنيش
اولا هو طبعا مش اسمه محمود تونا ... انا بس باقول اسم كودي منعا للإحراج
انا الاول نزلت كلمته بعد صلاة الجمعة ..... طبعا كعادة الشعب المصري ... انكر تماما .... وقال اكيد حد تاني ... انا عمري ما اعمل كدة
وبعدين مرة تانية فتحت الشباك و قلتله لو سمحت وطي صوت الكاسي مش عارفين ننام .... طبعا اتكسف وقفل الكاسيت خالص
ومرات عديدة عملتله فضيحه من البلكونة و هزأته بكل ما تحمل الكلمة من معاني ... طالما الذوق مش نافع
ومرة عملت زي ما انت بتقول اتصلت بالنجدة وعملت بلاغ ..... وكأن شيئا لم يكن .... النجده عندها حاجات اهم بكتير من التفاهات دي
الادهى من ذلك ان سيادته بيجيله اصحابه بعربيات عجيبة .... تلاقي العربية 127 او 128 او ماروتي قديمة .... وفيها عدة صوت اغلى من ثمن العربية .... و يسيبو الزفت ده شغال ... وينزلو من العربية يقفو يتكلمو في الشارع .... ما هما لو ركبو العربية ح ينطرشو اكيد ... ف بيحبو يسمعو البتاع ده من بعيد .....
ومرة في مرة لقوني مش بازهق .... ومش عارف ايه اللي حصلهم يظهر انه اتنقل شغل خارج القاهرة ..... يا رب ما يرجع ويفضل في السلوم او سيدي براني علطول .... عشان يقرف القذافي بدل ما يقرفني انا
تصدق اني معرفش اسمة ايه الحقيقي .... انا مسميه محمود تونا وخلاص .... مالها التونا .... د حتى العلبة ب 6 جنية
انا بجد اتخنقت اوي اوي من الخبر دا
انا عايز اعرف هما مش كفايه
بيطفشونا من البلد
وبيقرفونا
ومانعين الفاميه
ومانعين الزينون
ومانعين الواحد يركب عربيه سعرها فيها من الجمارك والضرايب وال...
وسلبين فلوسنا
ومفيش عدل
ومفيش وظائف آدميه
ومفيش ابسط حقوقك الطبيعيه كمواطن
كمان وراك وانت ماشي على رجلك فين البطاقه؟؟
ووراك وانت راكب مواصلات غير ادميه بالمره
ووراك وانت ف عربيتك اللي ربنا اللي يعلم بتيجي ازاي
بجد بجد البلد دي متنفعش وطن
:majd(4)::majd(4)::majd(4):
حد شاف الموقف دا بعينه غير الاخ صاحب الموضوع ؟؟؟؟
حسبنا الله ونعم الوكيل
بس هو يا جماعة الأصوات المزعجة سواء عدة صوت أو مواتير مادة واضحة في قانون المرور الجديد.
المفروض يعملولنا كتاب صغير كده او نوتة يكتبوا فيه ايه اللى مسموح بيه اسهل
حسبى الله ونعم الوكيلاقتباس:
ده تهريج وفضة تقلاقيه محتاج واحد قال يقلبه من اي حد
على كل ظااااااااااااااااالم طبعااااااااااااااا
يااااارب:_Alshmokh22[1]::_Alshmokh22[1]:
انا شفت امبارح عربيتين بيتفتشوا فى كمين العباسية ( بس ده العادى بتاع كل يوم ).
هو احنا اللى فجرنا وتمادينا فى الخطا ولا الحكومة هى اللى ظالمة ولا ايه !!
دايما بنحب نقلد الغرب فى كل شيء ولكنهم مختلفين عننا فى حاجتين :
- انهم لما بيخترعوا شيء بيحسنوا استخدامه .
- بيوضعوا لكل شيء حد وقوانين .
بصراحة احنا شعب مبيجيش غير بال *** .
الزينون ده شيء مضر جدا جدا ورخم بغباء و 95 % من مستخدمينه بيستخدموه لايذاء الاخرين ولو حتى كانوا مش حاسيين بكدا .
الصب والجى ام انا مصدقتش الخبر اول ما قراته دلوقتى بس ده لازم يحصل .
مع انى بحب ال Bass جدا واغانى الهيب هوب جدا ومن اكتر عشاقها على الاطلاق ولكن عمرى ما اذيت حد ولا سمعت حد انا بسمع ايه .. ده حتى صحابي لما بيقولوا لى انت بتسمع ايه مبرداش اعلى .
فمش كل الناس زيي و الاغلبية فى مصر بيستخدموا الصب والبازوكا بطريقة فظيعة لازم القانون يعاقب عليها لان زى ما قلت فى الاول الناس فى مصر مش بتيجى الا بال *** ..
عدم استخدام الحزام ..
دى المفروض تبقي مخالفتها 1000 جنيه مش 50 . هو حد كان يصدق ان العربية تلف بيا انا و صاحبي واحنا ماشيين على سرعة 60 ك وربنا ستر !!
و طبعا باقية الحاجات انا متفق مع الحكومة تماااااامااااا فيها ..
و لكن اللى انا بطلبه شيء واحد فقط !
(( يا ريت قبل ما يعلموا الظباط ازاى يجمعوا المخالفات يعلموهم ازاى يحترموا الناس ويعاملوهم بادب لاننا بشر مش حاجة تانية )) .
أوع تكون عربيتك واحدة منهم :khd: أزعل منك .. بهزر معك :)
بص هو طلما اللى بيتفتش ميعرفش امتى يتم تفتيشه ومين اللى بيفتشه والحالات التى يجوز فيها تفتيشه فقط، هما هيعمله اللى هما عاوزينه فيه من تفتيش ومخالفات ومحاضر وللأسف ناس كثير بتعتقد ان دة من حقه
فى كمين عند مطلع كوبري العباسية .
ده يوميا بعد الساعة 12.30 .
يفتشوا على الرخص ويفتشوا على الشنطة وخلاص وكمان اكتر شغلهم بيبقى على الموتوسيكلات .
بس انا نفسي اعرف هما بيفتشوا على ايه !! وبيوقفوا العربيات بناء على ايه !!
يعنى العربيتين بتوع امبارح دول كانت واحدة ماتريكس وراكب فيها ناس من السودان .
والتانية 131 وراكب فيها شباب زينا .