هو طلما كمين واقف متأخر كده بيكون في الغالب كمين مباحث مش مرور يعنى بيدور على مسجل خطر، واحد سارق حاجه، ناس معها مخدارت بس هما بيكون مواقفين معهم واحد بتاع مرور لزوم الغلاسة .. بس هو اخره معك رخص مش اكثر من كده لو قالك أفتش قولوا **** كان غيرك اشطر
عرض للطباعة
هو طلما كمين واقف متأخر كده بيكون في الغالب كمين مباحث مش مرور يعنى بيدور على مسجل خطر، واحد سارق حاجه، ناس معها مخدارت بس هما بيكون مواقفين معهم واحد بتاع مرور لزوم الغلاسة .. بس هو اخره معك رخص مش اكثر من كده لو قالك أفتش قولوا **** كان غيرك اشطر
نظام بقا يلغو سماعات الكيننود الدبل بيز هههههه (دة اللى ناقص)
و هيعملوا الحد الاقصي للسماعات 200 وات و اللى مش عاجبه بقي .
ويمكن حد من كبار البلد يستورد سماعات من بره يقوم قايل لك فى قانون المرور لا يسمح بتركيب سماعات غير ماركة ام تيتي :)
يارب متوصلش لسماعات الباب والكاسيت ابو شرايط :))))))
لا تعليق والله عالبلد الي احنا فيها دي
يا جدعان الي عايز يعيش بني ادم يطفش والله و يروح اي بلد تانية
اي حاجة بقت ارحم من " القذارة " الي احنا عايشين فيها دي
انا بقى وقفونى يا جماعة علشان نمرة العربية سودا ومكتوب عليها بالابيض مع انى حلفت للظابط ان النمرة دى انا استلمتها كدة بالعكس دة انا مستلمها زبالة ومعفنة ومتتقريش وانا الظهرتها علشان محدش يقول مخالفة طمس لوحات وطبعا الاخ الفاضل المهذب المحترم ابن الحلال ...ألخ الظابط مسابنيش الا لما دفعت 50 جنية وبقولة انا استلمتها كدة بيقولى مش غلطتى انا غلطة موظف قلتلة ما الموضف دة تبعك انت يعنى تبع المرور قالى مش ذنبى ومتحملش مسئولية موظف غلطان طبعا دفعت ال50 جندى بالرغم ان كان هاين على والله امد ايدى علية بس للاسف كنت هبهدل والدتى واخواتى لانهم كانو معايا فى العربية بس بجد انا حاسس ان فى مرة لو حصل معايا موقف تانى زى دة مش عارف انا هتصرف ازاى مع امين الشرطة او الظابط القدامى واليحصل يحصل لان دة كدة كتييييييييييير اوى
انا نفس الموضوع و السماعات مش بتقوم على خرج الكاسيت فا كان لازم اجيب amplifier عشان يشتغلوا و مش بعلى الصوت و لو حد قالى هيسحبوا هحط صوابعى فى عينية.
ما هو المشكلة ان اغلب العساكر و الامناء جهلة فا هما مش عارفين هما بيعملوا اية.
يا راجل دة لما اشارة المحكمة فى مصر الجديدة مش بتبقى شغالة بتشوف احلى شغل منهم و كل واحد من بلدياتنا بيبقى شغال بدماغة يفتح وقت ما يحب و يقفل وقت ما يحب.
عندك حل من الاتنين عشان بقوا بيغلسوا عليها جامد دلوقتى, يا اما تاخدها وش ابيض و تكتب النمر بالاسود يا اما تفكهم و تعمل محضر انهم اتسرقوا و تروح بالمحضر تاخد 2 جداد.
هو مش كده كتير ولا ايه؟؟؟؟؟؟؟؟
السلام عليكم..
مشكلتنا مقسومة على طرفين..
الطرف الأول الحكومة المبجلة ودة المسئولية عليها بنسبة 55%
والمواطنين ودوا بنسبة 45%
الحكومة مسؤوليتها تتمثل في عدم توضيح القوانين..مما يترتب عليه السماح للي يسوى واللي مايسواش بإنه يطبق القانون حسب فهمه اللي غالبا بيكون محدود جدا والضحية المواطن
والأمثلة كتير:
1-الفاميه..الغرض من منعه التسبب في عدم وضوح الرؤية للي وراك..وفي نفس الوقت مابيسمحش إن يشوفوا بتعمل إيه في العربية
تيجي بقى تركب درجة فاتحة جدا يا دوب عشان الشمس..يقول لك مخالفة..طب ليه؟فاميه...
ماهو لو المشرع موضح القانون كان الباشا فهم وفرق
2-الملصقات..الغرض من منعها تغيير ملامح السيارة..تيجي تحط ستيكر 5 سم في 3 سم يقول لك مخالفة
3-الحالة الجديدة والغريبة دي بتاعة الجي إم..دي موجودة من زمان تحت بنت التلوث البيئي(السمعي) ودة في حالة إنك تكون مشغله بطريقة مزعجة..طب مانا ممكن أعلى سماعات العربية بطريقة مزعجة برضه..
