المارشدير بيعلق

**disload** · 16-09-2007 03:00 AM

بسم الله الرحمن الرحيم
كل عام وأنتم بخير
عندي مشكلة في المارشدير ، إنه ساعات بيعلق .. يعني بدوس الدبرياج وانقل الفتيس بس النقلة مش بتيجي ( طبعا أنا بحس ساعتها إنه مخدش الغيار )، ولو شلت رجلي من على الدبرياج ساعتها بسمع صوت كركرة كده في الموتور ... ولازم ساعتها اقعد انقل في الفتيس اجيب الاول أو أي غيار وأرجع اجيب المارشدير تاني ساعتها بييجي .. يا ترى المشكلة في ايه ؟؟؟ وهل هي مشكلة كبيرة ولا لأ ؟؟

أفيدونا أفادكم الله ..

والسلام عليكم ورحمة الله وبركاته

**fahd_628** · 16-09-2007 03:54 AM

طيب يا باشا هوة المشكلة دية فى المارشدير بس ولا فى كل النقلات و هل الدبرياج واطى اوى ؟

**disload** · 16-09-2007 04:58 AM

بسم الله الرحمن الرحيم

لا يا أخي الفاضل ... المشكلة دي في المارشدير بس، أما باقي النقلات شغالة تمام، هو ممكن التاني يعاند معايا شوية قبل ما ياخد الغيار ( يكون جامد شوية يعني ) لكن بييجي ومش بيعلق .. التعليقة دي مع المارشدير بس
والدبرياج مش واطي ولا حاجة ... ارتفاعه مناسب
وشكرا لاهتمامك ..

والسلام عليكم ورحمة الله وبركاته

**goodwave** · 16-09-2007 12:08 PM

عندي نفس المشكلة :roll:

إيديها غيار عكسي الاول وحتلاقي المارشدير جه معاك على طول.... ده بس حل مؤقت

**disload** · 17-09-2007 04:23 AM

بسم الله الرحمن الرحيم

كود:

إيديها غيار عكسي الاول وحتلاقي المارشدير جه معاك على طول.... ده بس حل مؤقت

هو ده اللي أنا بعمله، وفعلا المارشدير بييجي معايا، بس ساعات مش من أول مرة، يعني اديها الأول مرتين مثلا، وبعدين المارشدير بييجي، بس يا ترى ايه الحل الدائم ويا ترى المشكلة دي بتبقى بسبب ايه ؟؟

والسلام عليكم ورحمة الله وبركاته

**sab3aawy** · 17-09-2007 02:43 PM

العيب ده عادة بيكون بسبب تآكل غوايش او تروس نقلة معينة ويعالج بفك الفتيس وتغيير تروس هذة النقلة والغوايش الخاصة بها

**disload** · 17-09-2007 04:20 PM

بسم الله الرحمن الرحيم

شكرا يا باشمهندس... أثلجتم صدري ... وأفهم من كلامك إنها مشكلة بسيطة .. صح ولا لأ ؟؟

والسلام عليكم ورحمة الله وبركاته

**Abdallah** · 18-09-2007 12:28 AM

للاسف مش بسيطة , انا مكنتش عايز اخوفك بس الموضوع دة ممكن يستلزم تغيير فتيس كامل , نظرا لان مش كل الفنيين بيعرفوا يصلحوا الفتيس وممكن متلاقيش القطعة الى انت عايزها استيراد , عموما انا اذكر ان كان فى صديق ليا عنده فتيس تويوتا موديل 91, لو احتجت غويشة مارشدير اعتقد ممكن يديهالك عن طيب خاطر.

**disload** · 20-09-2007 06:41 PM

شكرا يا استاذ عبد الله

**hazem_khidr** · 23-09-2007 05:44 PM

الموضوع دا غوايش زي ما الاخوه قالو و ما انصحش بفك الفتيس و اصلاحه لانه من المستحيل يرجع زي الاول و الافضل انك توفر علي نفسك و تجيب واحد استيراد و تاخده من التاجر علي تجربه لمده اسبوع و بكده تريح دماغك حتي لو اغلي من التصليح لان التصليح حيبوظ تاني في وقت قريب

الموضوع: المارشدير بيعلق

LinkBack

أدوات الموضوع

عرض

-

-

-

-

المواضيع المتشابهه

مكنة المارشدير او صباع المارشدير للكرستالة

عضه فى المارشدير

عضة فى المارشدير

نور المارشدير

صوت فى المارشدير

الكلمات الدلالية لهذا الموضوع

المفضلات

المفضلات

ضوابط المشاركة