الموضوع: محتاااااااااااااااااااااا ااااااااااااااااااااااااا ااره

بصى انا فى شهر 10 اللى فات ده كنت لسه مشترى ماروتى زيرو 2009 ,, ومن معرض المصريه ,,, و فرع المنصوره كمان

ساعتها كانت فعلا ب 38 و باقى المعارض تقريبا كان فى الحدود دى ,, بس دلوقتى 38 يبقى كتير مع نزول سعرها شويه ,, و فعلا فى معارض تانيه بتبيع اقل ممكن تشوفيهم

ميزه المصريه انها اعتقد مفيهاش مشاكل و حوارات كتير زى باقى المعارض ,, و كمان واحد تبعهم بيجيلك ع المرور يخلصلك حوار الترخيص

هم بيتعاملو مع سيتى بنك ( المفروض يبقى محل جزاره مش بنك من كبر الفايده اللى بيفرضها ) و باركليز تقريبا والله اعلم لو فى كمان,, ومش عارف اذا كانو بيفرضو حاجه معينه فيهم عليكى ولا ايه ,, بس انا خلصولى مع سيتى و مكنتش اعرف اصلا ساعتها ان فى غيره

عن نفسى دفعت مقدم حوالى 15 ونص ,, بالمصاريف الأداريه و التأمين وصلو ل 17 ,, و القسط 570 فى الشهر على 5 سنين ,, طبعا واضح مسمى الجزاره جه منين ,, بس انا فضلت كده عشان انا عامل حسابى سنه ان شاءالله و الباقى هابقى ادفعه كاش ( مع ملاحظه ان لما بتدفعى كاش بيلغى الفايده ع المده اللى بتدفعى عليها بحد أدنى سنه )

المهم دورى كويس فى المعارض ولو فلوسك كاش نزلى من تمن العربيه قد ما تقدرى ,, و لو هتقسطى شوفى اللى يريحك ايه ,, مقدم كبير و قسط صغير ولا العكس ,,

و بالتوفيق ان شاء الله واى استفسار احنا فى الخدمه

هم مش بيمضوكى على تمن العربيه كامل ,, اللى حصل انهم بيضموكى على وصل لكل سنه ,, وانتى مقسطه على اربع سنين يعنى اربع وصولات,, و بيديكى كعوب الشيكات تبقى معاكى على اساس ارقامها عشان يعرفو يرجعولهم لما يحتاجوهم ( لما تكونى سددتى القسط و عاوزه الشيك اللى ماضيه عليه ,, وهكذا ) ,, بس كانو زمان بيمضوكى على كل شهر ,, يعنى 48 وصل و شغلانه

و طبعا بعد كل 12 قسط بتدفعيهم ( سنه يعنى ) بيديكى الشيك او الوصل اللى ماضيه عليه و هكذا ,, لحد ما تخلصيهم

بتهيالى المصاريف الأداريه كتير ,, انا مش فاكر بالظبط دفعت كام بس فى حدود 250 300

التأمين السنوى معايا كان بيتناقص مع سنين التقسيط ,, يعنى اول سنه 1000 التانيه 800 و هكذا ,, شوفى نفس الحال معاكى برده ولا ايه

======

بس على كلام masy يبقى كده اوتو سمير ريان احسن ,, روحيلهم و اسالى برده ,, دى عربيه و الافات ,, و متسيش اول قاعده فى شرا العربيات ,, لا للأستعجال

و ربنا يوفقك

معنديش فكره ,, اتمنى حد من الأعضاء يقدر يساعد

بالتوفيق :)

امام مستشفى المقاولون طريق النصر الاوتوستراد ودة تليفوناتة 23421540او 41 :k38:
ربنا يوفق