بس المفروض إنه مالوش الحق مادمت مش مشغله..وانت مالك إنت حاطه في الشنطة ولا في السقف؟مادمت مش مشغله ولا عامل إزعاج لحد؟
4-الزينون..أحسن نظام إضاءة إتعمل لحد دلوقتي..ممنوع ليه؟عشان بيضايق الناس التانية..بس لو معمول في عدسات هتلاقيه لا مضايق ولا أي حاجة..يقوموا هم يساووا دة بدة..وعلى فكرة مش بس الزينون..لأن المادة بتقول الأضواء المبهرة..مش الزينون!
والشعب مسئوليته تتمثل في إن نص الناس بتركب الحاجة يا إما منظرة يا إما زي في حالة الزينون كدة يبص لمصلحته ويتحرق الناس!
أتفق مع الحاج محمد وأختلف معاه..مش كل الناس وحشة زي ما انت فاكر عشان محمود سلامون..قصدي تونا..اللي عقدك دة!
نص الناس بيركيوه عشان يسمعوا صوت حلو فقط لا غير!
أنا واحد من الناس مركب جي إم وبازوكا عشان أسمع صوت نضيف..وناااااااااادرا لما بأعلي الكاسيت على 17 مثلا وهو أخره 60
أي نعم أنا كدة كدة فاصله أصلا من 5 شهور بس برضه!
الخلاصة..المشرع يوضح..والمواطن يلتزم ويتعاون..بس دة إسمه تعسف..
معلش طولت عليكم بس دمي إتحرق عشان كنت ناوي أوصلهم الأسبوع دة..
انا بفكر اركن العربيه فى الجراج و اخد تاكسى
اتفق مع حضرتك قلبا وقالبا..بس اللى مضايقنى فعلا هو ضرورة الامتثال بالقيم والعرف النابع من داخلنا اكتر من قانون القصد الاساسى منة السرقة والنهب وليس الاساس منة مراعاة شعور الاخرين..لان ببساطة شديدة الحكومة مخلصتش على كل السلبى فى حياتنا وفاضل الجى ام وكام حاجة كدة ودة كان سبب اعتراضى على القانون دة بشدة لانة كبت للشخص بالاضافة انى عمرى مااركب جى ام مثلا
بجد بقى حرام عليهم اللى بيعملوه فينا ده هو الواحد بيشتغل 12 ساعه و يبقى نفسه يعمل حاجه بيحبها زى سماع الكاسيت بدرجه صوت نقيه و متضايقش الناس يعكنن عليك و احد بنجمه و يضيع عليك الراحه بتاعتك و نص مرتب الشهر علشان هو شك انك بتعلى الصوت و انت مش قدامه
اللى فاضل يقولك عدد الشنط اللى مسموحلك تحطها و انت مسافر
امال الضريبة والرسوم بتوع الرخصة السنوية دى ايه ماهى اللى بتقول عليه حضرتكاقتباس:
دة كمان شوية يعملولنا ضريبة امتلاك عربية ملاكي
وياخدو منك اتاوة شهرية لان عندك عربية
انا ليا رأى ...
ليه بنعتبر الجى ام مخالفه ؟؟
عشان ايه ؟؟
عشان فى ناس بتستخدمه صح و ناس غلط صح ؟؟
طيب مهو كده يبقى العربيه نفسها مخالفه ..
اقولكو ليه ؟؟
العربيه انا ممكن امشى بيها بسرعه ...
ممكن اسرق بيها...
ممكن اعمل فيها فعل فاضح..
ممكن اخبط بيها ناس..
وممكن برده اروح بيها شغلى و كليتى و انزل اخرج بيها و اقضى وقت كويس و امشى على مهلى و معملش بيها حاجه غلط ...
يبقى مقدرش اقول الجى ام ممنوع عشان بنعلى الكاسيت و نضايق الناس ..
لو هنمشى بالمبدأ ده يبقى نمسك اى واحد نزل الشارع ..
و الى ينزل نقطع رجله
لانه ممكن يضرب حد بالشلوت ....
و بعدين انا فى حاجه عايز اقولها ..ز
مهما عملو مش هيقدرو يمنعوه ..
عرفو يمنعو الفوجات ؟؟
عرفو يمنعو الزينون ؟؟(انا ماشى بيه بقالى كتيييييير و محدش مسكنى )...
عرفو يمنعو السرعه ؟؟
عرفو يمنعو الاستيكرز ؟؟
عرفو يمنعو اى مخالفه اساسا ؟؟
بلاش ده كله !!
عرفو يجبرو الناس تلبس الحزام طول الوقت ؟؟
مش هيقدرو يسيطرو عتلى حاجه ...
