د/ سيليكون

**kemo0o** · 14-04-2009 05:30 AM

حسبي الله ونعم الوكيل
وادي اخرة الاعلام المصري
الله يحرقهم ويحرق اللي بينتج لهم واللي بيوافق لهم اصلا على نشر الزفت ده

**adel1414** · 14-04-2009 05:50 AM

والله فعلا الواحد مش عارف يعمل ايية..يعنى فى كل زمن فى الكويس والوحش وكلاهما على حدة..امادلوقتى كلة متلخبط وكلة بيفتى يعنى انا نفسى افهم حاجة لما تعد تسمع برنامج مثلا بيتكلم على الحجاب بين مؤيد ومعارض(سبحان الله)مع ان الحاجات دى حكمها معروف من زمان و غيرة وغيرة..انا من زمان كنت بسمع اغانى ومتابع السينما الى حد ما لكن بقالى سنتين الموضوع شبة مش فدماغى ..تبص تلاقى نفسك محاط بالاغانى والافلام دى والهبل والعبط اللى بنشوفة كل يوم والمشكلة ان فى كتير اتعود على كدة واعتبرها عادى يعنى الدنيا كلها كدة انا حبقى الفلوطة اللى غير الناس..بس والحمدلله لسة فية ناس محترمة ومتدينة جدا وربنا يخرجنا منها على خير

**ahmad--ezzat** · 14-04-2009 06:21 AM

من ايناس الدغيدى للسبكى..ياقلبى لا تحزن

**sab3aawy** · 14-04-2009 10:28 AM

الله يكرمه بأه احمد مكى هو اللى فتح الباب على مصراعيه لكل السفالة دى بعد مقولته الشهيرة التى اصبحت احدى تراثيات الرعاع" إيه سيفين إيه"

**Hossam_Hassan** · 14-04-2009 11:48 AM

المشاركة الأصلية كتبت بواسطة osamaesm

منتهي الاستخفاف وقله الادب

امبارح راجع من الشغل لقيت احمد وعمر في الاوضه بتاعتهم (احمد اربع سنين وعمر سنه وتسعو شهور )لقيتهم بيتنططو وبيغنو ابو امك ابو امك زقعتلهم وبهدلتهم وسكت ومش عارف هما ازاي يقولو كده لبعض وقفلت الموضوع باليل لقيت اعلان الفيلم د/ سيلكون ولقيت ان فيه اغنيه كده احمد بصلي وهاتك يا ضحك وعمر علي طول افتكر وقعد يغني ابو امك غيرت علي طول وقعدت اوعقله واحاول افهمه وهو مفيش كل شويه ابص لقيه عمال يعيدها
حاجه منتهي القرف والاستخفاف
حسبي الله ونعم الوكيل

معلش انا هعتب على حضرتك فى نقطة، لازم حضرتك اللى تتحكم على قد ماتقدر فى المواد اللى الولاد بيتفرجوا عليها، و انصحك انك تشيل كل المحطات اللى ممكن تعرض الأسفاف ده و كمان يبقى فى مواعيد للمشاهدة، عن نفسى تقريبا عندى 12 - 15 محطة ما بين اخبار و رياضة و غالبا ببقى مشغل للبنت لولو برامج عالم سمسم على سيديهات، يعنى تسلية و تعليم و كمان بعيدة عن الأسفاف و لو بالصدفة.

نصيحة اخيرة، الأحسن انك تحاول تفهم الأولاد ان الأغنية دى غلط بأسلوب هادى و من غير عصبية.

**osamaesm** · 14-04-2009 12:19 PM

معلش انا هعتب على حضرتك فى نقطة، لازم حضرتك اللى تتحكم على قد ماتقدر فى المواد اللى الولاد بيتفرجوا عليها، و انصحك انك تشيل كل المحطات اللى ممكن تعرض الأسفاف ده و كمان يبقى فى مواعيد للمشاهدة، عن نفسى تقريبا عندى 12 - 15 محطة ما بين اخبار و رياضة و غالبا ببقى مشغل للبنت لولو برامج عالم سمسم على سيديهات، يعنى تسلية و تعليم و كمان بعيدة عن الأسفاف و لو بالصدفة.

نصيحة اخيرة، الأحسن انك تحاول تفهم الأولاد ان الأغنية دى غلط بأسلوب هادى و من غير عصبية.

عندك حق انا معاك
بس برده مش كان جاي علي قناه اغاني دي كانت Art افلام وفي وقت عادي كانت الساعه 6 وهما في الغالب مش بيتفرجو غير علي كارتون وقناه براعم بس احمد بيعرف يقلب في الرموت بس ممكن اعمل فعلا زي ما انتا بتقول واخلي القنوات مشفره او الغيها طول ما هما لوحدهم

**نور القمر** · 14-04-2009 01:53 PM

الواحد والله مش عارف يلاقيها منين ولا منين
انا حاسة اننا محاصرين من كل الاتجاهات
من التليفزيون ولا الشارع ولا السيبرات اللي بقت في كل شوارع والاشكال اللي بتلمها ولا المدارس

ربنا يسترها على ولادنا ويحفظهم من كل شر

**mohmd76** · 14-04-2009 03:07 PM

فيلم اخر منتهى قله الادب حسن حسنى وبنت صغيرة جديدة وثالثه بدور راقصه ورابع تخين واهبل فى فيلم اخر كلام
منتهى قله الادب والسفاله ووصله الردح من البنت 6 7 سنين
واخرى الكبيرة راقصه البست الصغيرة جلابية عاريه ووصله رقص فى منتهى السفاله

وتريدون الاطفال لا قلدونهم
ومن اين جاءت السفاله والانحطاط والسوقيه

وسلم لى على الريادة ومصر ام الدنيا

**mragh** · 14-04-2009 06:12 PM

حسبي الله ونعم الوكيل

أنا أول مرة أسمع عن الأغنية ديه، و الغريب انها تذاع على القنوات العادية مش قنوات الأغاني

طيب الواحد كان قافل قنوات الأغاني كلها عشان الأولاد و عشان الواحد ميشفش الأرف ده , و مش راضي اشترك في ال-Showtime عشان المناظر الخارجة في بعض الأفلام , أعتقد إن الحل إن الواحد يقفل التلفزيون خالص