الموضوع: تعمل ايه لو حد شد معاك؟هتشد معاه ولا تقوله اللي يسامحك؟

المشاركة الأصلية كتبت بواسطة sherif_m72

فيه سؤال بسيط جدا وياريت تجاوبوا عليه بصراااااااااحه؟؟
لو بتتسابق مع عربيه وشديت معاها وظهرت امامه هو عقبه والحل ومن غير تفكير واحد من اتنين
1- تكبس عليه اكتر عشان ميطلعش منك ويقابل مصيره؟
2-تهدى سرعتك وتديله فرصه يطلع منك ويسبقك؟
ياريت تجاوب بصراحه وتقتنع !!

لا طبعا لازم أهدي سرعتي و أطلعه حتي لوسبقني كله الا كدة فأكيد لازم أديله فرصة يطلع مش معقول أسيبه يقابل مصيره أحنا بنشد مش بنتخانق و في فرق كبير بين الشد و الكسر.
الشد ده زي ماتش صغير او مباراة ما بين اتنين فيها اتفاق ضمني اني مفيش عداوة و لا غباوة ده بيبقي مجرد ماتش غير متفق عليه و بيخلص و كل واحد يروح لحاله دي أصول الشد (و برضه ده مينفيش انه غلط).
لكن الكسر بقي ده لو واحد عامل فيها سواق و عايز يطلع مني باي طريقة و بيكسر لا يبقي تعالي يا حبيبي انت جيت و لا الهوا اللي رماك و ممكن توصل اني البسه بجد بس برضه نادرا جدا لما بكون عايز البسه فعلا ممكن اهوشه بس و مرة واحد سايق لانوس2 حب انه يتنطط بس عرف غلطته لاني حطيت وش عربيته بين الرفرف الشمال الوراني بتاعي و بين الرصيف و لمست رفرفه بس من غير ما اخدشه حتي دي بس كانت قرصة ودن و منطقش و لا قدر يعلي صوت موتوره علي بعد كدة :10D5C8~1107:

المشاركة الأصلية كتبت بواسطة SAMER_ENGINES

الشد ده زي ماتش صغير او مباراة ما بين اتنين فيها اتفاق ضمني اني مفيش عداوة و لا غباوة ده بيبقي مجرد ماتش غير متفق عليه و بيخلص و كل واحد يروح لحاله دي أصول الشد (و برضه ده مينفيش انه غلط).

كلام جميل
بس مؤخرا اكتشفت ان فى ناس بتحب تلبس اللى بيشد معاها
وتبقى تلبيسه فيها خسائر جامده
يعنى يلبسك فى موتوسيكل فى عمود
يا اما انت تروح يا اما ناس تانيه تروح وطبعا العربيه كده كده رايحه

مش عارف تفكيرهم بيوصلهم لكده ازاى
ازاى بيقدر يروح ينام وهو عارف ان هو السبب ان فى عربيه شالت واحد بيعدى او عربيه راكنه على جنب او لبس واحد فى عمود او رصيف متعمدا؟

المشاركة الأصلية كتبت بواسطة SAMER_ENGINES

لكن الكسر بقي ده لو واحد عامل فيها سواق و عايز يطلع مني باي طريقة و بيكسر لا يبقي تعالي يا حبيبي انت جيت و لا الهوا اللي رماك و ممكن توصل اني البسه بجد بس برضه نادرا جدا لما بكون عايز البسه فعلا ممكن اهوشه بس و مرة واحد سايق لانوس2 حب انه يتنطط بس عرف غلطته لاني حطيت وش عربيته بين الرفرف الشمال الوراني بتاعي و بين الرصيف و لمست رفرفه بس من غير ما اخدشه حتي دي بس كانت قرصة ودن و منطقش و لا قدر يعلي صوت موتوره علي بعد كدة :10D5C8~1107:

بصراحه شوية الكلام دول مش عاجبنى
ممكن العناد ده يوصل لمصايب

وليه اخسر عربيتى حتى ولو خربشه بسيطه
انا عارف امكانيات عربيتى وامكاناتى كويس

مادام هو طلع غبى خليه يغور فى داهيه