مصر هى ام الدنيا ...
و على فكره انا مش شايف حاجه وحشه فى الجى ام طالما بستخدمه صح ...
و ان شاء الله يوم ما اجى اعمل سوند سيستم هجيب جى ام !!
لزوم الروشنه داخل عربيتى !!
الامتثال للقيم من نفسنا .... من غير ما حد يجبرنا عليه ؟؟؟؟
ده آخر شيء ممكن يبقى موجود عندنا في مصر .... يمكن في الاجيال اللي بعدنا ... لكن الاجيال الحالية .... لا أعتقد وان كنت اتمنى
...
لو فيه عندنا 1000 شيء سلبي ..... ولقيت حد بيصلح شيء سلبي واحد بس
هل اقول يعني الدنيا بايظة وهو بيصلح دي ... اشمعنى دي ؟؟؟
ولا أقول والله جدع انه بيصلح شيء سلبي ... وعقبال الباقي ؟؟؟؟
يا سيدي انت زعلان علشان الgm
واحد لذيذ كان هيدفعني 50 علشان كانت سايق العربيه بشبش بقوله وبالنسبه للشورت قالي المفروض لا تسوق لا بشورت ولا شبش ولا جلابيه قولتله ............ بس ومشيت ومش دفعت حاجه
بس بعد طبعا ما فهمته انه الكلام ده المفروض يبقي في العربيات السياحي
بجد حسبنا الله ونعم الوكيل
تلاقيه ميرعرفش يعنى ايه جى ام فحب يشوفه
ربنا يصلح الحال
انا اكبر غلطه انا عملتها إنى فتحت على الموضوع وانا فى الشغل لإن فعلآ (هم يبكي وهم يضحك" وخصوصاً الأستاذ الكونت اللواء الباشا المخبر / محمود تونا , انا والله مبتطلتش ضحك لما هأسبب لنفسي إحراج كبير فى الشغل .
لكن على كلً
ربنا يعنا جميعاً وكويس انى عرفت عن الموضوع علشان لما ارجع مصر بإذن الله آخدها "كعابي" واهى السعوديه مش بعيد
ويا خوفى من الفتره اللى هاخدها فى الطريق (مش عارف هيكونوا حرموا ايه تاني !!!!!!!!!!!!!!!!!!!!!!!!!!!!!!!!!؟)
بسم الله الرحمن الرحيم
يا جماعه .. الحاجات دي اتمنعت في بورسعيد بس تقريباً لأن فعلا الموضوع هناك زاد عن حدو اوي .. مافيش عربيه مش مركبة فلتر او شكمان او بازوكا .. او كلهم مع بعض :shyy:
والبلد صغيره جدا ومع كدا بتلاقي الدنيا دوشه !! فـ حاليا بورسعيد بقا ليها قانون مرور لوحدها :majd(4):
اللي مهبط العربيه ومركب اكصدامات و عتب وجنط اكبر من مقاس العربيه .. مخالفه و بيتسحبوا منك ..
اللي مركب بازوكا و GM و سماعات .. بتتسحب منه ومخالفه برضو ..
من الأخر هما عايزين يظبطوا البلد هناك شويه .. محدش فينا قال حاجه وشباب بورسعيد زي الفل وتوضيبهم للعربيات جميل اوي .. بس البلد صغيره ومش مستحمله ..
عمرك ما هتقف في كمين في القاهره ويقولك انت مركب سماعات و GM !! عادي خالص ..
في شم النسيم اللي فات كنت نازل بورسعيد لواحد صاحبي وكان راكب عندي بازوكا و GM .. بس الصراحه محدش اتكلم معايا .. بس برضو كنت عامل حسابي وفاصل البازوكا ولو حد جه يكلمني ابسط رد .. دا انا جاي يوم وماشي والحاجات دي مش ممنوعه عندنا .. اللي ليك عندي اني فاصلها .. :36_1_31:
عامتاً ان شاء الله ربنا ييفكها عن شباب بورسعيد فعلا المرور هناك معيشهم في سجن :Zb_sor1[1]:
بالنسبه لباقي المحافظات .. محدش هيتكلم معاك على حاجة ..:verygood:
ايه العبط ده
ودلوقتى كمان بقوا بيفتشوا عنها فى اسماعيلية وبيقولك افتح الشنطة
دة فاضل شوية شوية ويقولك مركب جنط لية؟؟؟؟
يخرب بيت أبو كدااااا ((أعذروني))
هما ليه بيكرهونا ف البلد كدا
دا ايه دا !!!!!!!!!
:banghead::banghead::banghead:
ده ناقص كمان يقولك لو لابس بوكسر اشكال وا نت سايق
يبقى مخالف
و مش بعيد يصادره منك كمان !!!!!!!
ايه يا جدعان ال ملوخيه اللى عايشين فيها دى
حاجه تقرف