اقتباس:
المشاركة الأصلية كتبت بواسطة semsem kane
انت والله لو كنت بس قولت الكلام دة من تلات شهور بالظبط كنت وريتك فيديو ليا اللى مصورة واحد صاحبة قاعد جنبى وجايبنى وجايب الطريق وجايب الطريق والعربية جايبة 260 فى 34 ثانية ,وبتجيب ال100 كيلو ان اوالله حاسبها عملت 6.5 ثانية وكانت ممكن اقل من كدة وانا عارف والناس هنا كلها عارفة يعنى اية sir وبعدين ثباتها على 200 مستريح بس انت جمد قلبك وهاتهم وبعدين عشان تبقى عارف بردة انت عندك العربية اخر الاربى ام بتاعها 6500 لفة ال sir عدد لفاتها 9500 وبتجيبهم فى ثانية ودة عيبها انها بتخدعك جامد يعنى لو قارص وعينك مش على الاربى هتلاقى العربية دخلت عندك على الريد لاين فى لمح البصر
وممكن تدخل على اليوتيوب واكتب بس b16a هتعرف انى بقولك كدة بطىء لية
وبعدين ياعم ماتزعلش قوى من كلمة البودى مش على قد الشاسية انا اللى اقصد من كلامى دة بحس ان الكاوتش داخل قوى لجوة ومش فى سوى الرفارف ودة اللى بيخلى العربية تعوم على الملفات فى سرعات عالية نسبيا عاملة بالظبت زى ال132 وربنا يباركلك فيها ويكفيك شرها ويديك خيرها سواء انت او صاحبك وماتزعلش ياباشا
ياباشا مش زعلان ومش مضايق ياباشا احنا بنركب العربيات ديه مش احنا اللى مصنعنها الموضوع فى الأول و فى ألأخر وجهات نظر بس برده موضوع 200 فى ققل 20 ثانية معلش تانى مرة مش قادر اقتنع انا عارف ان مواتير ال SIR من المواتير الجامدة جداااا وعارف ان ال أر بى ام بتاعها مش 6500 لفة اول الريد زووون عارف كل ده وانا بعشق عربية اسمها هوندا أصلا انتة فاكرنى بكرها !!! اى حد بيحب الجرى و السرعة والمواتير بيعشق الهوندات والبى ام بس بردة معلش مش قادر اقتنع ب من 0 ل 200 فى 20 ثانية صعب قوى !!! ممكن 25 ... 30 لكن 20 ثانية انتة كده قربت لعربيات عالية قوى وانتة 1600 سى سى صعب ولا إيه !!!!